我:「我寫咗個輔助App…可以定完一個位之後用方位指向加距離就可以出到第二個坐標,所以快咗好多。」
S:「重以為你而家剩係識沉迷女色,估唔到你重有精力去做正經嘢喎。」
我:「我唔會沉淪㗎…雖然我係好惜妳哋,但而家點算呀,同妳哋三個去我真係搞唔掂喱。」
S:「最多咪少緊兩個,我可以應承你,無論發生乜事我都唔同你反面,咁樣好未?佢兩個走咗都重有我喺度吖。」
我:「呢個唔係有同無嘅問題…而係,如果有啲乜事,我傷害咗佢哋,佢哋唔開心我會好難受。」
S:「你估你無傷害我呀?我又好開心呀?」
我:「咁…我同妳始終係和平分手嘅…」
S:「係呀,因為你根本就無唔捨得我,所以咪和平囉!你唔識追返我㗎咩?」
我:「又唔係未試過,我都係見妳同我一齊咁辛苦先放手咋嘛…」
S:「咁你唔識令我唔辛苦嘅咩?你咁高IQ卡嚟做乜呀?除咗攞星星。」




我:「我…真係唔識呀…不如妳話唔想去,或者講啲嘢等佢哋打消念頭啦,我唔想六國大封相呀。」
S:「唔得喎,我想去喎,一齊去玩下唔好咩?最多我去到盡量配合你,等佢兩個唔會爆大鑊喇。」
我:「點搞呀?分房我都唔識分啦,死人冧樓㗎。」
S:「你唔係無限金錢模式㗎咩?你實搞得掂嘅,最多咪一人一間房。」
我:「咁樣…唔係更加怪咩…好似去公幹咁。」
S:「理得你,我唔爆你大鑊已經好仁慈。係喇,我今日係咪真係好靚啫?」
我:「係呀…有5**咁靚呀。」
S:「咁你做乜唔出嚟搵我影相?」
我:「妳由頭到腳我有乜未見過喎…都唔使急於一時啦…完咗謝師宴我先捉住妳慢慢玩都得。」
S:「唔得呀!你應該要表現到好興奮㗎,重有乜嘢叫捉住我慢慢玩呀,當我私家雞呀?」




我:「唔係…我指合適嘅時候我會好好愛惜妳。」
S:「唔使你惜呀,你做我隻鴨就差唔多。」
我:「妳點話點好啦…」
S:「係呢,今日我正啲定Cindy正啲?」
我:「都重未去旅行就問啲咁嘅嘢想整死我咩?」
S:「快啲答,如實答,我保你不死。」
我:「你哋一個黑,一個白,就好似完美嘅質子同中子咁,都係咁靚,無可比較。」
S:「你係咪想講我同佢喺埋一齊就會變咗氘,然後核融合煮死你?」
我:「Exac7ly!」
S:「畀多次機會你。」




我:「Cindy靚啲。」
S:「點解?」
我:「因為妳有內涵,所以相比之下嘅外表就顯得相形見絀失色不少。」
S:「抱住我!喂,今晚完咗Cindy會唔會搵你?」
我:「本身無約呀,我唔知…」
S:「其實就算佢喺度我都可以嚟,變透明先咪得囉。」我真係唔敢講Cindy佢上次透明睇住我哋。
S:「如果透明睇住你哋攪嘢,一定好刺激…唔知會用乜嘢姿勢呢…我實忍唔任會喺隔籬自慰。」
我:「呢個moment妳講啲咁嘅嘢想我點…」
S:「等你下面頂住自己辛苦死囉,夠鐘喇衰人,坐返好啦,如果唔係俾人見到你瞬間轉移。」
我:「Cindy,我鍾意妳。」
S:「食屎啦你…囉,多個人玩得開心啲,Cindy我哋一齊去啦。」
C:「好,等我去看住隻色狼,要佢有得睇無得食,妳兩個可以放心跟住佢去玩。」
我:「其實…妳哋諗清楚未㗎?加埋我會唔會唔係幾方便咁…或者…妳哋三個一齊去玩都得吖。」
S:「你就想呀,你負責攞嘢,負責畀錢,負責plan行程,負責幫我哋食埋啲中伏嘅嘢食。」
Y:「好呀好呀,有個工人陪我哋去玩。」




