是咁的，我同女神做咗鄰居: 185.

到咗第二日，亦即係星期六，我起身之後就Send個Whatsapp關心下佢，

費時佢一陣間又話咩我唔關心佢啊，唔擺佢係第一位啊，唔理佢啊，剩係顧住打機呀。

咁就唔好啦。

我：點呀你，今日有冇好啲？

我看一看時間，現在還只是九點，亦難怪啊童不能秒回我。





(題外話平時我Whatsapp啊童通常啊童唔駛十秒就睇到再輸入中。)

相信啊童現在還在床上發著美夢。

咁早起身做咩？打機囉！

緊係要趁啊童未起身未會搵我之前打下機先啦，

一陣佢醒咗覺得悶要我陪佢吹水我又冇得打機㗎啦，所以而家有得打好打啦。





直到十一時，我才收到啊童的回覆。

童：啱啱起身量咗體溫，退咗燒啦，不過我都仲係有啲攰，可能係因為食咗啲藥啦。

我：咁就好啦，覺得攰就瞓多陣啦。

童：你下晝得唔得閒？我想出去行下。

我：哦，你唔攰就得啦，我就全日都得閒嘅。





童：咁好啦，到時再約你啦，反正你喺隔離，唔洗五分鐘就出到門口㗎啦。

我：Ok啦。

既然啊童下晝約咗我，咁我呢段時間就唔過去打擾佢啦。

咁呢段時間做咩好呢？試又考完啦，學界又打完...咁就一於...

繼續打機！

男人係咁㗎啦，打機對男人嚟講好重要㗎，啲人成日話要搵個會同你一齊打機嘅女朋友，

我做到㗎，啊童會同我打Overcook㗎，不過我唔會好鍾意玩Overcook咁解囉。

有時同兄弟玩個種感覺係唔同啲嘅，嗰種默契，一齊出生入死既經歷，





係女人俾唔到我嘅感覺。

又講得太遠，總之嗰個星期六我好難得可以打機打足成個上晝。

食完飯之後，緊係繼續打啦，反正我都冇其他嘢做㗎啦。

「叮」大約到了四時左右，啊童終於找我了。

童：打完機未？我想出去行下。

我：你又知我打緊機？我隨時行得㗎啦，而家換衫。

童：你除咗打機仲有咩做吖，當我傻㗎咩，我冇搵你你咪一樣喺度打緊機。





我：係啦係啦，比你估中晒啦，總之我會將你放第一位，咁就得啦。

童：擺我喺第一位就唔該你快啲放低部電話，然後去換衫，出門等。

我：小人遵命。

我於是速速更衣，以最快的速度走出大門。

只見一早已在門外等我的啊童繼續她一貫的穿衣風格，一見T shirt加條熱褲，

精神明顯較昨日好。

「精神咗喎。」我牽起她的手說。

「退咗燒個人係精神啲嘅，不過啲藥都仲係搞到我好似周身唔聚財咁囉。」啊童把頭靠在我的膊頭上借力。







跪求大家Follow我既IG: MaanYin05