夢蝶

唉,真係黑到爆呀,點解我會咁唔小心㗎…
紅社社長:「喂,夢蝶妳搞乜呀,無嘢嘛?」
我:「無嘅,唔小心跣咗一下啫…」
籃球隊長:「哎喲,乜學生會長咁雞㗎,照顧一個女仔都搞成咁。」
學生會長:「我都唔想,但夢蝶佢堅持自己行唔肯拖住我,想捉都捉唔到,一個唔小心就…」
籃球隊長:「乜原來有女仔會唔肯俾你拖呀?即係話你信唔過囉,始終都係你問題。」
其實一睇就知佢兩個暗坎係有啲唔妥,喺度狗咬狗骨,我真係好憎呢啲流於表面又虛偽又浮誇嘅人際關係;我整親都已經慘㗎啦,重要搵我做口水戰嘅工具,不知所謂,不過最衰都係我,明明咁普通嘅路都可以俾級樓梯跣到,本來掂都唔想掂到佢,搞到而家要攬住佢膊頭嚟行,我知佢無心非禮我,但絕對有意黐落我個波度囉,咁我對波又大,避都避唔到,結果俾人硬食豆腐,認真仆街!
我:「咦,係咪大家都完成晒喇?巧玲兩個呢?」




紅社社長:「咪重爭佢哋囉,其他人齊晒。」
藍社社長:「喂,交換返,畀返條女你,呢啲女仔係你先識欣賞。」
紅社文書:「你講乜呀,仆街仔!」
紅社社長:「喂,你對佢做過啲乜!」
藍社社長:「我幫你咋,我唔做衰啲,佢又點會知你嘅好。」
紅社文書:「妖!我哋唔好理佢!」佢講完就撓住咗社長隻手。
呢一下我其實好心急,唔係因為我自己整親,而係點解家文佢哋咁耐都未返到嚟嘅?明明我趌下趌下都趌到返嚟,佢兩個會唔會係發生咗乜嘢意外呢…
學生會長:「呀,家文佢哋呀。」
家文佢一落嚟就望到我,即刻甩開咗巧玲隻手衝咗嚟我面前,一方面我好開心,但另一方面我又好心悒。
家文:「妳…妳做乜呀?」




我:「跣親啫,無乜事…」
藍社社長:「正室出嚟英雄救美咯。」
籃球隊長:「巧玲,妳都係唔好霸住人哋個男人喇,一開始唔好交換咪唔會搞成咁攞。」
巧玲:「夢蝶妳無事嘛?嚟吖,過嚟扶住我。」
學生會長:「巧玲…麻煩妳…幫我睇下佢有無事。」
巧玲:「使你叫咩!無…鬼用!」

家文

紅社社長:「喂,你兩個成身做乜好似打完仗咁嘅?件衫黑鼆鼆,連條褲都係泥。」




巧玲:「多得啲死人任務囉。」
紅社社長:「係咩,又唔見我哋打仗咁款,重去咗咁耐,唔通妳兩個去咗野戰?」
藍社社長:「喂!小心講嘢啦,夢蝶喺度㗎!」
紅社社長:「講下笑啫,夢蝶應該唔會介意嘅,咦,巧玲妳係咪喊完嚟呀?」
我:「啊…無…呀,頭先黑得滯有隻飛蛾…大隻嗰啲,撲落佢塊面度…所以嚇親啫。」
學生會長:「好喇,唔好嘈喇,大家返晒嚟,畀啲答案我睇下啱唔啱啦…嗯…欸…好,睇嚟大家都好努力,全部都搵到答案喇,經過呢個活動我諗大家嘅溝通同解難能力都會有進步㗎嘞,咁今晚就到此為止啦,我哋返camp聽日繼續啦!」
我心諗,hea到爆嘅程度真係匪夷所思…
我:「真係無嘢吖嘛?畀我睇睇…呀,隻手都損咗嘅,陰功…」
巧玲:「對唔住呀…如果唔係我話換,就唔會搞成咁樣,我頭先重見到會長挨落去妳個心口度…」
夢蝶:「算啦…一日都係我自己唔小心,與人無尤嘅,唔關妳事,起碼而家蝕底嗰個係我唔係妳,咁我都安樂啲。」
巧玲:「夢蝶…」
我:「妳行都好似好辛苦咁…不如我孭妳啦…」
夢蝶:「唔使,我真係無乜嘢。」
巧玲:「係呀,唔好呀,呢度好多隻眼睇住,一陣你孭佢又會有排俾人講㗎啦…我會扶住佢行。」
真係唔明點解做人要咁多顧忌,乜保持一個社交面孔真係咁重要㗎咩,好明顯,呢啲場合,呢啲圈子,真係好唔啱我…同埋夢蝶。




