雖然比Suki係咁講粗口鬧,

但係同佢傾完之後,我終於諗到送咩禮物比佢好,
 

雖然我之前都整過心太軟比佢食,

但係今次佢都有份整,係唔同啲既。
 

但係,我屋企無要整心太軟既材料,



不過,我識一個叫文姨既人㗎嘛。


 所以我打算吃完午飯後,就去甜品鋪,

向文姨購買所需要既材料。


 「啊童你一唔一齊食晏晝啊?」我問。

「好啊。」啊童回應。 



「啊媽你...」 

「我唔食㗎啦,你地食啦。」我還未問完問題,就比老媽打斷了。

 「咁食咩啊?」啊童問。 

「拉麵?」 

「好喎!好耐冇食啦。」 



「咁行啦。」我說。 

到了拉麵店後,店員為我們拿來餐牌。

 「你食咩啊?」我問。 

「仲駛問既?緊係食返上次個個激辣拉麵啦,你呢?仲挑唔挑戰啊?」啊童問。

 「不了,上次慘痛既經歷我至今仍然係瀝瀝在目。我食返個普通豬骨拉麵算。」 

「你上次唔係好有型咁樣食完碗麵仲飲埋啲湯㗎咩?做咩今日淆底啊?」

 「你都痴L線㗎,上次我就話因為啱啱識你,想溝你所以唔可以令你覺得我好廢啫,宜家我地都咁熟咯,你都知晒我底細啦,我仲扮乜L野啫,無謂辛苦自己。」

 「你可唔可以有啲志氣啊萬浩然,扮下野都好吖,宜家直程講埋出嚟話俾我知你有幾廢。」 



「真係Sorry,係呢件事上面我真係唔可以退讓一步,萬一我身體有咩事,我點照顧你啊?」

 「實乜你照顧啊,我自己唔識照顧自己啊?」

 「你連野食都唔識煮,咁都叫識照顧自己?」 

「咁...你教我咪識囉。」

 咦...開到口叫我教佢喎,

咁就得啦,呢份聖誕禮物包佢鍾意。


食完飯後,我們便走出拉麵店外。 



「你記唔記上次我地食完之後,好似仲做咗啲野㗎喎。」啊童說。

 「得啦,行啦,不過我地今日唔係個度食咁解。」 

「吓,點解啊?」 

「秘~密。」 

「聖誕禮物?」啊童一眼便看穿了我的計劃。 

「唔講。」 

到達甜品鋪後,

我便直接往廚房大叫。
 



「文姨,攞野啊!」我說。 

「係張枱到啊,你自己攞走啦。」文姨在廚房中叫出來。

 聰明如我,當然一早已經告訴定文姨這件事,叫她先為我包裝好所需材料。

 「哦,幾多錢啊?」 

「唔洗錢啊。」 

「哦,多謝文姨。」口中雖這樣說,但我手卻從銀包中取出一百放在桌上。 

「走啦,Bye bye。」啊童說。



 「再見。」 

「咩嚟㗎?」啊童出了甜品鋪後,指著我手上,放著材料的紙袋問。

 「聖誕禮物。」 

「你又話冇準備既。」 

「原本係冇準備既,因為我冇諗過你會送聖誕禮物比我,所以呢份係我啱啱準備既。」 

「真係㗎?」 

「係呀。」




跪求大家Follow我既IG: MaanYin05
已有 0 人追稿