【120k最後釋出】科學禁書目錄——索引上的女孩們（完）: Bonus篇——幸福的女人們
QQ300k釋出
之後嗰幾日都玩得幾順暢，因為有小朋友喺度所以去多咗動物園，水族館呢啲，佢哋都無乜所謂；我哋係大部份時間都一齊，係有時夜晚Erica會同佢男朋友自己玩，始終我哋好多時會貪方便喺大商場嘅family restaurant食嘢，因為隔籬通常就有玩具部，有兒童樂園，有夾公仔同啲唔知玩乜嘅甲蟲機超人機。YYM就可以順便同老公買定啲BB嘢，學下點同細路玩，一舉兩得。
有一日食完晏Erica男友趁無人專登嚟問我嘢…
「Issac呀，你知唔知邊度會有啲可以租和服影相嘅地方呀？」
我：「有啲難度喎，東京大阪嗰邊就大把，未玩厭咩？我見親而家IG上面啲人著和服影相無一個係日本人嚟嘅…」
「無呀…我哋又唔係成日嚟日本，想襯後生幫Erica影返輯靚相啫。」
我：「呢度唔係啲好旺嘅旅遊點，可能得啲真係幫日本人專業化妝影相嗰啲，價錢差好遠㗎喎。」
「無所謂呀…錢唔係問題，同埋最緊要有埋男裝。」
佢要呢啲就實有嘅，估唔到佢一本正經咁都會鍾意玩埋呢啲嘢，今時今日佢哋幾個都係喺旅館著件浴衣影下就算，反而將件衣不稱身嘅小童浴衣笠落靜璇度佢哋玩得更加不亦樂乎。Search咗陣我就搵到間專係幫日本人做紅白二事宴會祭典嘅和服鋪畀佢，唔知佢用唔用得著喇。
到咗最後兩晚我哋又去返黑川溫泉，好難得我哋又可以住返嗰間王帝房，而YYM同Erica兩pair就梗係住返普通房啦，都唔算好貴，而且佢哋無加夕食，因為出去食嘢其實會抵好多；今晚Erica同佢男朋友去咗居酒屋，YYM就兩公婆去遊車河，而我哋就比較懶留返喺旅館食會席料理浸溫泉，兩個細路睇住鮑魚被煮熟呢啲咁殘忍嘅場面竟然異常興奮，重將我嘅伊勢龍蝦食得乾乾淨淨…
S：「我哋去浸溫泉喇…一唔一齊？」
我：「唔啦…唔係幾好意思嘅…」
S：「唔理你，都唔知你諗埋啲乜。」
諗返起當年我哋喺出面個私家溫泉同埋呢間房嘅荒淫畫面，真係唔係幾好嘅，我怕Cindy會唔開心，由得佢哋幾個係出面謦女人嘢同玩細路重好，反正呢間房又換咗部新啲靚啲嘅電視畀我玩，可惜嘅係夜晚無邪留丸睇…
「咯咯咯！」
我：「嗯？Erica妳返嚟喇…做乜過嚟嘅？」
點知佢乜都唔講就入埋嚟將我推冧跌咗落塌塌米上面，再順勢擘開大髀坐咗落我心口度，佢件浴衣喺佢呢個咁不雅嘅動作之下開晒叉，入面竟然係真空嘅！當然…重係同以前一樣咁多毛。
我：「喂…妳塊面咁紅嘅？醉咗？」
E：「無呀…個衰人頭先飲咗好多酒，一返嚟就攤喺度死睡唔理我！」
我：「咁真係唔係幾好嘅…但關我乜事…」
E：「你，話，呢？」
佢一路講一路鬆開埋個膊頭位，將對C到D嘅波波攞出嚟放喺我面前，望落同以前都係無乜分別，一樣咁挺，但粒lin lin就無可避免哋深色咗少少，同埋個乳暈有啲皺皮。
我：「Erica，咁樣唔係幾好嘅…」
E：「有乜唔好。」
佢後手一嘢揸落我條嘢度，俾佢咁樣刺激法我又點會唔一早硬晒吖…不過真係唔妥喱，出面三個女人喺度浸緊溫泉，佢男朋友就喺隔籬房…
E：「人哋真係想要吖嘛…」
我：「Miss，乖啦，唔好曳…」
口裡說乖，實際上兩隻手已經忍唔住好曳咁放咗喺佢心口上面，溫柔咁撫摸佢嫩滑嘅肌膚同挑逗佢嗰兩粒百厭嘅乳頭，捽兩下已經硬鬼晒。
