從我開車撞死她的那刻開始: 第五十章

　「喂……係阿晴？妳冷靜啲先……」

　　雖然阿陽曾經提過跟阿晴分手的事，但我沒有想過他的行動會如此迅速。看來，他是認真的。

　　「點解要同我分手呀？我地已經係埋左一齊十二年啦，足足十二年啦。」

　　回想起來了。他們是青梅竹馬，戀情也是由小學時段開始，是名副其實的puppy love。那個時候阿陽不像現在花心，他們出雙入對，任何人也認為他們總有一天會共結連理，然而人大了，他們卻以歪曲的方式相處。

　　「我知架……佢平時出去玩，識埋啲女仔，我都冇管過佢……我要求唔高呀，只係想佢平時返屋企，會記得我，會錫下我就得啦……」



　　阿晴再遲鈍，也一定對阿陽拈花惹草有所耳聞，只是她沒有揭破。可能她的縱容，讓他變得任意妄為，但是再說也無甚意義。現在阿陽跟阿晴攤了牌，那就代表阿陽不久後便會展開對八婆珍的追求攻勢，必須多加提防。

　　「我點求佢，佢都唔肯同我復合呀……」她又說。

　　「……算啦。下一個會更加珍惜妳。」

　　「唔得……我唔會再搵個新架……我淨係要佢一個咋。」她又哭了起來，接著，她有點歇思底里地叫喊：「車仔，阿陽，係唔係同你一齊緊呀。」

　　「唔係呀。」



　　「你知唔知點解佢要同我分手呀。」

　　「……唔清楚。」我選擇隱暪，但是女人的直覺是很準的，阿晴，馬上就猜出了讓導致分手的元兇。

　　「係唔係上次食飯個Jenny呀？係唔係佢？吓？」

　　「妳諗多左啦……」

　　「哈哈……估唔到十二年感情，會比唔上一個識左唔夠一個月既女仔。我知架……佢係一個靚女，而且又係鬼妹，身材又好……阿陽點會唔留意佢……」



　　「唔好咁啦。」

　　「好呀。車仔……你可唔可以幫我做少少野。」

　　「呃？」

　　未待我答應，她就搶著說：「你幫我話俾佢知，如果佢聽日唔回心轉意，我就會自殺……我要佢後悔呀。」

　　「吓？妳冷靜啲，唔好亂黎……」

　　「嘟嘟……」

　　她掛線了。我不斷回撥阿晴的號碼，但是她卻不願意接聽，心中，盡是擔憂。

　　就在這個時候，遠處傳來一陣腳步聲，我朝聲音來源一看，原來是八婆珍正在往我這邊奔跑過來。



　　「車仔，我簽完啦。」

　　「呃？哦……」

　　「做咩呀，你睇落好似好唔妥喎。」

　　思緒一片混亂，要解釋也是無從說起。對於八婆珍的提問，我久久也沒法反應過來。

　　到底要不要告訴她這件事呢。我看了看八婆珍，看她一臉無辜的樣子，加上想到她快要離開，實在不應把她卷進這場三角關係裡，所以我決定把暫時這件事收在心底，儘管內心焦急如焚。

　　是了。在八婆珍睡了後，再去找阿陽吧。

　　「冇乜野。返去啦。」



　　在歸家的路途中，八婆珍不斷跟我聊天，可是我根本提不起勁跟她說話，只是隨便敷衍了她。

　　「喂，車仔，你做咩呀。點解神不守舍咁既？」

　　「冇，有啲野煩緊。」

　　「煩緊咩呀……」

　　然後，我的腳步驀然而止，因為我看到了煩惱的根源。眼前的阿陽，捧著了一束鮮花，站在我們大廈家門之外。

　　阿陽，情深脈脈地看住八婆珍，而我並沒有被容納在其視野之中。

　　「Hi，Jenny。」他說。