是咁的，我同女神做咗鄰居: 127.

最終啊童放棄繼續逃走，停了下來。 

「嗄...唔玩啦，唔好再咁大聲咁講呢啲肉麻野，大佬你面皮厚啫，但係我唔係吖嘛。」 

「唉唔玩你啦唔玩你啦，返去啦係咪呀？」我問。

 「我去搵一搵Suki睇下佢有冇野先，之前唱唱下K係到喊。」啊童轉身走去找Suki， 而八掛的我，當然亦跟著啊童走。 

「喂Suki，考為點啊？」啊童問。 





「都係咁啦，應該合格到掛。」 

「你冇野啦嘛？」

 「有咩野啊？」

 「你前幾日唱K唱到喊喎，仲問返我有咩野？」 

「痴線，我幾時同你唱過K啊，仲要唱到喊喎。我上次喊都唔知係幾耐之前啦，你係咪記錯咗啊？」





 「咩啊，除夕個晚喎。」 

「個日我咪同咗你講囉，我約咗個靚仔出去吖嘛，仲同佢一齊倒數添。」 

「吓，但係你明明嚟咗同我地唱K㗎喎，唱到第二朝先走㗎喎。」

 「你作故仔，都作得真啲吖，好心你啦。唉唔講啦，我返去溫書啊。」Suki說罷就離開了學校。 

「喂！」啊童叫也叫不住她。





 「唉算啦咁，我地都返屋企啦。」啊童見挽留Suki不果，於是便決定回家。 

「好啊！」我回應。

 之後那十幾天，每天我也過著同樣的生活。 

考試，回家溫習，不斷重複，直到最後一天。 

「呼，終於考完啦！」我攤在椅上，看著正步近收卷的考官，

低聲地自言自語。

 待考官把所以試卷都收回後，同學們便開始執拾文具，

 亦少不免會有人跟身邊的朋友竊竊私語，

畢竟辛苦了十多天， 任誰也會想跟朋友分享考完試的那份喜悅感吧。 

「點呀你地考成？」我走出試場後問兄弟。 

「唉，好多都唔識啊，不過升到班咪得囉。」肥強垂頭喪氣地說。 

「乜你咁冇大志㗎。唉，無前途，學下我咁，認真啲溫書，頭先個啲問題對我嚟講，易到我以為出卷個條友想我用份卷嚟練字啊。你睇下你吖，頭耷耷咁樣。你再望下我，挺起胸膛，雙目有神。」我自豪地說。 

「收皮啦你，如果唔係我迫你？你點會溫書啊，講到自己好似好巴閉咁。」剛剛才走出來，恰好聽見了我那番話的啊童敲了敲我的頭說。 

「哦~唔怪得之有溫書啦，原來係比啊嫂迫。」 

「哼，邊個比佢迫啊？我自願溫書㗎。」 





「自願地比人迫去溫書吖嘛，明既明既。」 

「唉係啦係啦，我係比人迫啦，咁點吖！好過你連比人迫既機會都冇！」

 「你...你竟然片啲真野！？你一句說話就得罪晒呢度咁多個人...」

 「片真野咪片真野囉，你吹啊？唔Gur咪打9我囉。」



我終於開到連登AC，已經擺咗個故上去，有AC既讀者唔該正個靚評，冇AC既宜家即刻開個AC正評，多謝。
跪求大家Follow我既IG: MaanYin05