可能我同佢嘅動作產生咗啲不必要嘅聲音…
C：「Stella！個PK仔又同Erica喺度曳喇！」
S，琋：「由佢啦！唔得閒理呀。」
E：「嗯…我真係老喇，玩唔起…乖乖喇…」
佢講完就喺我上面起返身，除走埋件浴衣，然後向出面行去。
E：「喂！我過嚟浸溫泉喇，參唔參埋我呀？」
S：「乜妳玩夠喇咩？」
E：「佢都俾妳兩個搾乾搾剩，重有乜好玩？」
琋：「無囉，餓咗佢好幾日喇。」
的確，晚晚同三個女人一齊瞓，但係左右做人難，結果嚟到日本之後就餓足咁耐，不過又無乜嘢嘅，平時喺屋企對住兩個女人隨時都有得做，無謂搞到Cindy唔開心啦。
佢哋成班喺出面玩得咁開心，我一個人喺度真係感覺唔良好，所以我都打開紙門行咗出去木走廊度坐，反正…又唔係未睇過。
C：「喂！死人頭出嚟昅嘢呀？」
S：「你唔好過嚟呀！呢度無晒位喇。」
琋：「你咁樣坐喺度望住我哋扯旗扯死你呀！」
無咁易嘅，頭嗰一分鐘真係扯得好勁，但望到天承喺佢哋四對波中間玩嚟玩去就乜嘢色心都熄滅晒，做小朋友真係好，可以無憂無慮喺女人圈之中打轉；你個衰仔，有呢啲天國享受都係靠我努力得返嚟㗎咋，正所謂前人種樹，後人…不過我諗你大過咗都唔會記得發生過啲咁嘅事。
S：「喂，Issac，佢兩個眼瞓喇，過嚟幫佢哋沖涼擦牙上床。」
早知唔出去，結果又係做牛做馬。
搞掂完兩個細路之後我出返去，佢哋已經沖緊涼，好，終於到我浸…點知佢哋成班沖完涼之後坐咗埋嚟溫泉邊，八隻眼望住我好大壓力㗎嘛。
我：「妳哋圍晒喺度做乜…」
C：「你睇完我哋浸我哋而家報仇咁報囉。」
我：「男人浸有乜好睇？我會怕醜㗎…」
E：「你會怕醜？你真係好意思講出嚟㗎喎。」
S：「Erica做乜過嚟嘅？同男朋友嗌架？」
E：「無呀…佢瞓咗咋嘛，妳哋呢度有溫泉，我貪方便啫。」
S：「定係想嚟借Issac一用呀？有用就攞去啦。」
E：「點得…而家妳兩個好歹係佢老婆。」
琋：「我無所謂嘅，我睇Stella頭㗎咋。」
我：「妳哋究竟當我係乜？」
S：「你哋咪好鍾意叫女人做肉便器嘅，咁你呢，點叫好呢…冷暖自斟精漏水機？」
C：「頂，點解Stella妳變到咁淫㗎？講啲咁嘅嘢可以眼都唔眨重要咁文雅！」
S：「咪由坐妳隔籬位開始俾妳教壞。」
E：「唔可以喇…我男朋友唔玩得㗎，佢會好唔開心，我唔想傷害佢…」
C：「唓，佢都唔會知啦，定係妳信唔過我哋？」
E：「唔係喇…我個心會過意唔去。」
C：「妳一次都無背叛過佢？」
E：「理論上呢，係無嘅。」
C：「估唔到喎，咁忍得住。」
E：「我都唔知，但同佢一齊之後真係忍住咗。」
S：「妳哋呢幾日無做咩？點解好似咁唔滿足嘅？」
E：「有做…不過喺香港我哋一齊住成日都可以做㗎啦，無乜特別…只係見佢呢幾日好似心事重重有嘢煩咁，問佢又乜都唔肯講，明明嚟旅行應該好開心㗎嘛…」
吓？個KAI KAI Sir唔係煩點求婚煩到得罪Erica呀，有無咁低B，不過我又唔可以講出口。
佢哋繼續當我無到咁謦女人嘢，不過我早就慣晒，到咗點零Erica都返房，我哋都瞓覺。
一泊兩食有好有唔好，就係死都要迫自己起身食早餐，因為真係好好味又好抵食，但明明重係眼瞓到死，非常之矛盾。
S：「咦，得你兩個嘅？Erica佢哋呢？」
