是咁的，我同女神做咗鄰居: 108.

結果，我便在全班的見證下，

比啊童扭著耳朵拉進班房， 全班看見後，

先是靜了一靜，

然後迅間迎來一陣爆笑，

笑得最大聲的，當然是我的兄弟們。





 「嘩你兩個搞咩啊？玩SM咁刺激啊？」Suki火上加油說，令到全班笑得更大聲。

 連班主任Mr Wong看到後也呆了一呆，給不出反應。 

「周樂童你放開手先啦，有咩事坐低慢慢講，唔好郁手郁腳。」Mr Wong說。 

啊童聽到後，不忿氣地瞪了我一眼，

然後才放開扭著我耳朵的手，





 但卻伸出另一隻手來，把我拉回兄弟們那裏。 

「嗱啊童，大家呢就都係文明人，正所謂君子動口不動手，不如我地就，唔好打嚟打去啦，最多比你鬧幾句啦。」我說。

 「唔！得！頭先你呃我都算！跟住仲要跑走，我話你知啊，我宜家好嬲啊！」啊童說。 

「咁你想點吖？」我問。 

「比隻右手我。」啊童命令我。 





「想點啊你？」 

「信我啦，唔會搞你。」啊童突然轉了語氣，變為柔聲細語地對我說，

 轉變速度之快令我有點兒害怕。

 「係咪㗎...」我半信半疑地把手伸出去。

 怎料我還未伸直，她便牢牢捉著我的右手。 

「嘩，屌你，咁L大力既。」我看著我動彈不得的右手說。

 「食屎啦你！」她張口用力咬著我的手。 

「嘩嘩...痛...痛，啊！！！」毫無防備的我，比迫感受著她驚人的咬合力。 





過了整整五秒後，我的手才得以解脫。 

你可能會覺得五秒很短，若你是這樣想的話你就錯了， 

我的手在五秒後，出現了一個紅紅的牙印。

 「嘩，你痴線㗎？」從未想過她會這樣做的我呆看著手說。 

「哼，抵你死，呢個就當係頭先你跑走既懲罰。」啊童說。

 「唉，啊言你就唔啱啦，頭先好地地做咩跑走啫。」魚蛋拍一拍我的膊頭說。 

「喂你都痴線㗎，我頭先唔跑走既話啊，我死得仲快啊。」我說。 





「講真，自首就係好過比人捉到既，不嬲都係自首判得輕啲㗎啦，下次自己做錯事，主動跪低同啊童叩頭認錯，大丈夫能屈能伸，咁咪可以免去皮肉之苦囉。」輪到Suki拍我膊頭。 

「吓，但係我都冇做錯到。」我說。 

「唉，你咁都仲唔知錯，你都係冇得救㗎啦。」肥強搖了搖頭說。 

「你呀，為咗個濕9遊戲，失去咗女朋友既信任，你自己諗下值唔值。」Marcus接著說。 

「會唔會啊...啊童你唔係咁小氣㗎可~你仲信我㗎嘛，係未？」我問。

 「唔信你呀！以後都唔再信你。」

 「吓，唔好啦，我以後唔呃你。」

 「如果你宜家應承我一樣野，我就考慮下重拾返我對你既信心。」 





「我應承你。」 

「嗱，唔準反口㗎。」 

「得，唔反口。」我毫不猶豫便答應了她。

 「好耶！放學去食心太軟！你應承咗我㗎啦。」啊童雀躍地說。

 「成日顧住食食食...因住食肥你啊。」我苦笑著說。

 「你理得我啫，人呢，就要及時行樂㗎嘛。」

 「係啦係啦，請你食心太軟啦。」








跪求大家Follow我既IG: MaanYin05