是咁的,今日初二,琴日本身諗住去表舅父嗰度拜年,點知我死鳩咗,驚佢冇陰陽眼睇唔到我, 所以都係冇去。

阿兒WhatsApp話佢又會去啲三姑六婆啲親戚嗰度拜年,由佢12歲開始,一直都畀人問有冇男朋友嗰啲,佢覺得好撚煩,所以想揾我扮佢男朋友。至於點解唔揾賢仔,佢就話先識得嗰幾日,廢事佢陣間搗亂。

賢仔:話時話,我啲親戚都問我有冇女。

我:關我鳩事咩,又唔係我啲親戚。

賢仔:好衰㗎!





我:屌你BL咩,打你嘅飛機啦。

我幾驚佢顏射我。

賢仔:咁不如你扮住我條女先囉。

我:你都戇鳩鳩。

賢仔:咁我哋兩個扮gay囉。





我: 搵第二個扮啦。

賢仔:11點出去啦,就咁。換衫先。

我:唉屌。

而家已經10點半,如果早D咪可以用食早餐做籍口放鳩佢飛機同阿兒出街。

阿兒,對唔住。





11點

賢仔著住白衫黑褲出現係我眼前,佢真係... 屌!

賢仔:等咩呀,行啦。

我:哦...哦哦哦哦。

第一次同賢仔出街,仲要去好遠,難免會有啲緊張嘅,仲要被迫手拖手,真係... 賢仔真係好撚重口味。

我:你親戚住邊㗎?

賢仔:大埔。

我即刻跑去巴士站坐276A轉火車,因為呢架車一定冇乜位坐,唔使坐賢仔隔離。





賢仔:唔好意思呀,可唔可以比我同男朋友坐呀?

隔離個阿嬸:OK呀,真係恩愛。

嘩屌,乜撚嘢男朋友,我想做阿兒個男朋友多啲囉。

阿賢成程車都想意淫我。而家先發覺靚仔都唔一定係好人。

去到上水火車站落車,即刻去轉火車。

但係個賢仔喺火車上面一直都想攬實我, 只要佢每次想攬實我就即刻甩開佢。 成程車十幾分鐘好撚難頂。

落咗車,出咗閘行下行下,就到咗佢親戚屋企。





賢仔:記住陣間醒醒定定,唔好柒下柒下咁呀!

我:唔醒定會點㗎。

賢仔:都係冇事發生。

屌,好撚尷。

我:你好!恭喜發財,身體健康呀!

賢仔啲親戚(下稱親戚):你係?

忘記咗講,賢仔嗰邊啲人全部都有陰陽眼。

賢仔:佢係我男朋友,阿恆。





親戚:快啲入嚟坐啦!

佢親戚有個仔,叫阿俊,8歲。我心諗:俊?邊撚度俊呀?睇過!靚唔過賢仔都唔應該叫俊。

跟住就同賢仔啲親戚逗下利是吹下水問下我啲學業成績又係嗰啲三姑六婆死人問題咁啦,跟住就入咗阿俊間房。

入咗去之後就同賢仔一直打機同睇YouTube,
冇理過阿俊。

阿俊:表哥呀,理下我啦,好悶呀。

賢仔:好啦好啦,想玩啲乜呀?

阿俊:Lego!





跟住賢仔就同阿俊玩呢Lego,我就係咁坐喺阿俊張床度睇youtube。 但係賢仔對我同對外人嘅態度唔同,唔通佢鍾意我?但係我又唔見得係好靚仔同性格好。

留到夜晚6點就走,因為返到天水圍都7點。

已有 0 人追稿