Y：「頭先重喺度㗎…不過咬咗塊包食完兩隻蛋就走咗，佢男朋友話有地方去好似好趕咁，唔知搞乜鬼，留咗架七人車畀我哋。」
睇嚟係捉咗Erica去著和服影相…唔知會唔會求埋婚呢？不過我就對佢無乜信心。
Y：「最後一日我哋有乜地方去㗎？」
我：「無定㗎，你想去邊可以隨便講，不過我想補眠返一陣先，我諗兩個細路都係咁諗。」
C：「我更加無所謂，我已經住咗幾個月日本，都唔知自己係嚟緊旅行。」
Y：「嗯，我哋都無乜話特定想去嘅地方，諗緊好唔好買埋架BB車拎返去，好似呢邊穩陣啲又平啲。」做咗人阿媽基本上所有嘢都係諗住BB。
S：「最衰美國寄香港好貴，我個仔而家都唔用。」
就係咁，我哋決定係旅館吽到晏晝先出去行街。
到咗一點鐘我哋出車，店長做司機，佢香港無車揸嚟到日本係咁爭住揸過手癮，啱晒，等我可以抖下，點知半路中途我收到個voice call。
我：「Erica妳搵我？無事呀？」
點知對面係一把男人聲。
「我得咗喇！Issac！唔該晒你！」
我：「哦…係嘅，恭喜。」
「不如你哋過嚟搵我哋吖！你知我喺邊㗎啦！」
我：「好，而家嚟，要少少時間。」
嗯，Erica嫁得出喇，very good。
我：「不如我揸返車吖，Erica叫我哋過去喎。」
Y：「嗯？佢哋做緊乜呀？」
我：「去到妳咪知囉。」
就係咁，我同琋玟跟佢哋換位，嗰度有啲遠，於是我中途停一停便利店叫佢哋買雞串手卷食住先。
去到間鋪已經三點幾，Erica同佢男友已經喺門口等緊我哋。
Y：「嘩！Erica妳好靚呀！」
乜真係咁大陣仗呀…以為佢想體驗下啫，Erica佢著住嘅係色打掛和服，即係紅、白、黑為主色，銹金銀線，有花同祥鶴圖案嗰類，set好晒頭化埋日本妝；至於佢男朋友著住嘅都係儀式用嘅正裝和服，好似換咗個人咁。
S：「嘩！偷偷哋玩啲咁嘅嘢唔出聲…」
C：「我無眼花呀？妳真係上堂玩App game嗰個Miss嚟？」
琋：「Miss男朋友你搞乜鬼呀？要結婚嗱？」
「妳哋睇下！」
佢遞起咗Erica隻手，上面多咗隻戒指，嗯…叫做睇到有粒石喺上面啦，我角度琋玟條鍊墜抵玩好多。
E：「喂呀…有乜好炫耀喎…」
S，C，Y，琋：「恭喜晒Erica！」佢哋一路拍手掌。
E：「衰人，喺學生面前整喊我…」
講真係幾感動嘅，估唔到呢個木獨阿Sir真係可以鼓起勇氣坐言起行，好過我呢啲婚又結唔成，欠下女人巨債嘅人；Erica，呢一刻嘅妳係我人生見過最靚嘅妳，恭喜晒！
「啲相啱啱印出嚟㗎！你哋睇下！」
E：「失禮死人呀你…邊有人喺血池地獄前面求婚㗎…」
「點會無！坂本龍馬就係咁！」
我諗佢真係開心到傻咗乜都講得出口，老屈坂本龍馬事小，如果你知道龍馬同佢老婆嘅結局你應該唔會講得出口…
呢間鋪真係好犀利，正裝和服…專業化妝set頭…重可以provide埋攝影師，淺草嗰啲做遊客生意嘅完全無得比，好彩我無搵錯啫。
「呀！夠鐘還衫㗎喇，不如我哋影返張相吖！」
C：「靜璇，天承，你兩個過嚟企前面做花仔花女吖！」
影埋合照佢哋就有專人服侍入返間鋪除衫落妝。
Y：「喂呀…你婚又無求過！相又無影過！幾時補返畀我呀？」
「好好好…生完之後同妳再嚟呀下…冷靜啲。」
咁啱我睇緊間鋪張單張，就遞去YYM前面，用手指住個價目表。
