沿路一直走了大約五十分鐘後,我們便抵達了目的地,萬丈布! 

「嘩!!!好靚啊!」啊童一看到瀑布後便甩開了Suki的手, 自己衝上次打卡。

 不得不說,景色的確是幾漂亮的,

 聽著流水聲,令人很放鬆。

 作為一名標準的港女,



Suki當然也不會呆站在瀑布前面。
 

她拿出手機打開IG,

再仔細挑選一個靚靚Filter,


 拍下瀑布,上載到Story。 

「過嚟一齊影張相吖。」啊童拉著我的手走到瀑布前自拍。



 讀者們,你地係咪覺得呢張相會成為箱入面第七張相呢,

 嘻嘻,少年你地實在係太年輕啦, 

由於我一開始好On9咁Set死咗個箱入面得十張相, 

所以為咗留返啲Quoter,

呢張相,係唔會收藏係個箱到既!
 



「喂呀,啊童,我又要。」Suki看到啊童只跟我影相後說。 

「唉過嚟啦,咁大個人仲好似小學生咁係到爭影相。」啊童沒好氣地對Suki說。

 「咁我要趁你仲會同我影相既時候,同你影多幾張吖嘛。」Suki伸了伸舌頭說。 

「吓,點解咁講?我之後都會同你呢個好姊妹影相㗎。」啊童不解地說。

 「唉,可能有啲人遲啲拍拖,就會剩係顧住同男朋友影相,重色輕友,唔理我呢個好姊妹。」Suki看著我說。

 「做咩望住我啫,都唔關我事。」我說。 

「真係無你咁好氣啊,唔好成FF咁多啦,就算我之後拍拖都一定唔會忘記你,得未?」啊童說。 

「聽住先啦,嘻嘻。」Suki說。



 「喂係喎,講開又講,你地幾時先一齊啫?」 八掛的Suki繼續追問下去,令到全部人都看著我,等待著我的回應。

「你問佢啦,問我做咩啫,做得既我都做咗啦。」我指一指啊童,他們於是將目光投向啊童。 

「...」啊童裝作沒有聽到問題,自顧自低頭玩電話。 

「周樂童小姐!請不要迴避大家既問題。唔準諗,即刻答!」Suki說。

 「咩問題啊。」啊童依舊低頭看著電話說。

 「唔好扮聽唔到喎,我地係問,你同啊言幾時先一齊啫。」Suki特地大聲地重複了一遍問題。

 「唔知喎。」她說。 



「咩唔知啫,明明個決定權係你到,你出句聲就得㗎啦,你諗住拖到幾時啫。」Suki說。 

「唉算啦Suki,佢唔想講就唔好迫佢啦。」我說。 

「喂,我宜家係幫緊你啊,你想唔想快啲做到啊童男朋友㗎?」Suki說。

 「想,緊係想啦,但係佢既然唔想講,我都無謂迫佢啦。」我說。 

「屌你,仲廢L過啲女。」Suki一臉厭棄地說。

 「喂,唔好講呢啲啦,我地嚟係做功課㗎嘛,宜家快啲拿拿林搞掂佢啦。」魚蛋替我解圍。

 「咁你仲唔攞出嚟?」Suki瞪著魚蛋問。 

「係係係,宜家攞。」魚蛋說。 



「呢到係上游,中游定係下游嚟㗎?」魚蛋問。

 「好明顯係中游啦下話,咁都要問。」Suki說。 

「錯啦,呢度係上游!」啊童走過來糾正Suki的錯誤。 

「噫...」 

「咁河流個能量係大定細。」魚蛋問下一條。 

「嗱,呢題就真係識啦我,啲水流得咁L快,仲要咁L急,擺到明河流個能量就係大啦。」Suki說。

 「又錯啦你,上游既其中一個特徵係河流能量細,好心你專心啲聽書啦。」我說。 



「唔...算你平時同我溫習既時候有認真溫啦。」啊童聽到後說。 

「哼,實乜講。」



跪求大家Follow我既IG: MaanYin05
已有 0 人追稿