是咁的，我同女神做咗鄰居: 126.

人生第一次唱K仲要係同班Frd唱通霄，係幾開心既，

 只不過開心完，就係痛苦既時刻啦，

因為...就快要考試。

 普通考試都算，但係呢個考試，

可以話係我人生中最重要既考試， 





仲重要過DSE… 你DSE考衰咗，

都係入唔到大學啫，

但係你仲有好多出路㗎嘛，

 但係如果呢個試考衰咗，我將會失去我一生既幸福。

 話時話，我好似到宜家都仲未同你地講究竟個日啊童同我講咗啲咩喎。





 相信聰明既你應該都約略估到啦，

冇錯啦， 佢係話，如果我今次考試全部合格既話就做我女朋友。

 原因係話咩驚拍拖會影響我學業啊，所以要我證明咗我唔會因為拍拖而荒廢學業先喎。 

雖然呢個理由比較奇怪，

但都睇得出佢係為我好所以先比呢個目標我既， 





起碼我溫書既時候係咁安慰自己囉。 

唉，返返嚟，既然佢定咗呢個目標，

即係代表我呢個考試就不容有失啦，

 咁好自然，剩低呢三日，我就係日溫夜溫啦， 

(如果大家仲記得既話，我係一月四日開始考試既。) 啊童都有嚟陪我既，

雖然佢其實根本唔駛再點溫都已經可以考到一個好好既成績㗎啦。

 不過有佢係度，係會令我更認真咁溫既，

起碼佢會收走我部電話，強迫我專心溫書。





 不過好似冇乜用咁，冇電話睇啫，

但係成個女神坐係我隔離喎，雖然因為天氣逐漸轉凍， 

佢冇著熱褲，我冇得睇腳啫，

但係望住佢個樣都夠啦，

 啊童專心溫習個樣真係特別索㗎啫！

 算啦，同你地講你地都唔明㗎啦~ 

話雖如此，即使有靚女陪，

咁樣日溫夜溫都係一件極辛苦既事。

 終於！嚟到一月四日，

即係我考第一科既日子， 

考既係西史！

 一朝早就起身，精神奕奕咁就出門口，

 同啊童一齊行返學。 唔知係咪有溫書既關係，

我今日個人特別有自信， 

連行路都挺既胸膛咁行。





 走入試場，攞起支筆，聽住企係台上面既主考官講野， 

趁住佢Check 卷既時候睇下份卷考咩，

 哈，一打開，望到啲題目就知自己識。 

「咇」開考。

 我在試卷上飛快地寫著，原本還擔心自己不懂得回答考卷上的問題， 

但看來我的擔心是多餘的。

 每次踏入試場，時間就會過得特別快， 





「咇咇咇咇...咇咇咇咇」考試轉眼間就結束了。 

「點啊你？識唔識啊？」啊童一走出試場就問我。

 「緊係識啦，如果咁簡單都唔識我不如退學算啦。」我笑說。

 「咁...希望你收到卷之後唔駛退學啦下。我地快啲返去溫聽日個科啦。」 

「聽日係考中史吖嘛？係咪呀？」 

「係呀，有排你溫啊，幾十年既野你一日要溫晒。」 

「真係諗起都覺得辛苦，不過...」我刻意停下，

引啊童問我。 

「不過咩啊？」 

「為咗你，我幾辛苦都肯做。」我看著啊童的雙眼說。

 「你男人老狗，大庭廣眾講呢啲肉麻野，你尷唔尷尬啊。」她打了我一下。 

「同其他人講可能會，但係同你講就唔會，因為我係真心既。」 

「痴線佬，我唔識你呀！」她反了反白眼然後跑走。 

「喂！唔準走！呢一世都唔準走！」我跟在她後面。



 我都唔知點解我今日會打咗做口語，到我發現既時候為時已晚， 要讀者們忍受我打口語，對唔住。





跪求大家Follow我既IG: MaanYin05