C:「放心,我哋會用到你EN歸零,飛機都無精力打,等你乖乖哋清心寡欲。」
Y:「乜嘢叫EN呀?」
C:「即係打機啲機械人開槍需要用嘅能源,去到零就連手槍都打唔出,變成一架廢鐵。」
唔使,呢一刻我唔止EN清零,HP都所剩無幾,諗到喺日本要無時無刻同時對住妳哋三個我就頭痛。而呢個時候阿威佢帶著淫笑,一絲絲春叫咁返返埋嚟,十足十烚熟狗頭咁。
C:「我哋謦緊grad trip去日本,你有無興趣一齊呀?」都好喎…中和下…溝返淡,可能乜事都無。
威:「嘻嘻,唔喇,啱啱Amy約咗我一齊去唷。」
我:「吓?你哋好似啱啱熟㗎咋喎,你驚唔驚俾人呃呀?而家啲女人唔係人咁品㗎…」
Y:「我班個Amy?婊子嚟㗎喎…」
威:「無所謂啦,佢話幾對friend約佢一齊去,佢而家單身唔想自己一個去,問我可唔可以幫手喎,嘻嘻嘻…」
C:「你個樣好似有得食咁喇喎,口水都流埋出嚟,小心消化唔到哽死呀。」
S:「有人願打,有人願捱,我諗佢聽到有得同女仔同房個腦已經失去咗思考能力。」
Y:「咁都真係可能有得食嘅…係喇,咁我哋又點分房呀?」
C:「我哋一間佢一間咪得囉。」
我:「唔係間間酒店有三人房㗎…」
C:「理得你,總之我唔會俾你有機會向佢哋兩個下毒手。」係咪即係歡迎我向妳下毒手?




Y:「唔好咁話佢啦,我信得過佢。」
S:「好難講,天下烏鴉一樣黑。」
C:「妳唔好用佢小學嗰陣嘅印像嚟睇佢至好…咦,唔係喎,如果我哋三個一間房我好似會阻住妳哋兩個。」
S:「吓?點解咁講呀?」
C:「妳哋唔係同是天涯淪落人咩?我喺度嘅話我驚阻住妳哋數臭某人,而且我無興趣聽。」
S:「原來妳一早知道…」
C:「每班都有咁多男仔做我線人,好難唔知喎。」
我:「呢個時候無謂講呢啲啦…」
C:「都變咗過去式,有乜所謂喎。」
Y:「係嘅,就同我所有DSE記憶咁,已經一齊付諸東流。」
C:「不過佢今日個樣好似好慘咁。」
S:「自己攞嚟,成日恃住自己文科第一就唔專心溫書,有咁嘅結局都係意料中事。」
我:「都係呀,我都好唔專心溫書,所以考唔到第一…」
C:「女仔謦密欬你插乜嘢嘴呀?活得唔耐煩呀?」
S:「摺埋彈開啦你,繼續睇你嘅地圖。」




Y:「係囉…你就唔好關心我哋感情事啦…」
我唯有扮到乜都聽唔到,睇嚟俾佢哋三個圍住我最大嘅功用就係成為佢哋嘅共同槍口對像。
Y:「但我見到佢頭先望住妳係咁同男仔影相,好似好想出嚟搵妳咁喎,佢係咪重好唔捨得妳?」
S:「我唔知呀…唔想嘥心機喺啲無謂人身上。」
C:「唔好話我話,佢見妳兩個坐埋一枱就即刻面有難色,好似張凳有釘拮佢咁。」
Y:「唓,一齊嗰陣又唔見佢咁在意我。」
C:「嗱,你睇下,佢專登唔望過嚟喇…嗱嗱嗱,佢眼珠又飄咗過嚟!成隻扯線公仔咁。」
S:「做乜啫,我同佢已經講清講楚。」
C:「不如妳兩個過去一齊同佢影相咯。」
S:「唔想同佢影喎。」
C:「唔係為咗影呀,過去惡搞佢咋嘛,妳兩個一齊拖住佢,同佢講你都有今日,佢一定比死更難受,我可以幫你哋揸機。」
Y:「好呀!我想鬧佢好耐,當時攤凍咗就唔理我直接掉走我,都未有機會發洩下。」
S:「既然係咁,我就犧牲下陪妳去玩啦。」
三個女人走咗過去,好似…真係有啲女魔頭,全場人都留意住佢哋動態,Stella同YYM一齊捉實鍾文偉隻手影相,方死其他人唔知咁;好多人當然一頭霧水唔知乜事以為有啲乜新聞,心水清嘅人就已經暗地裡竊笑。我好驚,今日嘅鍾文偉,會唔會就係明天嘅我嘅寫照…佢兩個輪流喺阿偉隻耳仔隔籬講咗啲唔知乜嘢,阿偉坐返低嘅時候,就好似靈魂俾人抽乾咗咁。
而我見到阿威坐喺我側邊重係淨係識得神不守舍咁傻笑我就真係無眼睇,不過Amy係幾得意嘅,矮矮哋細細粒短頭髮蠱蠱惑惑咁,而且心口都唔算細,對比起上嚟會覺得佢好大波。




