我從Mr Wong手上接過選科表,看見表上密密麻麻的選擇,從不知自己未來想做甚麼或有甚麼興趣的我,根本想不到要選甚麼科。

 算了,還有一個週末讓我想,回家才慢慢思考。

 「你諗住揀咩科呀?」啊童在我回家時問我。

 「吓,未諗呀,應該都係文科?」我猶豫地回答。 

「有冇搞錯呀!之前唔係話諗好咗㗎咩?」啊童一如以往,比我自己還要擔心我的事。 



「之前無諗過自己成績會好到咁吖嘛,可以揀嘅科唔多,而家成績好咗咁L多,揀到嘅科就唔止係啲乞食科,所以咪未諗好囉。」

 「唓,你叻個啲文科全部都係乞食科嚟㗎啦,我話你知,你揀啲你唔鍾意嘅理科就只會讀得好辛苦,反而你鍾意嗰啲科,啫係中史同西史,雖然係乞食科啫,但係至少你鍾意吖嘛。」 

「係啫,但係你都識講係乞食科啦,我大個仲要養你㗎嘛。」

 「都係嗰句,你唔鍾意啲科就唔會讀得好,俾你揀到比較多出路嘅理科,但係讀得唔好,最後連大學都入唔到,咁唔係仲衰咩?」

 「都係嘅...」



 那一晚,我在床上細細思索著,自己究竟要何去何從。 

最終在啊童的建議再加上根據自己喜歡的程度,

選擇了中西史加地理。


 痴L線。

 揀完科,一身輕晒。 



「叮」我的電話傳來通知。

 Mr Wong:Hello啊言,有啲嘢想搵你幫手呀。我地學校嚟緊Post exam day有個環節想搵幾個人唱歌,咁主要就係搵上次Sing Con嘅冠亞季嚟唱,請問你可唔可以幫手呀?

 竟然係搵我唱歌!? 

都好喎,又可以自肥唱比啊童聽。 

我:Ok呀無問題,係咪都係自己揀歌同要唱幾多首呀? 

Mr Wong:唱三首,最後嗰日係操場到唱。 

我:好呀無問題。 

之後就係學校嘅嘅試後活動日,真係開心,唔洗上堂又有得玩。



 在星期日晚上時,啊童無端端打了給我。

 「喂,做咩呀。」我接過啊童打給我的電話。 

「我呢...比社長叫咗入社際辯論比賽呀。」啊童在電話的另一邊說。 

「吓你認真㗎?你地對邊個社呀?」順帶一提,啊童跟我是不同社的,我是藍社,而啊童則是紫社。 

「對你地個社囉。」

 「Yes!有你係度我就放心嘞,我地個社又大啲機會贏啦好耶!」 

「你咩嘢意思呀下?唔好以為我同你講緊電話我就唔會打你呀,我而家即刻過嚟你屋企打你都仲得呀我話你知。」啊童說。



 「都比你打慣㗎啦,你覺得我仲會驚咩,你用啲時間嚟準備辯論好過啦,你地幾時比呀?」

 「後日。」啊童說。

 「吓!你今日先比人拉入去後日就比!?」

 「所以我而家咪煩緊要點做囉。」

 「幫你唔到喎,完全唔識點辯論。」 

「妖,雖則話我都無預過你會幫到手,但至少都可以幫我諗下論點掛。」 

「咁咪即係私通外敵,背叛自己個社!?緊係唔得啦,你自己慢慢諗,諗完話我知,我話返俾我地社啲人知你地有咩論點。」

 「食屎啦你!快啲幫手諗下呀!」



 「題目係咩呀咁?」

 個一晚,我陪住啊童諗論點同打稿,

直到夜深先至瞓得覺。
 

估唔到考完試我都仲要咁辛苦。




跪求大家Follow我既IG: MaanYin05
 
已有 0 人追稿