是咁的，我同女神做咗鄰居: 207.

「唔好唔好，我個樣邊忽猥褻呀，你睇錯咋，唉呀好攰呀，膊頭唔夠位比我瞓喇。」我順勢把頭移離她的肩膊，慢慢向下靠。

 「砰」一時太興奮失了平衡的我連人帶椅倒在地上。

 啊童愕然地看著我，原本認真的樣子頓時出現了笑容。 

「哈，抵你死啦，死變態。有無撼親個頭呀你？」啊童起身把我扶起。 

「其實我係特登嘅，為咗氹你開心所以先扮跌親，絕對唔係太興奮失咗平衡。」我爭扎著從地上爬起來。





 「係呀係呀，一定係咁啦。」啊童反了反白眼，然後繼續溫書。 

「根本就係咁。」死心不息的我打算再試多次。 

「哎呀，你咁樣一陣又跌㗎啦，整好咗張凳先，較返啱個位，跟住先再瞓落嚟。」看不過眼的啊童伸手為我調整椅子的角度。 

「嘻，睇嚟你好想我瞓你大脾喎。」我笑嘻嘻的看著她。

 「你個頭就想呀，唔想你臨考試前整親咋。」 我聳了聳肩，然後以那張椅子以及啊童的大腿作為支撐點躺平。





 「原來你呢個角度睇都幾靚㗎喎。」我從下看著啊童認真溫習的樣子。 

「瞓你就瞓啦，咁多嘢講。」話雖如此，但啊童的嘴角卻微微揚起了。 

「我見到有人陰陰嘴笑喎。」 

「邊有喎我...」啊童低頭看著我。 

「咦...我見到雙下巴喎~」





 「我邊有雙！下！巴！呀！你唔好亂嗡啦！你再講就即刻起身！」啊童憤怒地說。

 「Okok唔講唔講，我女朋友就算有雙下巴都咁靚。」

 「起身！即刻！」啊童用雙手強行把我的頭托起。

 「唔好唔好，真係唔講，真係唔講，我頭先講錯咗，係我女朋友幾時都咁靚，隻腳仲要幾好瞓添。」 啊童以幾乎殺得死人的眼神狠狠地盯了我幾下，仿佛在警告我不要在亂說話，之後才繼續溫書。

 我又怎會如此輕易就放過她，之前每次我讓出膊頭借給啊童當枕頭睡覺後，

我的肩膊位總會濕了一大片，

這次...嘿嘿。  我把臉側過去，貼著啊童的肌膚，

把口打開，耐心靜待受到地心吸力牽引的口水流出。 哈哈哈哈！！！

我都知自己咁做好核突，不過呢個唔係重點！

 我而家做緊嘅嘢叫做報仇，係佢咁對我先㗎嗱。

 「好核突呀你！！！」啊童把腿縮開，不讓我的口水再繼續流下去。 

「哎呀，唔好意思呀，一時瞓得太舒服無合埋個口添，我幫你抹返佢吖。」我假惺惺的隨手抽起幾張紙巾，伸手打算為她擦乾口水。

 「唔駛喇，唔！該！我自己嚟得嘞。」相信啊童此刻恨不得把我碎屍萬段。

 「唉，我都唔想嘅，一時控制唔到。」我笑著說。 

「你擺到明就係特！登！㗎啦！！！」啊童逐隻字慢慢地說。








跪求大家Follow我既IG: MaanYin05