是咁的，我同女神做咗鄰居: 110.

「齊人啦嘛？行啦喎。」我說。 

「你識點去咩？」肥強問。 

「有做資料搜集㗎嘛，好似你地咁咩。」我語帶諷刺地說。 

「咁請問言哥，我地宜家去邊呢？」肥強問。 

「去咗巴士站先，跟住坐11號巴士入去大澳。」我說。 





「咁快啲行去巴士站啦我地。」啊童說。 

「咪住先！我想問要坐幾耐㗎？」魚蛋問。 

「好似係五十分鐘到。」我說。

 「啫係差唔多成個鐘！？唉，今次仆街了。」他搖著頭嘆氣說。 

「個日同咗你講㗎啦，又係你話唔怕要搭好耐巴士既，唔理你啦，我地宜家去搭啦。」

說罷我便往巴士站方向走過去，其他人亦緊跟在我後面。

 好不容易終於等到有車，

上了車後我們便各自找了坐位，

而啊童更是一上車就立即閉目睡覺。 

「你豬嚟㗎？瞓咗好耐啦喎你。」我說。





 「難得放假，梗係要瞓耐啲啦，如果唔係有黑眼圈就唔靚女㗎啦。」啊童說。

 「又唔見你之前個啲星期六比我瞓晏啲，一大朝早就比你叫醒去打羽毛球。」

 「咁練波好緊要㗎嘛，咁咪...唉唔講啦，瞓覺！」她又再次借用我的膊頭。

 大約五十分鐘後，我們便終於到達了大澳的巴士站。 

「啊言，你個膊頭做咩濕咗一大片既？」Suki看到後疑惑地問。 

「嘖，咪呢個人囉，擘大個口瞓覺，流晒啲口水落嚟。」我厭惡地看著啊童。 

「咩啫，咁咁咁...瞓覺唔擘大個口點呼吸啊！」

 「有...有冇膠袋...」我們的對話比魚蛋打斷。





 「你又想嘔啊？」我問。

 他點了點頭。

 「走先啦我，你自己慢慢嘔啦，加油。」我一聽到他想嘔就速速逃離現場。

 「唉，咁我地宜家去邊啊？」待魚蛋嘔完後我問。

 「去咗做正經野先囉。」啊童說。 

「啫係去個瀑布先啦。」我帶他們走向萬丈布。 

「要行幾耐㗎？」Suki沿路走時問。 





「吓，唔知喎，應該唔會太耐掛。」我說。 

「我唔想行啊！」Suki說。

 「咁你不如唔好做呢份功課。」魚蛋插嘴。

 「咁我冇諗過要行㗎嘛，我諗住好近㗎嘛，點估到原來嚟到之後仲要行多一大段路啫。」Suki說。

 「唉呀Suki，好心你唔好咁懶啦。」啊童說。

 「我點同你啫，平時做開運動，你緊係輕鬆啦。」Suki說。 

「唉咁啦，我幫你孭你個背囊，咁你咪會行得輕鬆啲囉。」啊童說。

 「唔係幾好既，要辛苦你。」

話雖這麼說，但Suki未待啊童回應就已經把背包除下並交給啊童。 

走了大約十分鐘，

啊童已經辛苦得氣喘吁吁，

相反另一邊的Suki則神情自若地走著。

 看不過眼的我上前，從啊童手中一把搶走了Suki的背包，

 而啊童看著我的眼神中，則流露出滿滿的感激之情。

 「Wooo！好Man喎啊言！」在後的魚蛋看到後說。





 「Man條毛咩，我係比返個背囊Suki咋。」我把背囊遞回給Suki。

 「喂，你係咪男人嚟㗎，竟然要個小女人自己孭返。」Suki抱怨。 

「我就係男人，所以我先唔忍心要自己鍾意既人辛苦！自己孭返啦，你睇下你，行咗咁耐一滴汗都冇出過。」我說。 

「算啦啊言，你比我幫佢孭啦，佢平時又冇做開運動，仲要佢孭既話，佢會好辛苦㗎。」啊童說。

 「我有辦法。」我細聲跟啊童說，再跟魚蛋打個眼色，

 跟我做了多年兄弟的魚蛋，當然清楚我在想甚麼 

「Suki啊，你覺唔覺得你好似肥咗啊。」魚蛋說。

 「吓，唔係掛？你認真㗎？」一聽到有人話自己肥，Suki立即緊張起來。 

「唔，我都覺喎，好似多咗啲脂肪咁。」我幫口說。

 「冇理由㗎喎，我不嬲都好瘦㗎喎，點會突然肥啊。」Suki說。 

「你知唔知點解你會肥吖？」我問。

 她搖了搖頭。

 「咁係因為你冇做運動既習慣！」看來啊童也猜得到我的想法。

 「我不嬲都...」

 「做人既野，唔好講以前，不咩嬲啫，我地放眼將來，想聽日瘦返？好簡單，等我教你，你孭住個背囊，走完全程，最緊要出汗，順便練埋啲肌肉，包你落山既時候，身材Fit到爆。」我說。

 「哈，你班on9，當我咁好呃啊，你地既詭計已經比我識穿咗啦，實在係太天真啦你地。」Suki說。

 「嗱唔係既，你望下啊童，你知唔知點解佢身材可以咁好啊？就係因為佢有做運動囉。你想唔想有仔溝你？想你就做返多啲運動，宜家就係個好機會啦。」我說。

 「唉，自己孭返啦我！」Suki聽到後也不好意思再將背包交給啊童。 

「嚟，我同你一齊行！加油！」啊童上前翹著Suki的手說。



跪求大家Follow我既IG: MaanYin05