屋企突然多咗個唔識嘅人: 拾伍

老豆:今日你表姐嚟我度食飯呀，陣間你都過嚟啦。

我:我表姐係邊個呀喂喂喂... 喂喂... 喂...

表姐？又邊撚度死個表姐出嚟，仲要我去老豆嗰邊食飯。

是咁的，老豆老母都唔同我住。佢哋住係屯門。佢哋話咩要學識獨立喎，我平時都夠獨立，係個阿賢阻鬼住哂。

講返正題，我都唔知道我幾時多咗表姐。希望可以同阿兒移民一樣係發夢。





為咗扮唔記得，我即刻WhatsApp阿兒。

我:出嚟嗎

阿兒:唔啦，有嘢做

我:咁我想見下你呀嘛，你咁可愛

阿兒:嘖





仆街了... 想唔去都唔得。無計，行轉MK慢慢忘記佢咪得。

點知巴士塞車，地鐵瀨屎。

我:點解呀？點解個天都唔肯幫我？

突然間諗起連登有個Post，由荃灣行去小西灣睇波，不如就天水圍行去MK？

阿賢:有嘢益你。





我:又乜撚嘢。

阿賢:嚟。

HKG→NRT？又係東京？

我:又飛日本呀你？

阿賢:係呀，近排冇嘢做咪去其他地方玩下。

我:乜你要訂機票㗎咩？

阿賢:Check下幾點有機咋嘛。

我:係咪想睇下你條女出世嘅地方咋。





阿賢:咪講咗佢係京都人。

我:認咗啦。

阿賢:...

阿賢:你唔係要同表姐食飯㗎咩？死返房啦屌你。

我:算，我出去行下。

原來係曬命。

落到樓下見到有架269C埋站，於是決定去觀塘行下。





吖仆你個街，原來係條綠色線瀨屎。禮拜日都要屌觀塘老母。

12點

終於係APM落咗車，係附近鳩行下先。

咦？嗰個日本妹咁似阿菴嘅？

我都係冇理佢，掂行掂過。

佢:はんさん？(阿恆？)

我:？？？なに？きようとさん？(乜撚嘢？京都念慈？)

佢:Exact7ly。





我:點解你會係度嘅？

阿菴:阿兒話佢陣間去佢表弟到食飯喎，叫我揀禮物俾佢。

我:佢唔嚟咩？

阿菴:佢要溫書。

係喎，下個禮拜考試。

我:點解嚟觀塘嘅。

阿菴:我有個朋友係觀塘開鋪，所以咪嚟呢邊囉。





我:哦~

表弟？唔係我呀嘛。咁咪即係新年帶表弟探表弟？

跟住再附近鳩行直到5點，由KT行到九龍灣。

17:12

行到巴士站有架62X。心諗返正都係要去，不如早啲去，睇下表姐有冇樣。唔理三七廿一就上咗車。

老豆WhatsApp我:7點之前要到呀。

7點... 打完屯公大佬應該得嘅。

今日屯公又幾順，55分鐘到就到屯門友愛。

去到安定落咗車，準備接受現實。

(敲門)

老豆:嚟啦。

我:表姐呢？

老豆:係房呀。

咸濕嘅我即刻沖咗入房睇下表姐係咪靚女。

我:表... 姐...？

表姐:表... 弟... ？

我哋互望咗3秒。上睇下睇，左睇右睇，呢個好明顯就係阿兒嚟。(阿兒大我十零日)

我:WTF!?

表姐:你真係我表弟？

原來我朝思暮想嘅女神竟然係我表姐，真係... 都唔知點形容。

老豆:食飯啦。

我同阿兒:哦~

食飯嗰陣

老豆:你知唔知你表姐....... 好心你學下人啦。

又係一輪咀係咁講。

阿兒:佢知㗎啦。

我冇出過聲，驚俾老豆鬧。

老豆:講下嘢啦，難得表姐返嚟。

我都唔知有乜好講，我淨係想知點解阿兒會係我表姐。

坐咗15分鐘就走，因為好撚尷。

我:點解你會係我表姐嘅。

阿兒:以前你老母個家姐同佢個仔住喺我隔離，成日一齊玩。有次佢叫我表姐，我叫返佢表弟囉。

簡單嚟講就係我表弟以前同阿兒玩，熟落之後互相用表姐/弟稱呼。久而久之我老豆嗰邊都叫佢表姐。

三隻字:JM9？

之後我哋坐751返屋企。

屋企

阿賢:點呀？你表姐靚唔靚呀？

我:靚，梗係靚。

阿賢:有冇佢IG？

我:我都唔玩IG。

阿賢:咁Out㗎。

我:你理得人。

阿賢:有冇揸佢個奶？

我:我似咸濕仔咩。

阿賢:我問你有冇加佢個line呀，咸濕仔。

我:Line乜鳩呀呢度香港。

阿賢:哦~ 原來你表姐係你女神，即係你想同你表姐扑嘢？

我:誠哥都係同佢表妹扑啦。

阿賢:誠哥還誠哥，你還你。唉唔傾啦，我而家要飛東京，兩日之後先返。

我:喂喂喂... 喂喂... 喂...

唉，屋企又得返自己一個...