終於我哋三個行咗返去common room度,好彩其他人都各自返晒房唔再打攪我哋,夢蝶佢就攤咗喺張梳化度休養生息。
巧玲:「我去搵下有無急救用品,妳哋等我吖。」
得返我同夢蝶,我哋兩眼望兩眼,一時都唔知講乜好,但又好似有好多嘢想講出口,明明我頭先重沉醉緊巧玲惜我嗰一啖,但係…咁樣惜人真係可以只係為咗純粹表達多謝?巧玲話無乜意思,叫我唔好諗咁多,我又邊可以唔諗吖,點知一出嚟就見到夢蝶咁樣。

夢蝶

我:「喂,你兩個玩得開唔開心呀?」
家文:「妳搞到咁重嚟關心呢啲,係咪傻㗎?」
其實望到佢對我嘅態度我真係好開心,覺得好warm好sweet,知道佢真係緊張我,咁睇嚟我呢一跤都無白跌,可惜…我唔係佢女朋友,而我…都唔係佢最鍾意嘅人。
我:「有乜事喎,跌親下啫,我對學生會長又完全無興趣,梗係關心你先啦,點解重遲過我返去嘅,你哋搞到成身咁樣唔係真係去咗野戰呀?」
家文:「妳唔好聽佢哋亂噏啦,我又點會呀…應該話…係點會有機會…」
我:「係咪如果同我就會去野戰先?」
家文:「咁都要做任務㗎…又黑又多蚊,好難㗎。」
我:「但你哋做乜搞成咁嘅…」
家文:「咪任務囉,我要抱起佢先搵到某啲嘢…」




我:「咦,唔止污糟喎,你件衫重穿咗…」
家文:「呀!痛!痛痛!」
見到佢俾我掂兩下就咁大反應,睇怕都係受咗傷,我第一時間就拉高佢件衫嚟睇,嘩!好大條紅痕,由心口落到差唔多個肚度,有啲位成塊皮撕起咗出嚟,重滲緊血水同淋巴,真係睇到都痛!
巧玲:「呀!家文!」呢個時候巧玲啱啱返嚟,同我一齊睇到佢個傷口。
巧玲:「對…對唔住…如果唔係因為我,你…你哋就唔會攪成咁…」
家文:「其…其實無乜嘢…」
我:「你究竟對佢做咗啲乜呀?」
巧玲:「對唔住呀,我真係唔知會整到佢…」
我:「唔緊要啦,咁我哋嘅傷口就麻煩妳喇,妳幫佢處理先啦,我隻手好少事啫。」
家文:「男人老狗好少事啫,由得佢就會好啦。」
我:「唔準呀!你快啲畀巧玲同你消毒同黐膠布呀!」
家文:「使唔使咁大陣仗呀…」
我:「要呀,你快啲除埋件衫佢呀,咁污糟,一定好多細菌,一陣破傷風就死。」
家文:「除衫!咁樣會唔會唔係幾好呀?咁唔好意思…」
我:「男人老狗有乜唔好意思…」




