「我個份禮物啊?你等一等,我去個廁所先,出到嚟就送比你。你係度坐下先。」我逃往廁所。 

走出房間後,卻給我看見在門旁偷聽的老媽。 

「做咩你頭先唔同我講啊童嚟咗啊?」我壓低聲量問。

 「係佢叫我唔好出聲,話要比個驚喜你既。都唔知你個衰仔前世做咗啲咩好事,竟然比你搵到個咁好既女仔。」 

「你個仔我不知幾多人鍾意~唔講住,去廁所。」我走進廁所說。 



「喂,你有冇準備返禮物送比人㗎?話晒人地專登準備咗塊球拍送比你。」老媽說。 

我尷尬地搖了搖頭。 

「咁你可以諗定點樣氹返人先啦,唔阻你。」老媽說。

 我走進廁所,關好門,苦惱地對著鏡子不斷自言自語。 

「送咩比佢好啊...送咩好呢送咩好呢?啊!!!點算好啊...」 我環視著四周,心裏漸漸萌生出一個幼稚但不失為一份聖誕禮物的想法。



 「嘰嘰嘰,我真係,聰明絕頂,咁都比我諗到呢個方法。」 

過了一會,我已經弄好了那份聖誕禮物,於是便開門走出去。 

「We wish you a Merry Christmas!We wish you a Merry Christmas and a happy new year!」我一邊大聲唱著,一邊走出去。

 「做乜野啊你。」啊童看到用廁紙把自己包紮成一個聖誕禮物的我後,忍不住笑了起來。 

「聖誕禮物吖嘛。」 



「攞出嚟啦咁。」 

「我咪你份聖誕禮物囉。」我用兩隻手比出一個心型。 

「啫係你冇準備啦...」原本面帶笑容,一臉期待的啊童,

一聽到我沒有準備禮物給她,
 

立即失望扁嘴,實在是我見猶憐。 

「你咁諗就錯啦,我係有準備禮物既。」我死撐著。

 「係咩禮物?」她臉上又重新展現笑容。 

「你行近啲先啦。」我說。



 啊童不疑有詐,起身走到我前方停下。 

「仲唔送?」啊童問。 

「準備好未?」 

「快啦。」 

我張開雙手,一把抱著啊童,

再在她臉頰上,蜻蜓點水式,溫柔地吻了她一下。
 

啊童完全呆了,給不出任何反應,



至少她並沒有說話。
 

我看不到她的臉,

但我能肯定她那比我吻過的臉已經變得通紅。


 「放手啊。」她在我耳邊小聲地說。

 「你怕醜啊?」我問。

 「唔係啊...你快啲鬆手啊。」 她開始掙扎著,可任她再大力,始終也大力不過發育中的我。 

「你覺得你大力得過我咩?」我緊緊地抱著她問。 

「喂啊!你又蝦我...」她見鬥不過我,索性放棄爭扎,轉為將頭靠在我的肩膊上。



 我輕掃著她那一頭黑髮, 

「我以後剩係蝦你一個,我唔蝦其他人,亦都唔會比其他人蝦你。」

 「唔得!邊有男朋友會好似你咁蝦女朋友㗎?」啊童說。

 「你放心,過多一個月,我就會成為第一個每日都蝦女朋友既人。」

 「你唔好講得咁口響啊,到時你做唔到就好笑。」啊童說。 

「你同我定喎,為咗你,我有咩做唔到啫。」我笑說。

 「攬夠未啊?」啊童過了一會後問我。 



「未,攬一世都攬唔夠。」 

「咁你想攬到幾時啊?」雖然我看不到啊童,但我相信她剛才反了反白眼。

 「你錫我塊面一啖我就放手。」

 「如果你做唔到個目標咁我咪好蝕底?」啊童說。

 「唓,你初吻都比咗我啦,仲有咩好蝕...」我話未說完,臉頰就比啊童快速地親了一親。 

「仲唔比我捉到你地!上次又話唔係拍緊拖,宜家就係間房到攬到實一實!」老媽不知從哪裏冒出來說。

 我倆比老媽嚇得立即分開。 

「此言差矣!我地真係唔係拍緊拖。」我立即否應。 

「衰仔你收聲!我又冇話唔比你地拍拖,啊童我信你,你講,你地係咪拍緊拖!」 啊童走到老媽的耳邊,說了幾句話,向她解釋了我們的關係。 

「哦,唔怪得之你突然間咁勤力啦,我真係要好好多謝啊童先得。仲有你個衰仔啊,未同人拍拖就攬住人地,人地咪蝕晒比你囉。啊童佢下次如果再係咁既話記得同我講,睇我點打死呢個衰仔。」老媽「一輪嘴」說完幾句話。 

「咩喎,咁佢冇反抗吖嘛。」我辯解。 

「我有啊!」她扁著嘴說。

 「之後咪冇囉。」

 「仲話冇!你個衰仔真係吖。」老媽搖著頭說。 

「係囉,我錯囉,下次齋錫唔攬囉。」我說。 

她們兩個聽到我這樣說後,同時反了反白眼。





跪求大家Follow我既IG: MaanYin05


 
已有 0 人追稿