可惜,我的美好計劃,比那個八婆禮一手破壞了。 

原因是因為,

我們(我跟啊童)在堂上未能正確回答她的問題。


 結果,我們便比她送了去留堂班,

 放學後要去一個課室,留堂直到五點。 



「屌佢個八婆,我放學有野做㗎嘛,宜家要留堂。」我不憤地說。

 「睇戲咋嘛,聽日睇都得啦,今日咪係學校溫書囉。」啊童說。

 「唔係啊,你唔明㗎,總之我地今日放學一定要去個度㗎,我準備咗個驚喜比你吖嘛。」我說。 

「咁可以點啫。」啊童問。

 「不如...我地唔好去個個留堂班。」我說。



 「吓,我地唔去又會比佢鬧㗎啦喎,同埋分分鐘佢會記我地缺點添喎,會唔會唔係咁好啊。」啊童擔心地問。 

「唔驚啦,一次半次咋嘛。」我繼續游說她。 

「唔...」她還是猶豫不決。

 「嚟啦嚟啦,我準備得好辛苦㗎。」

 「咁好啦。」她說。



 「Yeah!包你鍾意。」 

「係至好啊。」啊童說。

 於是我們放學之後便直接落樓,而不是去留堂班。 

正當我們差不多踏出校門之際,後面突然傳來一把聲音,

 「Hey! you two, stand right there! You two should go to the detention class instead of leaving the school. I don’t know why are you here, but now, you need to return to the detention class.」八婆禮說。

 「等我嚟。」我低聲對啊童說。 

我說完後轉身,看著八婆禮說, 

「係咩?哈哈,唔記得咗添,宜家去宜家去。」我笑著說。 



「I will go with you, to ensure you really attend the detention class.」她說。

 「好啊,你捉到我地咪去囉。」 

我立即轉身,拉著啊童跑出學校大門,速度快得連旁邊的保安想攔也攔不住。

 「Stop!!!!」八婆禮大叫。

 我們當然沒有理會她,一路飛奔到遠處才停下來。

 「嗄...你痴線㗎咩?」啊童喘著氣說。

 「冇辦法啦,如果我地唔係咁樣跑走,我地一定要去留堂班啊!」我說。



 「你個個驚喜最好係值得我咁樣做至好啊!如果唔係,我一定打死你。」啊童說。 

「係啦係啦,跟住我啦。」我說。

 我們一路走到了地鐵站,

 「喂,我地去邊啊?」啊童問。

 「一陣你咪知囉。」我說。 

我們坐上了列車,去到觀塘後便下了車。

 我帶著啊童走進一棟工業大廈中,

對著其中一個單位按下門鐘。
 



單位內走出一個男人,他為我們開門後便離去。

 「你...你想點呀!你唔好諗住非禮我啊!我嗌㗎。」啊童一臉驚恐地說。

 「屌你咪玩啦,你識咗我咁耐,你覺得我係啲咁既人咩。」我無言地說。 

「講下笑啫。」

啊童秒速變臉,笑著對我說。


「唓,嗱,話晒都花好多心機既,做下樣,配合一下,瞇埋眼入去啦。」我說。 

「係咪㗎?我仲記得你上次叫我瞇埋眼既時候,我比你整蠱喎。」啊童半信半疑地說。



 「係㗎啦,瞇埋眼啦。」我說。 

於是她便合上了眼。 我拉著她的手走進去,

去到梳發後扶著她坐下,
 我走向DVD機,

把林鍾之戰這套電影的DVD插入,


 把畫面投射至大螢幕上, 再把燈光調教成微暗。 

「得未呀?」啊童問。 

「得啦得啦,你宜家可以擘大眼啦。」


跪求大家Follow我既IG: MaanYin05 








 
已有 0 人追稿