我：「諗清楚喎…睇下係咪捨得先…」
Y：「唔使呀！你留返啲心機嚟湊仔啦！」
「…」
同一時間，有三對充滿殺氣嘅眼睛望住我背脊。
過咗十五分鐘到，Erica同佢男友出返嚟。
「好多謝咁多位今日做我同Erica嘅見證，我諗…到時我同佢擺酒嘅話請大家嚟會有啲難度，不如就等小弟今晚請你哋食返餐代替吖！」
C：「好呀！當然無問題啦。」
E：「咁我哋今晚去食乜呀？」
「呢層呢…這個嘛…Issac你有無提議呀？」
妖，你唔係應該諗好咗先提議嘅咩…點解又搞著我；鰻魚飯？和牛？Omakase？唔通地獄拉麪？有無地方係可以唔使我諗㗎…
我：「不如去食buffet咯？」
就係咁，我搵咗間西式四星級酒店食自助餐，一口價唔係太貴，方便佢哋又方便我哋睇住啲細路，想食乜就食乜。
食完嘢之後我哋揸車返去，一致同意踢返Erica同佢未婚夫上架五人車，因為實在太過眼冤。
Y：「呀！結果無睇到BB車添…」
C：「唔使啦，我返東京之後幫妳揀完寄去妳度咪得囉。」
Y：「咁點好意思呀…」
C：「點會唔好意思，妳叫BB嗌我一聲契媽咪得囉！」
Y：「哈哈，到佢識嗌妳契媽嗰陣佢都唔使用BB車啦。」
C：「有拖無欠啦，到時我會返香港追BB數！」
Cindy真係好識做人，我諗我活多三世都追唔上，正所謂有契媽的孩子像個寶…
返到旅館…
C：「Erica妳嫁得出喇，快啲返房洞房啦！」
S：「阿Sir好快啲手喇，唔好要人做高齡產婦。」
Y：「唔準戴套㗎！要負返男人嘅責任！」
琋：「我都想中出呀…好羨慕…」
「Erica…妳啲學生真係活潑…」
E：「無呀，唔識佢哋呀，唔關我事㗎！」
C，S，Y：「咪講咁多廢話！快啲入房除衫開工！灑花！灑花！」
送完佢兩個入房之後我哋都各自返房，今次呢個旅程幾好，一切安然無恙；YYM同佢老公過得好幸福，BB重有幾個月就出世；Erica就有情人終成眷屬，雖然拖得耐咗啲但都總算修成正果。
返到房我哋再浸多一陣溫泉，沖涼服侍細路上床，三個女人就趁最後一晚過第二間睡房繼續謦閨蜜欬，我當然唔會插嘴啦，只係安靜咁攤喺隔籬玩下電話，睇下華爾街嗰邊點樣。
琋：「吓！Cindy妳而家搞緊programme trading？可唔可以遲啲同我合作做research topic呀？」
C：「嘻嘻，呢啲公司機密嚟㗎喎，妳叫MIT出份proposal去我公司睇下有無合作機會囉…不過我負責用㗎咋，背後啲嘢要問返我partner。」
當然講講下又會去咗男人度…
琋：「吓…妳同Vincent識咗兩年幾無攪過？」
S：「無理由㗎！妳係咪俾外星人捉咗去洗腦，快啲還返我識嘅Cindy畀我。」
C：「做乜呀…柏拉圖咁談下情唔好咩？唔做愛又唔會死嘅。」
S：「咁妳幾耐無做過愛？」
C：「嚟咗日本之後都無做過喇，唔通去叫鴨咩…好貴㗎，我又唔想同日本仔亂咁攪。」
S：「係嘅…不過總覺得今次旅程爭緊啲嘢…」
我：「呀？做乜望住我？Cindy妳覺得嚟緊升定跌呀？Tesla會唔會升穿三千？」
C：「呀…我都知我喺度阻住妳兩個淫婦…好啦，我通氣啲過去同細路瞓先，妳哋玩得開心啲。」
呢啲情況下我邊敢出聲吖…點知Stella同琋互相打咗個眼色之後一齊捉住Cindy隻手扯低咗佢瞓喺塌塌米上面…