巧玲:「我都幫你唔到,你都係要聽夢蝶話㗎喇,乖乖地唔好反抗啦,等我幫你處理傷口。」

家文

於是乎就係咁,我件衫俾巧玲除咗,上半身光脫脫咁攤咗喺張梳化上面;夢蝶就話啫,乜都見慣見熟無所謂,但咁樣喺巧玲前面真係有啲唔自在;雖然話啱啱都掂到佢個波,比佢惜咗一啖,回想返起上嚟,佢個嘴唇真係好軟熟…
我:「呀?嘩!呀呀呀…妳搞乜呀,咁樣直接倒啲火酒落去!呀…呀呀!」
巧玲:「乖啦,邊你消毒嘛。」
我:「係啫,都唔係咁㗎…」
夢蝶:「重話男人老狗…真係好無用。」
我望住巧玲烏低身幫我洗雙口,佢件粉紅色恤真係好鬆身,簡直就係一面天堂,一面地獄呀,明明心口就痛到high high咁,但前面嘅嘢又咁好睇喎,佢入面戴咗個粉藍色嘅bra,爧面好光滑好少女嗰啲款,望落應該都係half cup遮唔晒,露咗好多肉出嚟,成個波上半邊都畀我睇晒,我諗係差少少就見到乳暈㗎喇,重有佢嗰條乳溝,其實佢都唔細㗎,雖然無夢蝶咁大,但我諗佢都有c cup,重要又白又滑,唔知佢係無所謂吖,定真係顧住幫我療傷唔為意吖,一啲都唔顧忌咁畀我睇晒,坐我對面嘅夢蝶應該都望到我係咁昅住佢心口。
學生會長:「呀,太好喇,得你三個喺度…」
頂!突然又殺咗個程咬金出嚟,睇緊好嘢㗎嘛,真係勁尷尬囉。
巧玲:「你又點呀?」
點知佢突然向我哋鞠咗個躬,我哋都即刻打咗個突。
學生會長:「如果因為我嘅安排又或者因為我嘅原因令到你哋有乜唔開心,我喺度同你哋講聲對唔住。」




巧玲:「哦,咁好啦。」
學生會長:「夢蝶,我真係無心揩妳油,希望妳唔好誤會我。」
巧玲:「你係咪怪夢蝶大波得滯哽親你隻手?」
學生會長:「無…點會呢…」
巧玲:「咁佢大唔大波呀?」
學生會長:「大…」
巧玲:「既然你無心,今晚唔好諗住人哋打飛機呀!」
真係估唔到巧玲佢都會講啲咁爆嘅嘢,平時死要面子讕係風度翩翩嘅會長喺佢面前真係乜嘢都唔係。
學生會長:「唉,我都唔諗住妳兩個會對我有好感,但我真係唔明,點解佢咁普通嘅男仔,妳哋會對佢咁好,咁溫柔體貼,點解我就係少少都比唔上佢。」
巧玲:「你唔會明㗎喇,不過見你識反省下自己都有進步嘅 ,好好努力啦…」
學生會長:「好啦,多謝妳,咁我走喇,唔阻你哋。」
其實,如果佢哋唔係成日扮嘢,本質都唔係幾衰啫;巧玲幫我黐完膠布就幫夢蝶黐,我哋三個由一齊尷尷尬尬咁溫書到而家可以咁樣一齊相處,真係發生咗好大嘅轉變,真係諗都無諗過。
巧玲:「唔好意思要你哋陪我嚟,家文你同佢哋同房會唔會好唔自在?」
我:「都無乜所謂嘅,同學嚟啫。」
巧玲:「得我同夢蝶一間房,如果你覺得悶可以走過嚟搵我哋。」
我:「咁會唔會唔係幾好呀,俾其他人見到又會俾人話㗎喇。」
巧玲:「理得佢哋!計我話應該我同你換房先啱,等你可以同夢蝶一間房,夢蝶妳話係唔係?」
夢蝶:「妳講啲乜呀…」夢蝶佢塊面都紅晒。
我:「係囉,唔好講啲傻嘢喇,我哋早啲返房抖啦,聽朝重要早起身落水紥竹筏。」
同夢蝶同房,當然好,不過成日試㗎啦;我都好想同妳同房㗎,就算無得掂都係咁話;又或者同妳哋同房,唔知會點呢?

