是咁的，我同女神做咗鄰居: 85.

「首先，你知唔知你琴日輸既原因？」

 「我廢過你囉。」

 「錯，呃...都唔係既，啱一半，你的確係廢過我。」她笑一笑。

 「咁錯個另一半係？」 

「我會咁講，你琴日係輸比自己。」她繼續說。





 「唔明。」 

「你回想一下，你琴日有幾多球係自己失誤？有幾多球係因為你自己打落網而失分？」

 「我諗...八至九球到啦。」我想了想後說。

 「咁咪係囉，你因為自己既失誤，而令到自己冇咗八，九分，如果你將啲失誤減少，咁就可以攞返多啲分啦。」啊童為我分析。 

「明白。」 





「所以，我地宜家要先幫你減少你既失誤先。」啊童說。 

「好啊，點練吖咁？」我問。 

「我開廿球高波比你，你殺波，唔準落網，粒波落地既位置唔準後過我企既位，呢兩樣野有其中一樣做唔到，就重新計過。」啊童拿起兩筒羽毛球走過去對面說。

 「好啊。」我拿起球拍說。 

如是者，我便正式開始了訓練， 





只是我總達不到啊童的要求，

 羽毛球要不被我打落網， 

要不落地的位置後過啊童， 

有好幾次成功打到第十八球，

 但就是差最後那一，兩球才夠二十球， 

無止境地輪迴。 

過了差不多二十五分鐘之後， 

「十七...十八。」我心裏默默數著。





 「頂埋佢啊！」啊童一邊把球打出一邊說。 

「十九...」 

「加油！」 

「二十！！！」

我成功把第二十球打出後，我對著天空大叫。

 「你搞咗足足廿七分鐘先至做到啊！都唔知你點去比賽，好彩教練叫我同你練下咋。」啊童說。

 「係啦係啦，多謝啊童。」我向啊童鞠躬。





 「練完殺波就練其他野啦。」

 「好啊，練咩吖？」我問。

 接下來，我們把放網，吊球，高遠球，開波等等技巧全都練習了一遍。

 「呼，好攰啊！」 

「唉，好彩同你練一練，原來你啲基本功咁差，除咗放網稍為好啲之外，其他都唔得。」啊童嘆了口氣後說。

 「有冇咁差啊？」

 「有啊，個時教練話你係成個中三入面最好打，仲以為你好勁，結果原來你連呢啲野都做唔到。」啊童說。

 「唓，你好勁咩？」 





「勁過你。」 

「你唔好唔記得，你第一次同我打既時侯輸過比我㗎喎，仲搞到自己扭親添。」我說。

 「妖，你駛唔駛次次打波都提起我扭親啊？」她反了反白眼。

 「個次呢，我會輸比你，係因為我未認真打，同埋我個時心情唔好吖嘛，又點會打得好呢？」啊童繼續說。 

「口講無憑，要唔要打返場？」我問。

 「嚟吖~我就證明俾你睇。」啊童說。

 「廿一分，你開波。」我說。 





啊童準備好後就開了一球長球， 

我立即後移，打了一個吊球，

嘗試把優勢拉到自己身上。

(如果你地仲記得既話，我係擅長打網前既。)

 啊童像是會料到我會打吊球一樣，

一早就站在網前準備， 待球來到時便輕輕一撥，

 只見球沿著網落下，

 我立即向前跑，

可惜來不及在球落地前把球救起， 

失去了第一分。





跪求大家Follow我既IG: MaanYin05