「話時話,我地邊日去大澳啊?」我問。 

「你地想呢?我每日都得閒。」魚蛋說。

 「呵,毒L冇人約!」Suki恥笑魚蛋。 

「屌,因為我最好個啲朋友係晒度吖嘛。」魚蛋說。 

「好感動啊我地~」Suki裝作感動到流淚說。 



「喂,講返正題,如果平安夜個日出嚟O唔Ok?」我問。 

「平安夜?咪啫係聽日囉,我Ok啊。」啊正說。 

「其他人呢?」

 「得啊!」 

「我冇問題。」



 「兩位女士呢?」 

「得。」 

「我都得。」 

「咁就聽日,係東涌到等啦。」我說。

 到了第二天,我一早便起了床,



 原則上今天的行程應該是跟旅行日那天一樣,

 我同樣打算先跟啊童吃過早餐才出發,

但由於我不想再次遲到,
 

所以我六點便起了床,

 然後打給啊童。 

「喂啊童?起身未啊?」我問。

 「做咩啊...」一聽就知啊童剛剛才睡醒。

 「我地約咗今日去食早餐啊,你快啲起身啦。」我說。



 「吓,不如算啦,好攰啊。」啊童說。 

「咁呀...算啦,我去搵啊正同我食啦,反正佢應該都起咗身㗎啦,咁你自己去啦。」我說。

 「喂喂喂...咁又唔好,宜家起身啦我。」啊童一聽到若她不陪我吃早餐就要自己去東涌,立即回心轉意。 

何解?皆因她是個路痴,不懂得自己去東涌。 

「門口等。」說罷我走出門口坐下等她。 

轉眼間,啊童便從門內走出來, 

衣著依舊是一條熱褲加件 T shirt, 盡顯她那修長的身材。 



作為一個稱職的男人,當然不會放棄任何一個𥄫女既機會, 

結果,(經歷咗幾廿次),我都係得到同樣既下場,

 咪又係比佢鬧,喂講真,

比人鬧下就有得𥄫佢,唔係唔𥄫啊嘛,
 

咁抵既事,我唔做我都對唔住自己啦。

 「喂啊,死變態!」 

「咩啫,你唔著熱褲咪冇野囉。」 

「咁熱啊嘛。」 



「咁魚與熊掌不可兼得㗎嘛,唔怕熱,乖乖地著返條長褲咪無事囉。」

 「我係鍾意著熱褲啊,你吹啊~」 

「比人睇蝕晒。」

 「咪就係比你睇蝕晒囉。」 

「啫係證明你有吸引力!」 

「廢時同你講,去食早餐啦。」啊童反了反白眼後說。

 我們草草吃過早餐之後,便慢悠悠地,從餐廳坐車到達東涌。



 「Yes!我地今日最早到!」我說。

 「呵~欠,都唔知你咁早叫醒我做咩,宜家我地足足早咗成半個鐘啊,你話如果我攞呢半個鐘嚟瞓覺我仲會唔會好似宜家咁攰吖。」啊童說。 

「仲未瞓夠啊你?你頭先係車上面宜家瞓咗好耐啦喎,仲搞到我成件衫都係你啲口水啊。」 

「Sorry囉,我又冇心既,咁真係好攰吖嘛。」啊童說。

 「係啦係啦,最多我宜家比個膊頭你挨下,等到佢地嚟啦。」我說。

 話未說完,啊童便已經不客氣地將頭靠在我的肩膊上。 

過不了多久,Suki便準時到達,

她看到這個畫面後,


 自然又會展示出她高超的「看圖說故事」技巧,

 誇張地亂吹一遍。 

「玩地下情啊你地?哎哦,又浪漫又Sweet啊!」Suki說。

 對於漸漸習慣了的我們,已經不會再給任何反應, 

只是啊童不再挨著我,轉而走向Suki跟她聊天, 

留下孤伶伶的我呆看著她們談天,

卻完全插不了話。
 

剩下的兄弟們一個一個抵達了,很快我們便齊人,

 並正式開始了我們的平安夜大澳之旅。


跪求大家Follow我既IG: MaanYin05
已有 0 人追稿