是咁的，我同女神做咗鄰居: 253.

兩個人合作，很快便把廚房給還原好了。

 之後我們便下了去甜品鋪吃了個心太軟，為這個燭光晚餐劃上句號，

同時亦標誌著啊童在香港的時間只剩下一天。 

「最後一晚喎，行下海旁？」回去時我問。

 「睇唔到嘢喎我，唔喇。」 





「唔驚啦，有一邊係好L多燈㗎嘛，應該睇到掛？」 

「咁呀...是但啦。」啊童最終還是妥協，大概是她心底裏也想去海旁吧。

 「咁行啦。」行去一個充滿回憶的地方。

 甜品鋪走過去海旁的路程說遠不遠，恰好是適合飽飯後步行的距離。

 沿途燈火通明，所以對啊童來說要步行到海旁並沒有任何困難，

在市區時，夜晚對她來說根本不成問題。 

「記唔記得上年嘅今日我激嬲你，跟住就係係呢張凳到氹返你呀。」我指住那張啊童曾坐過的長椅。

 當天的事，至今仍歷歷在目，

那份緊張與不安的心情，實在是永世難忘。

 我拉著她，坐到那張長椅上。 





「好彩你最後做咗我男朋友，如果個初吻真係就咁比咗個朋友，我真係會喊出嚟。」

 「其實我一早就知我地會拍拖。」

 「吓...點解呀？」 

「因為我見到你第一眼就鍾意咗你喇，我由個時開始就下定決心一定要追到你。」 

「妖，又講呢啲。」啊童反了反白眼。

 「有時我覺得我地嘅生活都幾似啲退休人士，有幾多個後生仔會食飽飯特登落嚟海旁坐。」

 「嗱你咋，唔包我㗎，我仲後生，想過嚟海旁個個係你咋。」啊童秒速割席，與我劃清界線。

 「收皮啦你，明明平時你啲生活習慣就仲似佢地，朝朝都拉埋我落去晨跑。」我把她在時暑假時對我所做的惡行說出來。 





「咁你係咪有咩唔滿意吖~」她瞪大眼睛看著我。

 我當然不會胡亂說話，要好好珍惜生命嘛。 

「無無無。」我連忙說。 

「多謝你喇。」 

「多謝我啲咩？」 

「肯隔日就陪我落去跑步囉。」

 「駛乜多謝啫，男朋友陪女朋友，天經地義。」





 「成日都口花花。」她笑著說。

 「我真心！」

 「算吧啦你。」 既然比她拆穿了，那我也不再裝下去，沒再繼續辯駁。

 我們靜靜地看著那個漆黑的海，

以及對岸那由萬家燈火所形成獨特的景色。

 大概是各自都在思考著，所以誰也沒出聲。

 眼睛雖是看著那美景，但卻沒有在欣賞，

心神早已比另外一件事所佔據著。





 目中無神，即使我看不見自己現在的樣子，

但我相信這個形容詞應該是挺貼切此刻的我。

 她靠在我的肩膊上，我感受著她的體溫，

聽著她的呼吸聲。 眼前的景色再美，

也美不過我身邊的這位女孩。









跪求大家Follow我既IG: MaanYin05