是咁的，我同女神做咗鄰居: 120.

回到去後，我便立即把袋中的材料拿出來，並洗乾淨要用的用具。

 「搞咩啊衰仔，整亂晒啲野，一陣唔該你擺返係原位啊！」老媽看到她的領土範圍(即係廚房)比我侵占了，不滿地說。

 「得啦得啦。」我求其把她打發走。

 「過嚟啦啊童，開始整啦。」我向啊童招手。 

「所以我地係整乜野㗎？」啊童問。 





我指著桌上的朱古力，然後說，

「你估下。」 

「心太軟？」

 「啱一半，係未整好既心太軟，我特登問文姨攞材料，返嚟同你一齊整㗎。」

 「你識整咩？」 





「上次我激嬲咗你既時候，我咪去過文姨到，親手整過一個心太軟比你食既，我應該仲記得點整既。」我說。 

「咁快啲開始啦！！！」啊童雀躍地說。

 老實講啦，整野食，

嚟嚟去去都係個啲㗎啦，

 咪又係好似今朝咁，倒晒啲野入去，

跟住搞混，雪凍佢，

之後就焗， 焗幾分鐘就攞返出嚟，

搞掂。 

易到啱啱學識行路天真無邪既個啲BB都識整啦講真...

我以為係咁， 直到我遇上咗個同樣係天真無邪，

仲要已經識行咗唔知幾多年既少女，啫係啊童。

 「喂喂喂，多得滯，唔好倒咁多！」 

「唔係落呢個啊，係落呢個啊！」 





「你攪得慢少少，太快啦！」 以上所發生既野，都算，新手係咁㗎啦，

 但係最過份既，係佢竟然走去偷食啲朱古力！ 

「喂喂喂！唔好食啊！你宜家食咗啲朱古力，一陣個心太軟就無味㗎啦。」我急忙阻止她， 可惜一齊為時已晚，啊童已經吞下了那粒朱古力。

 「吓，會㗎？我...唔知吖嘛。」她吐一吐舌頭說。

 呢個咁L可愛既樣，我又唔忍心話佢，

唉屌，又衰心軟。 

「算啦算啦，一粒啫。」 





「下一步要做啲咩啊？」

 「用滾水坐熱，整熔啲朱古力。」 

「咁我去攞滾水先。」啊童說。 

因為我屋企用水機，

所以只要撳個掣就可以出到一百度熱水，對隻碗埋去就可以裝到水。 

「啊！！！」在旁邊正裝著熱水的啊童突然發出痛苦的叫聲。 

「做咩啊？」我立即放下手上的東西衝過去她身旁問。 

「我比啲水淥親啊。」 





「快啲去沖凍水先。」

 「澌...好L痛啊！」左手正在沖凍水的啊童忍不住說。

 「你第二隻手有冇事？」

 「冇，係呢隻手淥親手背位啫。」

 「點解你會淥親㗎？」 

「頭先我以為佢已經出完水啦嘛，咁咪伸手去攞隻碗囉，點知原來佢未出完，結果就淥親囉，好彩我縮得快咋，如果唔係應該傷得仲勁。」

 「你仲講到好似好自豪自己縮得快咁樣，仲有冇咁痛啊？」 





「沖咗陣凍水，好似好啲咁...」 

「你繼續沖住先，我去問啊媽攞啲燙火膏比你。」





跪求大家Follow我既IG: MaanYin05