屋企突然多咗個唔識嘅人: 肆拾捌

「屌~」望住張分班list，我不禁嘆氣一聲。

「我哋都同班啦，仲想點？」阿兒問。

「你望下。」我指住其中一行。

「黃菊... 3B囉。有咩問題？」

「佢係阿菊喎。」我再補充。





「咁嘅死樣都升到上精英班咩喂？！係真唔係呀。」阿兒驚訝。

「仲有呢個。」我指住另一行。

「Au... 哦，英文拼音同我一樣，成日擦麥Sir鞋擦到變全民公敵嗰件四眼豬扒下話。」

「係，咁都俾佢擦鞋擦到入B班。邊有天理㗎。唉...」

「算啦，唔同班咪算係咁。」





「你啱。」我附和佢。

「等我都睇下自己咩班先。」阿菴入咗嚟。

「同你哋一樣，都係3A。」

然後兩姊妹就攬埋一齊。

阿賢突然衝入房唔知搞乜柒。





「等我都睇下自己咩班先。」咪住，佢係呢間學校咩？

「4D呀呀呀呀呀！點解冇人問我點樣升上精英班㗎！！」佢大叫。

「關我撚事咩，我又唔係讀你嗰間學校。」阿菴勁串。

「你選學生會未呀走數賢。」突然醒起阿賢之前話過要選學生會。

「errrr... 交咗form囉。」即刻變到鵪鶉咁。

「呀呀呀，我約咗fd打羽毛球，閃人先。」

「乜件死剷打羽毛球㗎咩。」我問。

「唔係呀嘛，屯門區學生羽毛球界一哥都唔識？小學嗰陣攞獎攞到手軟...」我好似醒返起啲嘢。





「原來係佢... 仆街次撚次都要晒5分鐘頒個死人獎俾佢先肯放我哋上班房。」其實唔止呢樣。

「係呀，所以點解嗰陣幾乎成間學校都好憎佢。」

------------------------------------------------

小學同學--阿泓突然IG DM我。

「Hey」

「same class？」

我再check一check個list，發現除咗阿兒之外，阿泓都係同一班。





「yes」

「3A」我覆返佢。

「但係A字頭升咗上B班」

「but we can think how to 搞A字頭」

「u are right」

呢個時候好奇心促使我去睇B班有咩人。

「潘莉莉...」即係lily。都叫唔使放出嚟禍害人間先。

「唉墳... 正呀呀呀！」我都大嗌埋一份。





「咩事呀你又。」阿菴開始唔耐煩。

「唉墳喺B班呀。」

「留名A字頭同唉墳一齊坐。睇佢哋兩個仲做埋咁多陰質嘢呀嗱。」

但係我又發現，唉...

溝女小王子喺3A班。

算啦，之後先再講。