是咁的，我同女神做咗鄰居: 251.

由此可見，選擇女朋友，一定要選擇一個溫柔的女生，

不然未來將會白受許多皮肉之苦。 

「打過啦！」她敲一敲我的頭，然後便按下重新遊玩的按鈕。

 「唉，咁搞法，聽日都未爆到機喎。」要不是啊童非每關爆三星不可，我們一早已經爆機了。

 「是旦啦，之後返嚟再打咪得囉，係咪先？」





 「係喇係喇，你返嚟之前我都唔會再郁個game㗎喇，等你遲啲返嚟再爆埋佢。」

 「今次唔該你乖乖地做你要做嘅嘢，唔好走過嚟搶我嘅嘢做呀。」 

「得啦得啦，今次一定三星。」 

幸好今天是開學日，沒有任何功課，

不然我可沒有時間跟她做這麼多事情。





 的確我個人是不會做功課的，

但啊童要是知道我為了跟她玩而不做功課的話，

她必定會幫我拿功課及筆袋出來要我在她面前乖乖做完才肯繼續玩。

 「呼，夠鐘煮埋啲嘢食去。」我伸一伸懶腰，然後走去廚房。

 「我又要去。」啊童聽到後也彈起身。





 「唔好啦，一陣你又搞亂檔，係出面等下咪算囉。」我停下腳步轉身看著她。

 「你咩意思呀！？我要入去呀！」她狠狠地瞪著我。 

「入去做咩啫，又熱又迫。」我口中一邊說著，一邊繼續走往廚房，決定不再阻止她。 

事實上，我為了這晚，可是早有準備的。

 由於大部份步驟剛才便已經完成了，

所以現在要做的事不多，很快便已差不多煮好。

 「好！我地出返去先！」我推著啊童出去大廳。

 「做咩呀？煮好做咩唔攞出嚟呀？」啊童不解地問。





 「哎呀，今晚係你最後一晚啦係咪？所以我地要食得正式啲。」我走到櫃前左找右找，終於找到我需要的東西了。 

「登登登凳！」我把早前購備的蠟燭拿出來。

 「做咩啫你，懶浪漫咁。」啊童甜笑著推了我一下。 

「喂大佬，咩做咩呀？燭光晚餐囉，邊個話滑蛋豬排飯唔可以配蠟燭㗎？你係唔係睇唔起入面個幾碟嘢先？」我放好蠟燭，然後拿出火柴。

 「真係唔係好夾，你信我，蠟燭同滑蛋豬排飯係真心唔夾。」

 「唔夾都無辦法，熄燈！」我強迫著啊童接受我的計劃。

 原本以為啊童會聽從我的指令替我關燈，

怎料她卻站在原地一動不動，

害我威嚴霸氣盡失，要親自過去關燈。 

「去潷飯啦。」我又再次把啊童推進廚房。 

「妖，都唔知乜鬼燭光晚餐嚟，要自己潷飯咁麻煩㗎。」她一臉厭棄地說。

 「得，你出返去坐返低，我幫你潷埋。」

 「多啲飯同多啲蛋喎。」她嘴角上揚著說。

 「得啦得啦，煮咗咁多次仲唔知你要求咩。」







跪求大家Follow我既IG: MaanYin05