屋企突然多咗個唔識嘅人: 拾肆

嗚嗚嗚嗚嗚嗚嗚... 嗚嗚嗚嗚嗚嗚...

我:又邊撚個呀？

今日已經係呢個月第5次俾蚊嘈醒，近排啲蚊真係好撚柒多，拍極都有。

阿賢:晨早流流喺度嘈鬼住曬。

我:你好彩冇俾蚊咬啫。





阿賢:咁呢個係你自己問題。

我:繼續吹，我去刷牙。

其實而家先四點半，淨係瞓咗三粒鐘。

7:54 校門

一大堆人大嗌:阿嫂早晨。





唔洗諗，佢哋一定係見到阿兒先會咁叫。

阿德:喂咁啱呀。

我:你本嘢做曬未呀？借嚟抄下吖喂。

阿德:得啦得啦。

嗰份嘢係listening嘅作文嚟。都唔知邊個發明listening作文，難到死，每次都係唔識做。





8:05 班房

科長:搞掂未呀？

我:畀多少少時間我。

我係一個典型嘅deadline fighter，通常都係返咗學校先開始做功課，再唔係就問人抄，冇計啦，唔交功課會俾人記名。不過呢種感覺又幾爽下。

我:搞掂。

我覺得臨Deadline之前先交功課嗰刻好有成就感，嗰種感覺用字應該形容唔到出嚟。

小息

個個都攞本西史書睇唔知做乜。





我:搞咩呀？無啦啦做乜睇西史書。

阿智:陣間要quiz呀。

我:仆街，今次仲唔炒硬。

我即刻拎起部電話whatsapp阿賢。

我: 得唔得閒呀

阿賢: 又點呀 又Quiz呀

我: 係呀屌你





阿賢: 咁鬼多Quiz㗎

我: 最多我請你食兩餐飯

阿賢: 咁陣間要測咩呀

嘩你條友... 請食飯就即刻幫

我: 西史呀 文藝復興呀

阿賢: 幾時開始呀咁

我: 十半呀

阿賢:ok





10:30

Miss:You have 25min to do the quiz,you may start now.(你有25分鐘時間答題，而家可以開始)

阿賢:俾我睇下啲題目。

我:嚟。

阿賢: 第一題... Who invented a movable type printing press(邊個發明活字版印刷機)，個答案好明顯係B喇下話。

B係Gutenberg(古騰堡)。

我:真係B？





阿賢:你唔係當我全級頭20係流㗎嘛？

我:Renaissance(文藝復興)幾時到幾時呀？

A:15-17世紀 B:14-18 C:14-16 D:14-17

阿賢:你唔係呀嘛，有冇背書㗎。

我:有嘅話洗問你咩。

阿賢: Dog呀。

25分鐘後 第二節小息

我:話時話，點解你會嚟到嘅。

阿賢:扮肚痛。

我:真係得咩。

阿賢:萬試萬靈。琴日都係扮肚痛過嚟搵你。

阿菴:B~

其實阿菴成績都唔錯，但係因為佢操行得D所以要冧班，又咁啱入咗嚟我嗰班。

阿賢:點呀B？

我:有異性冇人性。

阿賢:你對住你條女嗰陣咪又係咁，講乜啫。

我:你係咪想我爆出去先。

阿賢:先識得嗰一個月有乜好爆。

於是我就學之前阿賢喺學校門口大嗌咁，出咗走廊嗌:XXXXX中學3X班張志賢前晚J咗京都念慈對36D呀。

成級人即刻笑到仆街，阿賢，你都有今日啦。不過恩將仇報就真係唔係幾好。

阿賢:屌你呀。

我:鬼叫你之前喺校門口係咁大嗌我發春夢呀。鬼叫你前晚同我講話你要J阿菴對36D呀。

阿菴:衰人！

哈！又一對分手。

阿賢:我有講個話係佢咩。

我:唔係咁係邊個。

阿賢:我入去睇av打飛機又要講俾你聽咩。

我:你前晚先講咗。

阿賢:睇下av咋嘛有乜問題。

我:鬼叫你同我講你睇日本波呀。

阿賢:又有乜問題，念慈又唔係日本人。

我:仲天真過天真嬌。你有幾可見到香港人姓京都㗎，見得最多咪又係姓歐陽同司徒。

阿賢:乜佢日本人嚟㗎咩。

我:梗係，你睇佢平時啲動作都知啦。

阿賢:唔理，總之你要賠多餐俾我。

唉，又要蝕錢。