是咁的，我同女神做咗鄰居: 118.

「禮物啊...唉，我諗下啦。」我苦惱地看著天花版說。

 「唔好食咁急啊，好唔好食啊？」我看著正在狼吞苦嚥的啊童問。 

「好食！」她抬頭看著我短短地回應了一句，然後又再重新低頭進食。 

不消幾分鐘，啊童已經把碟上的所有食物都倒進肚中。

 啊童把碟子拿進去廚房放進鋅盆，

穿上圍裙，開始洗碗， 

「喂，你擺低啦，我洗吖。」我說。 

「唔洗啦，你去溫書啦。」啊童說。

 「咁我去溫㗎啦喎。」 

「去啦，我洗完就入嚟同你一齊溫。」





 「好啊。」 於是我便走回去自己的房間，重新拿起書本溫習。

 未夠一分鐘，老媽便已在廳中大叫。 

「死仔！做咩要啊童幫你洗碗㗎，快啲同我死出返嚟洗！」

 「吓，佢叫我溫書，比佢洗吖嘛。」我說。

 「我理得你有咩理由吖，呢啲野點可以要啊童做㗎？出嚟啊！」





 「唉嚟啦嚟啦。」我無奈便從房中走出去。

 「我洗啦。」我未走進廚房，啊童便已經開口說。 

「我啊媽迫我洗啊，你比我啦。」 

「一係咁，你一路洗我一路考你考試個啲野，咁你咪可以趁呢段時間溫書囉。」啊童說。

 「好喎，咁都比你諗到。」 

「I am ready！」我穿上圍裙後說。

 「開始啦咁。」

 「好，第一題！地理題，請講出地震既原因。」啊童就像百萬富翁中的主持人一樣。





 「版塊運動引致既。」剛剛才溫完一遍地理課本的我，想也不用想便說。 

「啱啦。」 

「下一題！」 之後啊童就一直問我問題，直到我洗完碗為止。

 「好，我地去溫書。」 

「好！我同你講，今次我考試，一定可以全部科都合格！」我意氣風發地說。 

「你係至好講啊，唔好宜家講得咁口響，到時收到成績既時侯就喊晒咁走埋嚟。」 

「所以我地宜家咪去溫書囉。」 





我們就像平時一樣，在書桌前溫習，

熟讀著課本上的每一字每一句， 

把整本書的內容都記進腦中。

  整個早上，我腦中除了滿是書中的知識外，

更在暗地想著有甚麼禮物可以送給啊童，

 究竟有甚麼禮物是夠特別而啊童又會喜歡的呢？

我心裏想了很久很久。 

到了中午，我終於忍不住拿起電話，

走出大廳打給Suki求助，

 好歹她也是啊童的好姊妹，

應該能知道啊童想要甚麼吧...我猜。

 「喂，咩事啊？」Suki厭煩地說。

 「冇啊，今日聖誕節吖嘛，咁...」我話未說完。

 「你唔會係想約我出去掛？唔得！等我話比啊童知你想溝我先。」Suki說。 

「你唔好痴線啦，我好專一㗎。」 





「咁你打嚟做咩啊？」Suki問。

 「冇，話說今日啊童一大朝早就走咗過嚟啦，跟住就送咗份聖誕禮物比我。」 

「咁有咩問題啊？」 

「個重點係，我冇預過佢會送禮物比我，咁所以我完全冇準備到禮物送返比佢，於是我成朝就係到諗啦，但係我就諗唔到，所以我就打俾你，問下你意見，睇下你有冇咩建議啫。」

 「屌你唔L係啊嘛，點L樣溝女㗎你，比著第二個女仔拒絕咗你啦，On99咁等運到，屌！聖誕節連禮物都唔準備，想食到啊童都要用下腦㗎嘛，啲女咁易氹你都氹唔到，你不如死咗去好過！」她連珠炮發地說。 

「係...係係，對唔住，我問題，Suki姐可唔可以先擺低你既憤怒，救一救小弟先。」我說。

 「唉，又要煩到我，啲女嚟嚟去去咪都係鍾意個啲野。」 

「點解你成日講到好似你唔係女仔咁。」 

「屌你理L得我啫，嗱，唔好話我唔教你，啊童就鍾意食甜品既。」 

「但係買甜品比佢食好似...好似冇乜誠意咁喎。」 

「誠意？你同我講誠意，你係有誠意就唔會要宜家打俾我啦，自己又蠢，講咩野誠意啫，你都要有能力先有資格講誠意㗎嘛。」

 「Suki姐可唔可以放一放過小弟，唔好再鬧我住先。如果我同佢整甜品呢？」我問。 

「咦，屌你，又比你諗到啲唔錯既野喎，你揀樣佢鍾意食既甜品，同佢一齊整啦。」 

「知道，唔該晒Suki姐。」 

「拜9拜。」然後她便Cut了我線。









跪求大家Follow我既IG: MaanYin05