是咁的，我同女神做咗鄰居: 210.

唔係講笑，啊童啲Notes係又靚又實用，所以幾時都話，有啊童做女朋友真係幸福。

 呢個Weekend，絕對係我人生有史以嚟最L辛苦嘅時光，

因為啊童真係同我開行Turbo溫書，

 朝早，晏晝，夜晚，無一倖免。

 星期一就開始考試，要考足兩個星期，足足有十六份卷等緊我地去考。





 「最後一次係香港考試喇喎。」星期一早上返學時我對啊童說。

 「所以更加要考好啲，好嚟好去吖嘛。」啊童面有憂色地說。 

「你擔心呀？驚咩啫，你咁樣日日勁溫好難考得唔好㗎喎...」

不過學霸就係咁，對自己要求高，

同埋成日都會話驚自己考得唔好，明明呢件事就從來無發生過。 





「都會驚自己失手嘅。」

 「唔驚啦，你又唔洗揀科，可以無壓力咁考，就算交白卷都無所謂啦。」 

「你咁諗咪唔啱囉。」啊童嘆了口氣搖了搖頭。 

我聳了聳肩，沒再回應她，終止了這個話題。 

「嘟」老師按下計時器。 





班房上頓時傳來揭卷的聲音，考生們在卷上草草寫著自己的名字，

把握時間翻到後頁開始作答。 

你都on9嘅，有成個半鐘咁急做乜啫，

慢慢嚟啦。

 果然如我所料，

過了大約一個小時後，半班同學已經做完了整份卷，

全都趴在桌上睡覺。

 哈哈哈哈哈！成班都蠢嘅，

咁快做完咪要Hea半粒鐘囉，好似我咁，

每粒字都寫靚啲，精雕細琢寫到好似寫書法咁咪唔洗等囉。 

Ok離咗題，只係我見到連啊童呢啲咁認真讀書嘅人都已經百無聊賴咁瞓緊覺嘅時候，

我內心就忍唔住為自己嘅聰明才智感到興奮。

 「嘟嘟嘟嘟」計時器響起。

 早在十分鐘之前就已經做完整份試卷，再檢查了一遍的我把試卷疊好，交給前方的同學。

 第一天的考試就這樣無驚無險地結束了。





 例牌，每次考完試都總係會成班人圍埋一齊對答案。

 其實係一件好無聊嘅事，

第一你身邊嗰個唔一定啱，

第二你而家知答案你都係無得改㗎啦，咁知嚟做咩啫。

 但係，人總係有好奇心嘅，所以我都圍埋咗一齊。 

之後整整兩個星期都係咁過，返學考試，

吹陣水返屋企溫書，無限loop。

 派卷個啲就唔細講啦，總之成績叫做不過不失，

比上次UT進步咗囉。 啊童就繼續維持學霸水準，

西史就最L癲，竟然可以係一份一百分滿分嘅卷入面攞到一百零一分，

雖則話有啲題目係Bonus，但就算唔計Bonus嘅題目佢都應該差唔多攞滿分。

 時間嚟到六月廿五日星期五。

 「好喇，各位同學，我地而家派選科表，下個星期一交返返嚟。」Mr Wong把一張紙分派給我們。









跪求大家Follow我既IG: MaanYin05