屋企突然多咗個唔識嘅人: 拾參

嗰兩條女走咗之後

阿賢:點呀，你條女有冇嬲你呀？

我:你呢，你個B又有冇嬲你呀？

阿賢:咩B呀，屌你。

我:阿菴囉。





阿賢:都講咗人地叫京都念慈囉。

我:做咩啫，又唔係話緊你。

阿賢:咁佢係我女朋...

我:哦~

雖然係有啲小學雞，但係好似都兩年冇試過咁樣整鳩人，不過間唔中on9下都好嘅。





阿賢:咩呀，女性朋友咋嘛。

我:頭先聽到你講女朋友嘅？

阿賢:講漏咗啫。

我:真係純友誼會帶條女返嚟？

阿賢:咁你呢？淨係識講我。





我:我有話過係純友誼咩。

阿賢:屌，真係廢撚事睬你，入返去睇波。

我:咩波呀？

阿賢:日本波。

我:咩日本波先。

阿賢:36D呀。

36D... 咪即係阿菴？

我:咸濕佬死變態。





阿賢:入返去J女先。

痴線，打飛機都要光明正大咁講畀人聽。

聽日

我:仆街，唔撚記得咗今日數學有quiz添。

阿賢:洗唔洗幫你請假呀？

我:唔洗，陣間你過嚟我嗰邊咪得囉。

其實阿賢F2係全學年全級頭20，所有嘢對佢嚟講「其實唔難」。





數學堂

我喺櫃桶偷偷地用手機WhatsApp阿賢。

我:係邊呀

阿賢:仲係車度呀

我:咁慢架

阿賢:唔使時間過嚟呀

好彩而家先至預備quiz，唔係嘅話炒硬。

5分鐘後





我:嚟未呀 開始啦

阿賢:望下出面

好彩阿賢即時趕到。

阿賢:邊題呀？

我:2，5，7同11。

阿賢:睇過。咁簡單都唔識做。

我:你全級頭20梗係簡單啦，我全級尾20喎。





阿賢:次方呢啲有乜咁難。

阿賢:唉，第2題咪又係次方加次方。

嗰條題目係y(5次)*y(2次)。

阿賢:5+2幾多呀？

我:個答案係咪y7次？

阿賢:係呀屌你。

第5題係:(r*5(2次))(2次)。

我:係咪r2次乘250？

阿賢:exact7ly。

之後嗰兩題都好順利咁解咗。

小息

好多人喺走廊度講:阿嫂早晨。

全部都係男聲，講阿嫂早晨嘅時候仲要鞠躬，我心諗:做乜鳩？

我仲諗緊會唔會係阿菴，但係全校應該都係識阿賢老鼠。

清脆、聲甜嘅女聲:阿恆？

其他班入嚟我嗰班嘅人好多都係識我老鼠，啲仔都唔識我，更何況係女。冇錯嘅話嗌我名嗰個人就係阿兒。

Bingo!真係佢。

我:搵我做咩呀？太耐冇見過我啦？

阿兒:唔係，問下阿靈喺唔喺度啫。

我:阿靈？唔喺度呀。

阿兒:哦...

之後啲堂都係無無聊聊咁。

放學

都係即刻去巴士站坐碼頭車去碼頭接阿賢放學(唔好問我點解)。

13:31 阿賢間中學

我:喂，老友，見你今日救我一命，我就請你食飯啦。

阿賢:咁正呀。

我:Of course。

跟住去咗K記度食，咁又冇咗一舊水。

食完之後搭輕鐵返屋企。