是咁的，我同女神做咗鄰居: 134.

終於， 到了星期五，一切也準備就緒。

 而表白要用的結他及一束玫瑰花則會由Suki帶進來， 因為我不想比啊童知道我會在這天表白，所以我不方便帶這些物品進去。

 「起身啦啊童！執好行李未啊？」我打過去提醒她要起床。

 「吓...未喎。」 

「咁仲唔快啲執？」 





「要帶咩㗎？」 

「咪都係個啲，衫啊褲啊牙刷同毛巾囉。最緊要係帶錢，有咩冇帶都可以即刻買。」

 「哦...好啦，點去長州㗎我地一陣？」 

「中環坐船。」 

「要坐船㗎原來...好啦咁，一陣見。」 





過了一會，啊童便從家中走了出來，

拖著一個大行李喼。 

「嘩做咩啊你？」 

「咩做咩啊？」 

「做咩拖喼啊？」 





「吓，唔拖喼咁啲野放邊啊？」 

「背囊囉！得個少少野駛咩拖喼啊？」我差點比她氣死。

 「點解唔拖得喼先！你講吖，拖喼有咩問題？」

 「麻煩囉，剩係由呢度拖到去長州都已經夠辛苦啦。」 

「呃...又好似係喎，咁我入去換返個背囊先啊下。」 於是我又白白坐在門口前等她。

 又過了十分鐘，我才再次見到她。 

這次她終於學乖，只孭了個背囊出來。

 「咁先夠方便㗎嘛，行啦。」我說。 





我帶著啊童由家中坐車去到中環，再走去碼頭等其餘人。 

「Suki呢？」我裝作驚訝地問。

 「佢話佢入去先吖嘛，你冇睇Whatsapp咩？」啊童說。

 冇錯，一齊都係我計劃之中，

為咗唔比啊童見到，所以Suki會幫我攞咗啲野入去先，

 將個啲野收埋係男仔個間房入面，到用既時候就會由我攞返出嚟。 

「哦，咁即係我地齊人啦，行得㗎啦嘛？」 





上到船後，啊童一坐下就「閉目養神」，

即係瞓覺。 

直到下船她還好像未睡夠似的，要由我強行拉落船。

 「好攰啊...不如你幫我孭個背囊吖。」她奸笑著說。

 「是但啦，幫你攞一陣啦，反正宜家都去係行一行過去間B&B到啫。」我說。

 「好耶！嗱。」她秒速把背囊除下來給我。 

唔知道大家仲記唔記得，魚蛋每次搭親車都會暈車浪，

 佢今次都唔例外，搭完搖得仲勁過車既船之後，





 一落地就係到嘔，不過依然都係冇人理佢，

由得佢自己係到嘔。

 因為Suki一早就到咗，

所以我地可以直接上去間B&B到，

 好彩間B&B距離碼頭都唔係太遠，

所以我地好快就去到。 

「喂！呢度啊。」Suki在門口揮手。 





我先把啊童背囊拿進去她的房間中放下，

才回男生的房間。 

「你地間房係咪大啲㗎？」啊童問。 

「吓，唔係㗎，我地兩間房係一樣㗎。」我說。 

「哼，我唔信，你地五個人，有咩理由間房同我地兩個人既一樣大喎，我要去睇下。」啊童說。 

「唔好啦，佢地可能係上面換緊衫咁呢，唔係好方便㗎。」害怕比她看見結他及花的我，立即阻止她。 

「信我啦啊童，真係一樣㗎，同埋佢地間房污糟啲㗎，冇咩事唔好上去啦。」Suki也協助我勸阻啊童。

 「咁啊...好啦。出去未啊？」 

「等多一陣啦，我上去執埋啲野先。」我說。 

「快啲啦！」 


請大家做定心理準備，長州篇我係一個唔覺意寫咗十一章，即係話，你地嚟緊呢個星期同都要睇佢地去長州玩。小心悶死。
跪求大家Follow我既IG: MaanYin05