不久後,一碗熱騰騰的滑蛋豬排飯做比我端出來,放在啊童面前。 

我把自己的那碗也拿出來後,便劃火柴然後燃點起蠟燭來。 

「呼。」確保兩根蠟燭都燃亮後我便吹掉火柴上的火。

 「今餐係我地嘅最後晚餐,所以應該要影幅相先。」我走過去啊童坐的那一邊,舉起手機與她自拍了一張。

 「咩最後晚餐啫,講到好似我就快死咁,明明我幾個月之後就會返下嚟。」 



「是但啦,最後晚餐個名好似勁啲咁吖嘛,食飯食飯。」 

你問我心情係唔係好差好唔開心,食龍肉都無味個種呢?

我又唔係喎。
 同平時好似無乜分別咁,

氣氛都係咁輕鬆,啊童都係好似無乜咁。


 老實講係同我想像中有啲出入,



原本我以為嚟到呢一日我會好唔開心好唔捨得甚至會喊,
 

但係又無喎,反而食食下我仲識搞gag同啊童一齊笑下。

 今餐飯,比起想像中,歡樂得多。

 啊童一如以往,很快便吃完了整碗飯,

而我則還在慢慢享受著自己煮的佳餚。
 



「好L飽呀屌。」我吃完後摸了摸肚子說。 

「邊個叫你煮咁多啫,你慢慢坐啦,我去洗碗先。」說罷啊童便站起來,走去廚房。 

「唔好唔好,我洗得喇,坐返低抖下吹下水好過啦。」我拉住啊童的手不讓她走進去。 

「妖,你入嚟坐側邊咪有得吹水囉,懶。」啊童甩開我的手,然後徑自穿上了圍裙開始洗碗。

 「燭光晚餐喎,點可以要客人洗碗㗎呢係咪?同埋一陣洗到隻手榎歰歰就唔好啦,我會好心痛㗎嘛,一隻咁滑嘅手變到榎歰歰,你出返嚟啦。」我一邊說一邊摸著她的手說。

 「走開啦你,而家連手都要摸,好變態呀你。」她用身體推開我,然後繼續洗碗。

 嘖,呢條女真係麻L煩,關心下都唔得。

 既然事已至此,我別無它法,暴力解決問題。 



我從後硬生生把啊童抱起。

 「喂呀!」啊童雙腳亂踢反抗,試圖透過這個方法令我把她放下來,可惜我卻毫髮未損,繼續把她抱回大廳。 

「痴線㗎你?洗碗都唔俾洗?」啊童嗔怒地問。

 「嘻,真係唔好意思,我要你係廳到陪我,碗呢啲死物唔值得浪費我地時間。」

 「咁而家有咩做吖?」啊童不滿地問。 

「有咩做呀...呃...咁我又諗唔到喎。」 

「妖,咁你唔好阻住我洗碗啦。」啊童反了反白眼又重新走進去。



 「點解你咁熱衷於洗碗啫...我知喇,一係落去食心太軟?」 

「你請喎。」

 「得啦。」

 「洗埋碗就去,而家太飽要抖陣先。」

 「唉你洗啦,我幫你抹乾啲碗。」我最終還是選擇妥協。








跪求大家Follow我既IG: MaanYin05 


 
已有 0 人追稿