屋企突然多咗個唔識嘅人: 捌
第二日朝早瞓醒，發現阿賢唔係房。
冇錯，由呢一章開始，張志賢(賢仔)改叫阿賢，因為佢大我1年，叫做「仔」好似唔合適，好似細過我咁。
起身刷完牙就收到阿賢WhatsApp話佢去咗拜年，我心諗:真係好，今日冇人煩我。
又有一個女仔Send嘢過嚟，唔係阿兒，亦都唔係阿靈，而係阿菊。
阿菊:得唔得閒呀？不如一齊食個lunch呀
其實今日約咗阿兒，所以都係推咗佢。
我:唔啦，約咗人
忘記咗介紹阿菊，樣麻麻，同阿兒掙好遠，身形係阿兒1.5倍(應該係)，成績全級6X，係我同阿兒中間。
阿菊:下... 咁下次先啦
唉，真係，唔好阻住我同阿兒出街啦。
我同阿兒約咗3點係屯門西鐵站等，即係仲有成半日，落去鳩行一陣先去都得。
所以我就落咗去鳩行。
吖你老闆，阿菊？
阿菊仲要擰轉頭，唉。
阿菊:又話約咗人？
我:3點先見。
好彩冇比佢發現我已經有阿兒。
我:話時話，點解你會喺天水圍嘅？
阿菊:咁啱嚟拜年啫。
我:哦。
同佢講嘢真係好冇癮，都係拿拿聲食完走人。
2點7，屯門西鐵站
一個著住白衫黑褲嘅人再次出現係我眼前。冇錯，佢就係阿兒。
阿兒:咩料呀！又係白衫黑褲。
我:咁咪好囉，證明我哋幾有默契。
阿兒:屌。
佢真係好撚可愛...
係市廣場行咗一陣就係附近搵咗間茶記食嘢。
謎之女聲:喂咁啱呀？
我:唔通你係阿菴？
阿菴:咪講咗我叫京都念慈囉。
京都念慈，日本京都人，個樣幾靚。因為同京都念慈菴撞名只係掙咁個菴字，所以我哋都叫佢做阿菴。
我:吹？
阿菴:睬你都廢事。
阿兒:喂，食咩呀？
我:一個腿蛋治。
一把女聲:同你女朋友仔食嘢呀？
少少老牛聲... 仲唔係阿菊？不過條友由小五想溝我，小六比我拒絕，到而家有埋女仲想溝？收收啦，肯定係妒忌。
阿菊:喂！
我:關你Q事。
阿菊:超！
Shit，比佢發現咗，以佢死纏難打嘅性格，肯肯定會做分化撚分化我同阿兒。
阿兒好似發現咗阿菊想食我:快啲食完返歸啦。
我:哦...哦哦。
食完就即刻沖返去坐西鐵。
屋企
阿賢返咗嚟。
阿賢:又去溝女呀？
我:你又知？
阿賢:睇你個死樣都知係啦。
我:咁你呢？頭先係茶記撞到你女朋友喎。
阿賢: 我邊度有女朋友。
我:阿菴囉。
阿賢:Who?
我:京都念慈呀。
至於阿賢同阿菴嘅故事就係後話喇。