是咁的，我同女神做咗鄰居: 135.

待我們處理完所有雜務之後，我們便正式開始遊玩。 

在長州吃特色小食，租單車踩去不同地方，

 一路遊山玩水，少不免要為女生們拍照。

 直到五點左右，差不多日落的時候，我們便去了沙灘。

 當然，這是我表白計劃中的第一步，

我還特地上網搜尋今天的日落時間。 

「嘩！影相影相！」啊童一見到海灘就發了狂似的往海直奔。 

「嚟，一，二，三。」作為一個專業的準男友，我一早已經預備定電話， 準備好隨時替她拍照。 

「喂，我今日特登準備咗個遊戲嚟沙灘度玩㗎，你唔好影相住先啦，我地玩咗先啦。」Suki說。 

「你會咁好死準備遊戲，咩遊戲嚟㗎？」我裝作不知情地問。





 「哦，呢個遊戲係我小學既時候去旅行同同學玩既遊戲嚟既，升咗中之後冇乜玩過，咁我又想玩下，又見難得今日天時地利人和，咪諗住玩下囉。」 

「點玩㗎？」果然成功吸引到啊童走過來問。 

「好簡單，全部人，隨咗主持人，即係我之外，大家都要蒙住隻眼，然後我會比啲武器你地，你地就要鬥快打中對手，一比人打中就要離場，留到係場上面既最後一個人就係贏家。」Suki說。 

「嚟吖，打人我最叻，輸硬啊你地。」啊童說。

 「宜家我先派咗眼罩比你地先。」Suki從袋中拿出幾個眼罩。





 我們逐一帶上眼罩，然後Suki就分派「武器」給我們，我比分派到的是學校的課本。 

「喂！點解我分到既野係支原子筆嚟㗎？點打人啊？」Marcus問。 

「冇錯！呢個遊戲好玩既地方就係唔知會比分到咩武器，好似你咁就有啲唔好彩啦。同埋，如果你地走得太遠既話我係會叫返你地返嚟既，所以自動自覺唔好走太遠唔該。」Suki說。

 「冇問題既話宜家開始！」Suki繼續說。

 我開始四處揮動我手上的教科書，但卻總是打不到人，

 於是我便停了下來，細心聆聽周遭的聲音， 

不出數秒，我就聽到右邊傳來聲音，

我旋即一記反手打過去，





 「啊！」魚蛋慘叫一聲，看來我成功了。 

「啊！」但過了幾秒後，卻輪到我比硬物打中，

左手傳來陣陣痛楚。 

「Yes！」我左邊傳來啊童的歡呼聲。

 「嘩痴線，你個樣咩野嚟㗎，咁痛既。」我脫下眼罩問。 

「唔知係聖經定字典，嘻嘻。」

 「痴線Suki，你俾本咁L厚既字典啊童，好L痛啊！」我對Suki說。 





「咁先好玩㗎嘛，嘻嘻。」 

不久後，這鋪便結束了，啊正取得勝利，

 因為他得到了全埸最長的武器，我的背包。

 「好，我地繼續，大家比返啲武器我。」Suki說。

 「等等，我有啲急尿，你地玩住先，我去個廁所，好快返。」我說。 

呢個係第二步。 


跪求大家Follow我既IG: MaanYin05