是咁的，我同女神做咗鄰居: 86.

之後那幾球，我不斷被她壓制，

連一分都拿不到， 

她就像能猜得透我的下一步，

永遠都能預先走位。

 我終於按捺不住，開口問她，





 「喂，點解呢，你好似估到我下一步想做咩咁既？」 

「因為，你既攻擊模式太過單一，你有冇發現你每次進攻既時候，唔係殺波就係放網，係人都捉到你點打啦。」啊童說。 

「咁點樣先可以冇咁單一？」我問。 

「唔好一味殺波同放網，雖然你放網係真係幾好，但係你一用得多，人地就知道。所以，你要做既係，唔好咁急於攞分，未有好既機會咪同人嗟下波先囉，打多啲高遠球，有時粒波係網前咪挑下波，打返去後場，令對手走多啲位，增加佢地出錯既次數。」啊童說。 

「唔，估唔到你會諗咁多野。」我聽完後說。 





「超！呢啲野好基本咋嘛，我好耐以前已經識啦。」啊童說。

 「咁又係既，你細細個已經出去學，點同我呢。」

 「所以我宜家咪做緊你既私人教練囉，嗱，宜家照我頭先講既野做一次，試下有冇咩唔同。」啊童說。 

「好啊，你繼續開波吖。」我說。

 她發球後，我按照她的指示去做，

打多了高遠球以及挑波，

 進攻模式不再單一，有多了變化後，

 她果然不能再準確地預測我下一步， 

我也從她手上接連取得幾分。 

「嗱，係咪啊，人地捉唔到你個進攻模式，你就易啲攞分㗎啦。」啊童說。

 「跟住只要我練返好啲基本功，咁就有機會贏學界啦。」我興奮地說。

 「仲有一樣好重要既野我要同你練，我要同你練接殺(球)，冇好既防守又點樣進攻呢？」她說。

 「咁今日練埋接殺就收工！返屋企打機！」我說。





 「你係咪唔記得咗我地差唔多要考試啦？」啊童微笑著問我。 

「呃...」

 「唉，算啦，今日停一日啦。聽日繼續。」啊童竟然會放過我。 

「Yes！！！我終於有得打機，快啲練埋接殺啦！」我說。 

「宜家咪練...咦。」啊童將目光投向場外。

 就在這時，有一個跟我差不多大的男生走了過來，

 「Samuel？好耐冇見喎。」啊童對著那個叫Samuel的男生說。





 「睇嚟我冇認錯人，估唔到竟然會係到撞到你。」他說。 

「佢係？」他看向我。

 「哦，佢係我個朋友嚟既，因為打羽毛球打得太差所以搵我幫佢特訓。」啊童說。 

「點稱呼？」他問我。 

「啊言。」 

「我叫Samuel。以前小學既時候同周樂童一齊打羽毛球既。」他友善地對我說。 

「啱啦Samuel，你嚟得啱，同呢條友打返場，幫佢攞下經驗。」啊童說。

 「吓，唔駛啦，我夠㗎啦，平時都成日同毛毛打比賽。」





 「咪就係得毛毛一個囉，冇啦，我叫你做就做啦。」啊童對著我大喝。 

「係係係。」

 「Samuel你OK㗎嘛，輕鬆打。」啊童說。 

「Ok啊，冇問題。」他走進場中說。

 「你放鬆啲打，記住我頭先同你講過既野，慢慢打，唔好急攞分。」啊童走到我身邊說。

 「好！」我大叫一聲，壯一壯膽，卻把在我身邊的啊童嚇倒。 

「嘩！嚇死我，下次叫之前同我講聲。」她彈開了一米後說。











跪求大家Follow我既IG: MaanYin05