是咁的，我同女神做咗鄰居: 154.

正如之前所說，這天是放新年假前的最後一個上學日，

而恰好這天是星期五，

 所以，當其他人正開開心心相約出街遊玩時，

我跟啊童還要去羽毛球隊的訓練， 簡直是慘無人道！！！ 

憑乜L野人地可以去玩，

而我就只可以on99咁攞住塊球拍同女朋友打波... 

女朋友？

係喎...差啲唔記得咗我係同啊童去打添，

咁就是但啦，

當係拍拖既活動啦~ 





那天放學後，我跟啊童背著沉重的書包，

以及羽毛球拍，

 (仲係啊童送比我做聖誕禮物個塊，啊童送既真係特別好用。) 

一起走過去羽毛球場。 

一如以往，我倆趁其他隊員還未到齊，

立即霸佔著其中一個球場猜波。 

「點解...明明其他人有得去玩...點解我地要嚟呢度練波...我都好想去玩啊！！！」啊童把全身的不忿，灌注進這記殺球當中。 

「唔緊要啦，最重要係同邊個人去做呢啲事吖嘛，你睇下，宜家你最愛既男朋友就係你隔離，仲唔夠開心咩？」 

「啫係唔係話打波唔好，但係我想同你做多啲唔同啲既野，唔好再係啲我地已經做咗差唔多半年既野咁囉。」

 「小姐言下之意，莫非係叫我諗諗新年有咩做？」

我心中一驚，真係唔想再諗，

諗完四次點樣表白，

點樣氹返佢諗咗兩次，

幾乎所有腦細胞都已經陣亡晒。

 「又唔係剩係叫你諗既，大家一齊諗下啦。」啊童口中態度雖然放軟，但殺球力度依舊不減。 

「嘩屌。」走避不及的我比羽毛球打中。 

「唉，做咩要避呢？試下接吖嘛。」啊童說。 

不久後，便到了四時正，所有人也來齊了。 

講解完今天概會練甚麼後，教練便解散我們，

唯獨將所有男A成員留下，





 (即係有份打學界個啲) 

「好啦，相信大家都知點解我要留低你地，原因係之前既小組賽我地贏晒，首名出線，嚟緊三月廿七就會係決賽啦。咁因為之前隊長受傷到宜家仲未完全好返，同埋耐冇打技術應該都生疏晒，所以啊言你要繼續做正選，大家呢段時間加緊練習，如無意外我地會加場比你地練波。有冇問題？」教練問。 

「冇！」

「好，解散，啊言叫埋周樂童過嚟。」 聽罷我便走去把啊童叫過來。

 「做咩呀又？打緊比賽㗎嘛。」啊童不滿地問。

 「我點知啫，教練叫我叫你過嚟，咁我咪照做囉。」我說。

 話未說完，我們便已經到了教練面前。

 「啊言佢上次比你訓練完之後好成功咁贏咗場比賽，所以我地就入到決賽啦，好明顯，上次啊言只係贏對手一個馬鼻，但係我地今次既對手係一定勁過上次個場個啲，所以我想麻煩你繼續幫佢訓練，因為佢始終宜家係越級打A grade，本身已經係處於劣勢，要加緊訓練先至會有勝算，唔該晒你。」教練對啊童說。 





「冇問題，包係我身上。」啊童對教練說。

 「咦~咦，啊童我突然諗到我地新年有咩做啦。」待教練離開後，我跟啊童說。 

「練波吖嘛。」啊童自然猜到我的想法。

 「冇錯啦！恭喜你有得同全世界最好既男仔兼男朋友練波，期間你係可以捉住佢隻手教佢正確動作，攬下佢甚至錫下佢以示鼓勵，機會難得，好好珍惜。」我笑嘻嘻的說。

 「有冇得打你㗎？」 

「視乎你打既位置同力度。」 

「例如？」





 「你係允許輕輕力咁打佢既臀部同臀部前啲既位置，但係注意一定要輕力，如果唔係後果不堪設想。」

 「有幾不堪設想？」啊童忍著笑問。

 「輕則要返屋企休息，重則變陳奕迅(有冇人唔知佢經歷過啲咩？唔知既自己Google)甚至不育，影響你一生既幸福。」 

「你諗得太~多啦！係唔會影響到我㗎！死變態！個啲位我係點都唔會打㗎，你...你死心啦！」 

「喂喂喂喂喂...咁你又唔好講到咁盡...宜家唔會啫，大個你就後悔㗎啦。」 

「食屎啦你，信唔信我報警拉咗你個咸濕佬吖嗱？」 

「咁又唔好，下年先啦下年先啦。」

 「下你老母！」


跪求大家Follow我既IG: MaanYin05