是咁的，我同女神做咗鄰居: 184.

「傻佬，邊有可能以後唔沖涼呀，唔沖涼成個人咪臭哂囉。」啊童忍不住笑了出聲。

「一定係我太太太後悔，所以一時之間講錯嘢啦，好對唔住呀啊童。」我以哭腔跟啊童說。

「打緊機嘅時候又唔見你後悔？又唔見你突然自我感動，唔打機打俾我？」

「我...我好耐冇打過啦...所以頭先先忍唔住打咗陣，咁我見你好似唔想我打咁，咁於是我咪呃你囉...我剩係諗住打一鋪...一鋪㗎咋，我諗住打完嗰鋪就打俾你㗎啦。」

「到你得閒打俾我嘅時候我都瞓L咗囉，要你嚟做咩啫。」





「所以我而家咪即刻過嚟搵你囉，其實我真係好仆街嘅，個女朋友病緊自己就走咗去打機，仲要唔理個女朋友，我應承你，真係冇下次，我真係唔會再犯呢個錯，你俾個機會我吖。」

「哼，如果再有下次咁點呀？」

一聽到啊童這樣說，我心中立即大喜。

「我自閹再自斷雙手！」我興奮地說。

所以幾時都話啊童真係唔同啲，你睇下佢幾易氹？





「又話要生仔？你閹咗點生仔呀？」啊童問。

「邊個話我閹自己呀？我意思係用自己隻手閹同我打機條友咋，你咁問...係咪好期待同我...」

「唔係呀！！！係你話想生咋！」啊童臉上露出笑容。

「我唔再犯呢個錯咪唔會要自閹囉，我應承以後都將你放喺第一位，打機呀其他嘢擺第二位，你有咩事我剩係理你先。」我攬著她說。

「好攰呀我，咪阻住我瞓覺啦你，死返過去打機啦。」啊童笑著把我推開。





「嗱你話㗎，我真係過去打機㗎啦，你唔洗我陪你吖嘛？」我再三確認，免得剛定下的承諾，不夠五分鐘便要實行。

「得啦，今次我批准你打機。」

「嘻，我女朋友真係開明。」

「咁我走㗎啦。」我說。

「走啦走啦。」啊童揮了揮手說。

我於是便為啊童關上房門，再跟周叔叔道別後便回到家中。

「喂兄弟，I am Back！」我重新打開Discord，對啊正說。

「咁快嘅？你氹返佢啦？」 





「洗乜講，我仲同佢傾掂數，所以而家我係攞正牌打機嘅！我地又可以開多鋪新㗎啦。」我對他說。

「開乜鬼吖，你都比人Ban咗啦，過多半個鐘先返嚟再打就差唔多。」啊正說。

「咦...係喎...」我打開R6，看見遊戲禁止我在這半個小時內再遊玩的告示。

「咁...半個鐘之後我再搵你啦。」我關掉Discord。

那晚，啊童的確沒有再找我，最後上線時間也停留了在她傳圖片給我的時候，

應該是真的睡著了，所以我也放心打機。

直到上床前，我便跟她說了句晚安，之後倒頭便睡。







跪求大家Follow我既IG: MaanYin05