「食龍蝦㗎呢間?」我站在灣仔一間餐廳外,看著它的招牌問。

 (唔明既自己去Google 灣仔港式鋸排六隻字,費事幫佢賣廣告) 

「人地餐廳名嚟㗎嘛,咪講明嚟鋸排㗎囉,問問問,入得去未呀?好肚餓啊我。」啊童說。

 「即刻!即刻入,唔可以餓親我個女朋友。」我拉著她走進去。

 一走進去,那股油煙味撲鼻而來,想避也避不開。 



「你確定要嚟呢到食?好大陣油煙味喎,你唔驚食完之後成個人都係呢陣味咩?」我再確認一次啊童是否真的想在這裏吃情人節晚餐。 

「驚咩啫,食完都返屋企㗎啦,入去坐低啦。」啊童說。 

「咁又係...」 我們之後各自叫了一塊牛排,

吃完前菜後不久,
 侍應就把兩塊牛排放在鐵板上送上,

再在它之上淋上香辣惹味的黑椒汁,不禁令人食指大動。




 啊童把自己藏在那張大紙巾之後,以免比滾油彈到。 

過了一會後,鐵板的溫度稍為冷卻,

黑椒汁也不再四飛,
 啊童才慢慢伸出自己的一雙眼睛,

看了一眼那塊牛排,
 然後才放下紙巾,

拿起刀叉開始進食起來。
 



「你真係好奇怪,有高級西餐廳你唔食,走嚟一間咁舊既港式餐廳,仲要明明食既野係一樣,都係鋸排啫,點解唔揀間好啲㗎呢?」我不解地問。

 「第一,我唔係個啲好鍾意不斷用男朋友錢既港女,我亦都唔捨得要你用咁多錢嚟請我食餐飯,所以我地以後食飯都會用AA制。第二,明明呢間就好好味,咁點解要去間貴啲既呢?我食呢間就已經好滿足,咁就冇謂嘥錢去間再貴啲㗎啦。」啊童邊切牛排邊說。 

「今餐我請啦,話晒都係第一次同你過情人節。」 

「好啊,多謝你喎,男.朋.友.。」她甜甜一笑。 

食野既過程我就唔仔細描述啦,反正都冇乜特別,

你只要知道啊童食得好開心就得啦。
 

「點呀我地?係咪返屋企啦?」我問。

 「好似爭緊啲野咁喎。」啊童笑著對我說。 了解她的我自然猜到她心中所想的。 



「宜家啱啱食完飯仲咁飽...不如我地搭天星小輪過去尖沙咀先,然後先再去食甜品?」我建議。 

「又好啫。」她挽起我的手,向著碼頭行。 

我們乘上了天星小輪,看著兩岸萬家燈火,

靜靜地滑過了維多利亞港。


 船上亦有不少戀人,如我們般坐在窗邊看海,

兩手緊扣著。
 

不久後,我們便抵達了對岸,



並朝著甜品鋪進發。
 食甜品呢樣野,

我都寫過好多次,再寫你地都悶啦,

所以時間直接跳到我送啊童返屋企。


 住隔離有一個好處,就係我送完佢返屋企之後唔駛十秒就可以返到自己屋企。

 諗起個啲人送完女朋友返係天水圍既屋企,之後仲要搭個幾鐘車先返到自己位於柴灣既屋企就覺得佢地慘。 

「Bye Bye 啦。」我攬一攬啊童。

 「Bye Bye。」說罷她便打開了自己家的大門,而我亦向左走多幾步回自己家。 

「喂!」聽到啊童呼喚的我止住動作。





跪求大家Follow我既IG: MaanYin05 
 
已有 0 人追稿