是咁的，我同女神做咗鄰居: 114.

回到現在，我悄悄地拿出玫瑰花，

站在啊童身後， 

而此時的啊童仍然是懵然不知，

乖乖地看著大海。 如果話我冇緊張呢，

就呃你既，但係好老實講，





 我都冇野需要驚，失敗咗咪下次再試囉，

 反正佢都冇因為我鍾意而同我絕交， 

甚至平時相處既時候連一啲尷尬都冇， 

所以！我係絕對有理由相信，

佢係對我有好感， 





只不過唔知係因為未準備好，又或者有其他原因，

 所以之前先拒絕我啫。 

全部人都看著我，連那些不相識的陌生人，

都大概猜到我想做的事， 而注視著我。

 「得未啊Suki？」啊童說。 





「得啦得啦，等等。」Suki拖延時間。

 我拍一拍啊童的膊頭， 

「做咩啊？」啊童轉頭看著我問。

 我舉起手中的玫瑰花，

 「做...做咩啊？」啊童看到後呆了一呆。

 「咩做咩呀，表白囉，咁都唔知啊！」我順口說出。

 「屌你，識唔識㗎，邊有人咁樣表白㗎。」Suki忍不住說。

 「挑，你理L得我啫。」 連啊童也忍不住笑了起來。





 「屌，認真啲，唔好笑。」我裝作嚴肅地說。

 啊童聞言亦配合地收起笑臉，

 可是卻輪到我忍俊不禁，笑了起來。

 「又話唔笑。」啊童打了我手臂一下。 

「我真係比你兩個激死，諗住好心幫下你地，呢個笑完之後，到第二個，唉。」Suki嘆了口氣說。

 「嚟多次嚟多次。」我說。 

我重新收好玫瑰花，啊童亦配合地重新轉身看著太陽。





 我拍一拍啊童的膊頭，啊童轉頭， 

「做咩啊。」 

我拿起啊童的雙手，把玫瑰花塞入她的手中，

 啊童一副滿臉期待我會說甚麼的表情，

 「周樂童啊，我真係好好好鍾意你，唔係...係愛你，你可唔可以做我女朋友？」我正色道。 

啊童聽到後若有所思地看著我，然後在我耳邊說了句話。 

賣下關子，唔話比你地聽佢同我講咗啲乜野。 

我聽到後喜笑顏開， 





「係咪先！唔準反口㗎喎。」我說。

 啊童點了點頭。 

「多謝你朵玫瑰花，好香。」啊童說。

 「你想要幾多朵我都可以送比你。」 

「我會記住㗎，唔好反口。」啊童說。

 「勾手指尾，大家頭先講過既野都唔準反口。」我伸出手指尾。 

「好啊。」她伸出手指尾。





 「咁啫係點呀？」Suki一頭霧水地問。

 「唔話你知啊~」我們異口同聲地說。 

「咩你咁㗎，幫完你你就唔理我。」Suki說。

 「真係唔好意思，呢個係秘密。」啊童待我回答。 

「食屎啦啊童，你快啲同我講你頭先同啊言講咗啲咩啊！！！」Suki說。

 「你自己估下啦。」啊童說。 

「講啊！」Suki伸手「吱」啊童。

 啊童咯咯笑地迴避著Suki的攻勢。

 我們的旅程就在這片歡笑聲中完結。


跪求大家Follow我既IG: MaanYin05