我:「你真係諗住有得食Amy㗎嗱?」
威:「唔知呀,有咪食囉,無咪…望下都好嘅。」
我:「你識咗人唔係好耐咋喎,小心俾人呃呀。」
威:「呃得啲乜喎,如果小小錢就由佢啦,有得俾靚女呃都係我呢啲處男嘅福氣。」
我:「哈,到時你中招唔好喊呀下。」
威:「有乜好喊喎,都係去個trip大家玩下啫,襯佢瞓著咪抽下水,攞佢啲Bra同底褲打下飛機囉,唔通同佢認真咩。」估唔到佢原來咁清醒。
我:「如果乜嘢嘅話…都要注意安全呀…」
威:「當我傻㗎咩,都唔知佢乾唔乾淨;話時話,你重係咪處男?」
我:「呢個問題…我唔想討論…」
威:「哈哈,無人要咪認咗佢囉,不過估唔到Stella原來可以正得咁交關,佢係咪啱啱分手呀?雖然你兩個係老朋友,不過都可以諗諗佢吖,又或者…以朋友嘅身份請求佢幫你破處,如果佢唔打死你嘅話都可能有得謦呀,哈哈,不過你一次過同三個女人去旅行,佢哋會互相牽制住,睇嚟你都係得過睇字。」
算,我自己都煩到出煙,祝佢好運啦;跟住到今日嘅main theme,上菜,對我嚟講呢啲場合只有食物先係真實,其他都係過眼雲煙;之後Stella出咗去代表學生致謝詞,啲先生包括Erica都有講下嘢,然之後有送禮物,抽奬…而我就繼續望住地圖發呆。
本來,我係可以用無限金錢模式加亂咁嚟態度去玩,搭的士跨県又有乜所謂,嗰二三千港紙;一日瞓床位,一日瞓五星級又得。但,我而家無可能叫佢哋咁樣夾錢,如果我出晒又會好奇怪,如果淨係同Stella去就話得啫,加埋如果我亂咁嚟實會俾佢哋打死。
S:「你個樣做乜重認真過考試咁款?」
我:「我睇緊巴士時間表…」
S:「四個人唔係搭的士好啲咩?」
我:「日本搭的士閒閒哋過千㗎…」
S:「你無限金錢吖嘛。」
我:「咁佢兩個點喎…我請晒好怪。」
S:「去到先諗啦,最多等下車啫。」
我:「唔係香港呀,佢哋巴士分幾種有好多公司㗎,有啲要預約買飛,有啲得早午各一班,有啲會有定休日,唔睇定會死得人。」
S:「搭火車地鐵唔得咩?」
我:「呢度唔係東京…最衰…我哋無人揸到車…」
S:「咁你諗掂佢啦,我唔俾壓力你。」
問佢哋時間,去幾耐,無人答到,叫我決定,YYM淨係叫我唔好貴過一萬蚊…問佢哋想玩乜食乜,又係乜都唔知,果然係專業港女…不如我哋去東京大阪算,然後我抽兩三日搭新幹線去九州好似化算啲。
E:「喂!兩位靚女,我好似重未搵妳哋影相喎。」
C:「頭先俾啲男仔圍住,抽唔到身嘛。」
E:「妳兩個做乜圍住Issac,你哋咁friend㗎咩?」
妳明知就唔好問啦。
S:「我哋睇緊佢plan grad trip呀,估唔到佢計微積分都重可以眈天望地,而家竟然咁專心。」
E:「等我睇過…九州!爽呀!我上次去已經係讀U嗰陣,到而家都重記得呀!」
C:「Miss…係九州爽定係妳去得爽呀…我好似見到妳喺度淫笑喎。」
E:「邊係呢…都不知幾正經…做乜喺度睇長途巴士…係喎…你哋唔揸得車…陰功豬。」
S:「咁Miss妳上次搭乜?」
E:「呵呵…當然有…司機…車我。」
C:「係司機定老司機呀?」
E:「喂,女仔人家唔可以咁講嘢,係靚仔司機。」
C:「我淨係幻想到一個粗心大意嘅司機加一個濕滑嘅Miss。」
E:「喂!夠喇呀下!」
S:「Miss妳有無車牌呀?」
E:「你哋想點呀?」
S:「Miss妳咁鍾意九州,如果有車牌嘅話可以考慮同我哋一齊去多次㗎。」
E:「咪搞,日本租車唔平,我請唔起你哋。」
S:「放心,我哋會夾返,唔使Miss妳出。」
我:「…。」
