屋企突然多咗個唔識嘅人: 肆拾玖

欣哥(雖然唔知點解男人老狗要改名做「欣」)aka.溝女小王子。人如其名，佢溝女仲多過我哋食米。

但係有個極度不幸嘅消息:佢要升上嚟3A。

以佢乜女都溝嘅性格，好快就會攻陷阿兒，再叫阿兒同我分手。

唉...

「做乜咁愁呀？」阿兒睇到我咁嘅樣即刻上前慰問。





「冇事。」但係都係擔心緊會唔會戴帽。

阿智突然wts我。

「diu」

「？」都唔知屌乜。

「陳做九」





「同班」

但係我喺A班，佢喺D班。

所以

「RAP🙏」點都要講句嘢嘅。

「diu」





「仆*」

「見色忘友」

俾人隔空屌完之後諗諗下好似有啲唔對路。

陳做九同溝女小王子係世仇嚟，每次溝女小王子溝緊女嗰陣陳做九都會同小王子爭女。

即係話，如果小王子溝阿兒嘅話咪即係...

我坐喺部電腦前面，呆撚咗。

講樣，一定輸俾佢哋兩個。

講身形，肥，呢排先瘦返少少。





講行為，我做乜都係柒。

但係咁都有校花做女朋友，未免太誇張。

當我就嚟講出口要求分手嗰陣，我都係講唔出。

其實點解要諗埋啲負面嘢。

舊年又唔見佢哋溝阿兒喎。

呢個時候有人開咗班grp。

但係開grp嗰條友... 溝女小王子？





曾經有一刻諗過佢會唔會通過開grp抄牌。

不過咪撚咁on9啦，邊有人會咁做。

其實又唔係，我咪又係小六通過班grp抄阿兒牌，有乜資格話人。

阿兒同阿菴部電話都收到小王子嘅msg(應該係)。

「阿恆...」阿兒嗌我個名。

「唔洗驚，等我嚟。」呢家嘢我都有啲經驗。

「靚女 受溝嗎」都幾直接。

「受」rock哥上身嘅我秒回。





「nonono 你已經係我條女」

「😊😊😊」禮貌上都係要覆返幾個emoji。

「其實... 我鍾意咗你好耐...」等佢以為校花鍾意佢，執到寶，點知原來一切都係伏。

我諗精蟲上腦嘅佢應該察覺唔到係我嚟。

「真嘅？」

「其實應該點講呢... 」

「其實...」





「其實我一早就想約你睇戲㗎啦」

「不如睇波士BB呀」睇嚟佢仲係未知同佢chat緊嘅係仔。

「好」

「就聽日3點啦」

「OK」

還返部電話俾阿兒嗰陣露出一個猥瑣嘅眼神。

冇錯，就係等阿賢返嚟。