是咁的，我同女神做咗鄰居: 74.

她聽到我的指示後便張開了眼。

 「嘩！」她一睜開眼便定睛注視著那大螢幕。 

「點呀，呢個驚喜得唔得先？」我問。 

「全部都係你整㗎？」她四處張望。

 「係呀，用咗幾日時間去預備㗎。」我說。 





「咁都比你諗到可以租間Party room嚟做戲院。」啊童讚嘆地說。 

「鍾唔鍾意先？我諗咗好耐先至諗到㗎。呢到可以自己調節燈光，又有大螢幕， 雖然冇戲院咁大，但係都唔細吖。係到睇林鍾之戰，你又唔會受夜盲症影響而睇得唔清楚， 又可以係大螢幕上面睇，我自己都好佩服自己，竟然可以諗到呢個方法。」我說。 

「係啦係啦，知你好用心咁準備啦，快啲開始啦。」啊童急不及待地說。

 「等陣先，睇戲，又點可以冇得食爆谷㗎呢？」我拿出一包爆谷。 

「點解會有爆谷㗎？」啊童一手搶過去。 





「秘密！」

我把食指放在嘴前，故作神秘地說。

 「妖。」啊童打了我一下。 

「我開始啦。」我說。

 「快啲啦。」





 於是我便走過去，拿起搖控器，

按下開始鍵。 電影便開始播放了。

 這一套電影是真人紀錄片，主要是記錄著兩個想成名的男人(on9)， 

上擂台決戰前的訓練情景，以及比賽的畫面。

 「你支持邊個？」我問。

 「緊係林作啦。」啊童專注地看著螢幕上的畫面說。

 「竟然係咁？」我驚訝地說。 

「緊係支持較為弱個邊㗎啦，鍾生之前有打過㗎嘛，林作就冇啦，睇下佢點樣由零開始訓練，再上擂台打，諗起都覺得好睇。」啊童說。





「你覺得邊個會贏？」對這套紀錄片不太感興趣的我繼續追問。

 「唉呀，專心睇戲啦你。問問問！」啊童說。 

「係係係。」 

過了大約兩個小時後，這齣電影終於完結了。 

「呼，終於睇完。」我伸一伸懶腰說。 

「真係好好睇啊！！！」啊童大叫著說。 

「都唔明有咩咁好睇。」我小聲地嘀咕著。 





「不知幾好睇，望住一個人由唔識打拳變到識得打仲要上埋擂台同人隻揪，不知幾型。」啊童說。 

「有錢佬真係有錢佬，平時我地話隻揪都係講下啫，人地係真係會上擂台隻揪。」我感嘆地說。

 「你係咪想隻揪吖咁？」啊童擺好拳擊姿勢問我。

 「唔係唔係，我點夠你打呢，我都係講下啫。」我說。

 「哼，算你識做，話晒我頭先睇完佢地點訓練，唔好睇少我啊。」啊童說。

 「唓，睇完人地點訓練就識打咩！係咁既話，啲拳館執晒啦。」我不屑地說。

 啊童突然大力打出一拳，打到我左手的手臂上。 

「嘩...嘶，你痴線㗎？」我按著比她打的位置說。





 「邊個叫你睇少我啊，知驚未？我都話睇完佢地點訓練就識㗎啦。」啊童說。 

「得得得，我認輸，唔好再打我！」我向啊童求饒。

 「哼，有敬酒唔飲飲罰酒，抵你比我打。」啊童說。

 「去唔去食埋夜晚飯先返屋企？」我問。 

「好啊。」啊童說。 

「點呀，鍾唔鍾意呢個驚喜先？」我問。 

「緊係鍾意啦。」 





「咁如果我宜家同你表白，你接唔接受先？」我笑著問她。 

「我考慮下。」 

「我鍾意你。」 

「考慮完，唔接受，去食野。」

啊童拿起自己書包走了出去。 

「喂你拒絕我都唔洗自己一個行得咁快㗎，等埋我！」我連忙拿起自己的書包追了出去。

 當晚，我跟啊童隨便M記吃過晚餐後便回了家，

 對，你沒看錯，是M記， 

我找到了一個肯陪我捱M記的女生， 

只不過她還未接受我罷了。


跪求大家Follow我既IG: MaanYin05