E:「喂,Issac,你想我救你就幫我同兩位靚女影返幾幅相先!」
呢啲唔係叫救我…係壓碎埋我最後一條稻草…
Y:「我又要同Miss Tom影相!」
一輪胡混之後,Erica聽到我可以將旅費壓到唔使一萬蚊就心郁郁,而且佢望住我都好似別有用心咁,最後佢應承咗三個女仔可以幫手揸車。
而我,已經諗緊自焚好定係切腹好。
謝師宴完咗之後,Cindy俾班姣婆捉咗去唱K直落,算係解決咗一個問題;按道理我應該同Erica一齊搭車,但咁樣會有啲怪,而且無人知我同佢住咁近,加埋要分莊閒,所以我借啲意送Stella同YYM去搭巴士。最後好好彩,YYM架巴士嚟先。
S:「點呀你?成班女人圍住你唔開心咩?」
我:「我知錯喇…Stella…」
S:「做乜啫,我都無怪你。」
我:「點算呀…個App又唔識幫我分身,搞唔掂喇…」
S:「而家Miss都去埋,佢兩個應該會好乖唔敢做壞事嘅,唔好咁灰啦。」
實情係點我真係完全唔敢同佢講。
S:「其實不如你同Cindy講事實算啦,佢本身咁玩得應該唔會點嘅,最多唔開心一陣啫。」
我:「但事實係點…我自己都唔知…」
S:「不如你同佢講話你搵到女朋友。」
我:「佢又唔係我女朋友,應該唔會一聽到我有第二個就走,可能會問邊個係我女朋友…或者會繼續同我玩落去…」
S:「咁你話唔想再同佢玩咪得。」
我:「有乜理由…無端端好似絕交咁,係人都會覺得好奇怪。」
S:「其實你係咪已經同佢有深厚感情?」
我:「佢…重係以為我未拍過拖,以為我第一次畀咗佢…我唔想佢覺得全世界男人都係衰人…」
S:「即係你喺佢面前就係做好人,喺我面前就要做衰人?」
我:「唔係…如果我哋當初無分手,我根本就唔會諗辦法approach佢。」
S:「原來係咁,你同佢都係好人,我先係衰人,而且最初重係我叫你搵佢玩。」
我:「你呷醋?」
S:「呷你個頭,你只係我無用嘅EX。」
我:「Stella…」
S:「識得攬我喇咩,我重以為我變得再靚你都唔會再有反應。」
我:「對唔住,我只係煩得滯…Stella,可唔可以嚟我度陪下我?」
S:「嗯,今晚嚟你度過夜啦,我同屋企人講去唱通宵K。」
或者今日搞成咁嘅局面,都係因為我哋兩個當初嘅愚蠢同唔成熟,但我自問,就算無同佢分手堅持一齊,我哋又可以行多幾耐?又或者我哋會忍到一刻最終決裂永遠唔會再搵大家;而唔係好似而家咁,大家都同其他人做過愛,而又可以回到拍拖前咁嘅方式相處。
S:「真係好認真喎,第一次見你開電腦係做啲同遊戲無關嘅嘢。」
我:「機票要買㗎喇,再拖會好貴…雖然我冚咗佢應該都無人會知。」
S:「Cindy WhatsApp你呀。」
我:「幫我睇下佢講乜啦。」
S:「妳信得過我?唔驚我同佢講我係Stella而家喺你屋企咩?」
我:「妳知道我最多嘢,要整死我有一萬種辦法,使乜等呢啲機會先嚟出手。」
S:「佢send咗張相畀你喎,好似飲完酒,笑得好甜,係幾正嘅,我係男仔都唔會捨得佢。」
我:「幫我send個心心眼畀佢啦。」
S:「唔好咁懶啦,起碼都加幾隻字吖。」
我:「交畀妳啦,語文科學霸。」
S:「佢話『我好想著住呢件衫畀你插,唔知你會想用乜姿勢呢?』,唔識覆喎。」
我:「我都唔識覆…」
S:「嗱,畀返你覆,我平時精打細算,等我幫你睇機票啦。」
我:「唔好意思,麻煩妳喇。」
S:「決定好用乜姿勢未?」
我:「姿勢遲啲再諗啦,我話我忍唔住要即刻推佢去K房廁所度解決佢,之後要佢真空出返去繼續唱K。」
S:「我係問你諗住同我用乜姿勢。」