夢蝶

嗯,咁早又要起身,真係好鬼攰呀,計我話考完試放埋榜應該日日大覺瞓㗎嘛,雖然話呢幾日好食好住啫,但係唔夠瞓都唔係幾好受,我哋食完早餐之後就一齊去咗個碼頭仔集合,空地度已經放好晒一大堆膠水筒,水管,尼龍繩咁,都係啲令人熟悉嘅嘢。
可能由於琴日嘅混亂,會長佢哋今日一開始就幫所有人分咗做兩組,真係求祈,佢哋話點就點咁,不過佢哋都算醒目,編咗我哋三個喺其中一組,而會長就係另外一組度,由於大家都知我琴日整親,所以都唔使落手落腳做,我都係負責整理下啲尼龍繩,或者幫手坐喺度頂實啲水管方便佢哋打纈咁。
我好鬼懶㗎,照著返琴日套sport legging加sport top就算,反正一陣都要落水㗎啦,污唔污糟都無所謂,出面換咗件白色背心又一日,巧玲就換咗件oversize嘅白色印花T恤,即係衫腳長到去大髀嗰啲呢,咁入面著唔著褲就一向悉隨尊便㗎啦,不過巧玲喎,係人都睇到佢入面著咗套好sexy嘅黃色bikini,喺烈日當空下又搬又抬好快就大汗疊細汗全身濕晒,其實出面嗰件著同唔著都無乜分別啦,而且踎喺度整嘢嗰陣都可以睇到晒佢入面,重係上下失守嗰隻,唔知佢係咪專登畀家文睇嘅呢?希望係啦。
呢啲自己搞嘅training camp唔使趕頭趕命大家都整得特別有心機,特別靚,巧玲原來佢真係可以好主動,喺度點幾個男仔做嘢,我就做唔到喇,呢啲都係佢嘅魅力嚟。
家文:「點呀,妳喺度睇會唔會好悶呀。」
我:「唔會呀,睇你哋整都幾得意吖,咁樣睇巧玲佢真係又靚女又做得嘢,唔怪之得你會鍾意佢。」
家文:「殊,唔好咁大聲呀,俾人聽到點算呀,其實夢蝶妳都好靚呀,妳隻手損咗一陣落水有無事呀。」
我:「真係好少事咋,你心口重嚴重啦!」
家文:「點同呢,我係男仔。」
我:「你快啲去起船,多啲親近下佢啦,係機會嚟㗎,飛雲。」
搞咗幾粒鐘兩組都起好隻船,到咗中午曬得太犀利所以我哋會食完晏晝晏少少先會落水,返返去冷氣房大家又即刻變返副懶樣,不過巧玲佢就重係成身透晒,食完飯成班仔喺度一邊睇電視啲師奶膠劇,一邊喺度昅女。
巧玲:「夢蝶,妳拖住我,我哋一齊落水啦。」
我:「其實我隻腳無乜嘢㗎喇,自己行都得。」
巧玲:「咁我想拖住妳行,係咪唔得先?」
我:「梗係唔會啦。」
呢度雲集咗咁多精英喺度,我諗紥竹筏呢樣嘢啲社長會長都玩過三四次啦,所以我哋都好有信心,迮一聲我哋兩㗎船就已經去到海中心,安全關係我哋所有人都要著救生衣,不過就即刻失色不少,個個女仔心口都遮住晒,而呀教練先生就喺附近撐獨木舟,真係二百%放心兼夠晒梳乎。
出到海其實都係玩水嘅啫,咁啲仔其實主要係得兩樣嘢做,一就係show quali,二就係整濕我哋,啲校隊隊長真係當正架船唔會散一樣,又助跑又打筋斗跳落水,然後最緊要係除咗件救生衣走,因為佢哋方死我哋唔知道佢哋游水有幾叻。
我:「我哋都落去游下水好唔好?」
家文:「你真係ok?唔怕…」佢坐喺邊邊條水管度,俾我一推就向後跌咗落水。
我:「你心口傷晒都係咁啦。」
巧玲:「但係我唔識游水…」
我:「唔緊要㗎,妳著住件救生衣,落去扶住家文就得。」
而我都跳咗落水,對於扭親腳嘅我嚟講落到水重舒服,游下游下我都除埋件救生衣走,最憎啲嘢阻住晒左撬右撬,游水係開心嘅,睇住家文喺水度攬住巧玲條腰我都好開心,但同一時間又好失落,我都好想走埋去攬住家文,想捉佢隻手入去我sport top入面度摷,想除咗佢條褲摸佢小雞雞,想同佢一齊裸泳,但係巧玲喺度呢啲嘢係無可能發生。
家文,放咗榜之後我哋都無做過喇…
已有 0 人追稿