經過足足兩天的奮鬥,我們終於寫好了稿兼練習了數十遍。

 喔...正確來說是啊童奮鬥了兩天,而我則陪了她兩天。

 我自己當然亦有練歌,為表演做好準備嘛。

 眨眼間就已經來到了比賽日,這天我們是上九至十二,而社辯將會於十一時正在一間容納到五十人的特別室中舉行。

 啊童一回到學校就去了有蓋操場找她的隊友去,而我則出了球場與兄弟們打籃球。



 反正我坐到她旁邊也幫不上忙,只有尷尬的份兒。 

過了大約十分鐘後,啊童卻朝著我走了過來。 

「做咩呀?唔準備喇?想過嚟一齊打波呀?」我打趣地問。 

「唔係呀,我係想叫你搵間房俾我地準備呀,呢度又吵又熱,集中唔到。」 

「求其搵間班房咪得囉,上去就係喇喎。」



 「係咁易就唔駛搵你啦男.朋.友.。」啊童反了反白眼後繼續說,

「大部份班房都鎖咗呀,要逐間逐間搵下。」
 

「痴線你當我係你工人呀?都係少少嘈同少少熱啫,忍耐下啦。」不願逐層走遍整間校園的我說。 

「哎呀言言呀,嚟啦~幫下手啦,真係好熱呀。」啊童罕有的向我撒嬌。 

「幫你地搵房都好熱㗎,唔好啦。」我在她凌厲的攻勢下作無謂的反抗。 



「嗚...你唔理我喇係咪呀。」啊童用水汪汪的大眼看著我,她這個樣子,真的是我見猶憐。

 「唔係唔係,即刻幫你去搵。」我直接投降。 

唉屌,又衰心軟。 

我無奈之下,只好立即動身為啊童搜尋合適的房間。 

結果我走遍整個舊翼,皆找不到一間沒有被鎖上的房間。 

「我屌吖...一間都無。」從舊翼下來的我細細唸著。 

於是我唯有轉為前往新翼。

 一間...兩間...三間...都無嘅 第四間,



「咔嚓」竟然開到...
 好...好感動呀!!!

 我第一時間把冷氣給開了,然後才回到有蓋操場找啊童。

 「喂,搵到啦,新翼第一層最尾嗰個班房。」我對正在一堆稿紙中埋頭苦幹著的啊童說。

 「抵錫!」啊童開心地把稿紙拿起,然後揮手示意在她身旁的幾個紫社同學跟她上去,不出數秒原本她們坐著的桌子就已變得空空如也。

 見她們上了去班房,那我也可以回去繼續打波,

之後十一時再出現就是了。


 到了大約十點十時,我便前往那間特別室霸位。 



一進去,兩社社長已分別坐在兩邊等候,三位評判則坐在中間。 

「同學,藍社既過嚟呢邊坐吖。」藍社社長看見我後對我說。 

「吓呃...好吖。」實不相瞞,藍社中出了一個叛徒,正是小弟,其實我係嚟支持紫社。 

「好難得你咁熱心嚟支持自己社,肯嚟睇社際辯論比賽,好多藍社同學寧願去玩都唔嚟支持下。」他說。

 「哦...係囉哈哈,嚟睇下囉。」你知道我嚟嘅原因你就應該唔會笑著咁同我講頭先呢番說話㗎喇。




跪求大家Follow我既IG: MaanYin05 




 
已有 0 人追稿