是咁的，我同女神做咗鄰居: 176.

因為時間緊迫，所以我也顧不得那碗粥有多熱，只管快快地把它全吞下就是了。

由於啊童沒有心機，我也無謂跟她說話，

讓她休息一會更好。 反正死空氣對我們來說已經是再普通不過的事情。

就這樣我們在一片安靜的環境下吃完了午餐，

嚴格來說是我吃完了，啊童的碗內還剩下半碗粥。





「唔食啦我。」啊童把白粥推離自己。

「你夠飽未㗎？」我抬頭問。

「唔...」她又點了點頭。

「咁好啦，我一陣幫你扔埋佢啦，嗱我走㗎啦，你記得要食藥，同埋唔好咁快又瞓返落床，係張梳化度坐返幾個字先，知唔知？」說完我便起身走去為她斟水，好讓她能食藥。

啊童抱膝坐著，手上拿著電話，





漫無目的地往下碌，從眼中不難看得出她有多疲倦，

與平時活潑的她有很大分別。

「食藥啦。」我把水放在她面前。
「唔...」她隨手放下電話，把袋中的藥倒出，然後放入口中，再喝了口水，又再拿起電話。

「走啦我。」我把桌上的垃圾都收拾好後對啊童說。

「唔...」佢連嘢都唔想講。





「好好休息下啦。」說完我便把整袋垃圾拿起，轉身離開了她的家。

經過我再次狂奔後，

我成功在Lunch time 完結前趕回學校，卻撞上了Suki。

「嘩你搞乜呀？咪L行埋嚟啊你，成身都係汗。」

「去做食物熊貓買野俾你個好姊妹食啊。屌，你估我想出哂汗咁㗎咩，要跑過去又跑返嚟，你試下吖。」

「係喎，佢做咩冇返學嘅？」

「佢發燒吖嘛，頭先返到去見佢攰到嘢都唔講。」





「哦，咁你放學仲去唔去打波？」

「應該唔啦，話自己唔舒服同啊Sir請一日假囉。」我說。

「鈴鈴鈴」Lunch time咁就完咗，廁所都唔得閒去。

上完下午要上的堂後，我便執拾好物品，

並叫毛毛替我向教練轉達自己有要事所以缺席一天這消息。

我交代完後，

便離開學校，

去探望啊童，





雖然，我去到都幫唔到啲乜。

我再次按下門鐘，開門的依舊是婆婆。

「咦你又嚟呀，你叫啊...啊...」

「啊言。」我提醒她。

「哦係，係啊言，童童話如果你嚟咗就入去佢間房度搵佢喎。」

「吓佢唔洗休息咩？」我奇怪地說。

「我都唔知個孫女呀，佢頭先醒咗就出嚟同我講完呢句之後就返返入房啦。」





「哦咁好吖，唔該哂婆婆。」我說。

我於是便行去走廊，因為我其實連她家的走廊也未進過，

更不用說啊童的房間， 所以我都找了一會才找到。

我靜悄悄地開門，免得吵醒啊童，

怎料一打開門就已經看到啊童坐在床上在看電話。

啊童只斜眼看一看我，然後又再繼續睇電話。

「呢位小姐，其實你係咪真係發燒㗎，仲唔休息喺度睇電話。」

「唔...瞓咗全朝，食完飯又瞓咗一陣，都係廿幾分鐘前醒咋嘛...想再瞓都瞓唔著啦，咁咪起身睇下電話囉。」











跪求大家Follow我既IG: MaanYin05