屋企突然多咗個唔識嘅人: 柒
食食下飯嗰陣，突然間醒起阿兒好似仲未打電話畀伯母講佢今晚唔會返去食。
我:你同伯母講咗話今晚嚟我屋企食飯未呀。
阿兒:講咗啦。
於是我哋就一路食飯一路傾計，佢坐到九點咁上下就走，我送佢去到𘋢口就返入屋。
賢仔:你就好啦。有得同女神出街，又可以一齊食飯。
我:你咪又係同阿兒一齊食。
賢仔:但係你由十一點就陪阿兒陪到而家喎， 仲要逗到咁多利是。
我:得4封啫，仲要入面每封得50蚊
賢仔:都2舊水啦屌你。
我:唔同你講，瞓覺。
初三
初三係赤口，但係同時又係情人節，即係我又要喺街上面望住一大班情侶。
賢仔:不如今年玩啲新奇嘢。
我:唔係我哋兩個扮情侶下話。
賢仔:You are so smart！
我:哇屌你老母咁撚重口味？
賢仔:你唔想呀？咁算啦，仲諗住扮畀阿靈睇。
我:自己搵過第二個扮啦。
跟住就落街買早餐
大快恬早歺(儒米鸡十热奶荼$36)。
到底儒米鸡十热奶荼有乜咁神奇令C煙爭人錢。
買完上返屋企。
賢仔:我個份呢？
我:跛㗎你？自己去買啦。
賢仔:唔制，我要食你個份。
如果呢句嘢由阿兒講出嚟，我可能會比佢食，我落街再買多份。但係呢句嘢由賢仔講，我實打到佢仆街，話之佢靚仔。
所以我就鐘咗佢一拳。
我:唔肯去買就用熊貓，袋鼠。
賢仔:唔制。
我:咁你唔好食。
賢仔:屌，算。
跟住聽到有人㩒門鐘。
我:又邊鳩個呀？
俾賢仔打斷都算，仲要有人㩒鐘。真係谷鳩氣。
打開門，唔係啲姨媽姑姐，而係阿兒。
我:點解你會嚟嘅？
阿兒:下，唔係3615咩？
我:呢度係3615呀。
阿兒:耀X樓3615，係呢度呀。
我:其實我係你舅父。
阿兒:係真唔係呀？
我:講笑講笑，係咪佢寫錯咗咋？
阿兒:係3615呀。
佢親戚打過嚟。
阿兒:下，耀東邨係邊㗎？
親戚:港島囉。
Cut咗線。
阿兒:可唔可以帶我去耀東邨呀？我唔識去呀
我:你唔係熟路㗎咩？
阿兒:咁...佢前幾個月先搬過去。
我:啱啦，我識去。
阿兒:以前去過？
我:梗係。
跟住去咗坐西鐵轉110過去。
耀東邨
我:使唔使扮多次？
阿兒:今次直接上去得啦。
咪即係... 傳咗出去咪畀人羨慕死。女神喎，級女神喎。不枉我小六坐佢隔離位開始同佢有交流。
耀X樓3615室
我:恭喜發財身體健康！
親戚:你係？
跟住repeat返上一章嗰啲對話。
今次阿兒個表弟又係叫阿俊，細我哋2年，不過人如其名，真係幾俊。
我入咗佢間房，見到佢玩GTA(唔好問我點解12歲會玩GTA，因為我都有玩)，仲啱啱搶完一場搶劫，成球嘢，fatfat。
阿俊: 一唔一齊打呀？
我:Ok呀。
跟住一直打一直打一直打，破咗幾場搶劫，賺咗幾球。
去到7點就走，順便逗多幾封利是。
樓下
阿兒：不如落筲箕灣食埋嘢先走。
我:咁好？仲以為要返屋企食添。
阿兒:咁一陣間你望住我食。
阿兒扮嬲個樣真係好得意，好可愛。
之後去咗食老麥，再坐返110紅隧落車轉269B返歸，阿兒坐西鐵。
返到屋企。
賢仔:又扮拍拖呀？
我:扮你老母咩。
賢仔:恭喜哂恭喜哂。估唔到女神竟然會揀個毒撚。
我: 唔通揀你咩咸濕仔，又上佢身。
賢仔:咁我靚仔啲喎。
我: 其實我執過個樣都叫中上嘅，除咗肥少少之外。
賢仔:屌。
我:快啲瞓覺發夢J你個女神啦下。
好快就瞓著咗。可能因為頭先嗰一刻太過興奮。