一篇潮文改變一生: 第十二章
過完充實又享受既一夜，第二日，我立即開工，替兩條褲影返D型英帥靚大特寫，正式放上掏寶發售！
昨天辛辛苦苦影的相派上用場，我在售賣POST中除了貼上純褲相之外，再精心選出一D夜場正相，首先當然我唔會用我自己個D，全部都向獸聰個死仔D相入手，因為我唔清楚淘寶個尺度嚴唔嚴謹，所以我好辛苦咁搵左D最唔SEXY個D出來，但係所謂最唔SEXY，都已經足夠人J到出水……
目的好明顯，係想比人一種着左呢條老牛，食女都易D既感覺，但係我絕不會係個POST度寫上D咩鬼「溝女聖物，型格牛仔褲」之類的難頂字句，試諗下如果比你見到一個咁既賣物POST，我諗你反應會係連ON9都懶得講就關左佢，以銀鈴的手工來吸引觀客眼球，再加埋D相的軟性暗示，我深信足夠吸引人有餘。
至於D色情相，我去搵左幾個大型咸網，UP曬上去，內文提都無提牛仔褲三隻字，但係就盡力增加佢既曝光率，我一D都唔擔心話會影響品牌形象，形象呢家野係對D大企業先重要，我地呢D小生意，理得佢好名定臭名，至怕係寂寂無名，總之有人留意就得！
我都算係厚道，D正式扑野相，我係獸聰同條囡塊面度加到D格厚一厚……
可能大家會話，只要一見到淘寶度獸聰D露臉圖，再比對D咸圖，見佢成個LOOK一模一樣，容咩易起到佢底？無錯！根本好Q易就起到佢底，不過我太清楚個仆街仔，佢係一個不折不扣的無賴，百分百毫無羞恥之心，佢話自己偶像係陳冠希，平時就成日都自己UPLOAD自己D自拍片上網，如果比人係網上開POST恥笑佢的話，佢更加會得戚地LINK返個POST去自己FACEBOOK，仲要仆街到自己LIKE返TIM……
所以我係佢個樣度打格，好大程度其實係為左保障自己，免得佢見到之後又借D意話我用佢D相做宣傳，又要屈我請佢食多餐……
定價設定：每條牛仔褲盛惠250人仔
我地來簡單計算一下純利：30褲錢、30手工錢、10各種雜費(顏料手續費等)，因為250-30-30-10=180。
所以賣出一件，我就可以淨賺180人仔！
係咪好似教育電視呢？因為我細個真係o係教育電視度學返來，我小學個陣都未比心機聽過個四眼田雞數學老師講書，反而教育電視個妹妹仔更吸引我，所以我先識得點計加減剩除……
所以我成日話呢，香港教育失敗唔係失敗在填鴨式教育，你試下要求以後所有女老師入職條件都係要靚過高樹瑪利亞、條裙規定唔比過五吋丫！會有一個男學生遲到我即切！你又試下搵個36D美乳女老師來講解咩叫地深吸力丫！香港起碼出多六百個牛頓！
當然，到時D學校請唔請到女教師又係後話……
就係咁，基本上一切都搞掂，正所謂謀事在人，成事在天，要做既都做好，結果係點就惟有等。
點知唔洗一日，就已經有人落單，銀鈴的畫果然威力驚人呀！(定其實係D咸相的威力...唔好問我！)
我拿拿聲去搵銀鈴，即係同佢落單，有D客直情SEND埋心目中想要既圖案樣辦比我，我就叫銀鈴照畫，其他無特別要求個D，我就叫銀鈴替我諗埋。
今次我要佢畫成九條，銀鈴喜出望外！
「嘩！畫咁多呀！咁咪有好多錢law！」
270蚊對佢來說的確係好大筆錢，佢係街邊畫人像，生意好起上來一日都係得七、八幅，有時唔好彩，一日都畫唔到兩幅。
銀鈴興奮過後，諗左一諗，有少少唔好意思咁問：「咁多條我未必即刻聽日交到比你，但係呢…唔知可唔可以你比左一半錢我先，我交貨個陣收埋另一半！」
又難怪佢會憂心，大陸咁鬼多騙子，加上佢一開始替我畫哩批褲，就代表佢未來兩、三日都無時間畫人像，即時收入自然受影響。
「唔洗咁煩！我即刻比曬妳！」
我即時數左二百七比佢，佢開心到手都震埋，笑逐顏開：「放心！我應承你，三日之後一定準時交到比你！」
我嘉許地拍一拍佢膊頭，同埋給予她一個無比信任既眼神！
哩幾日我都唔會白過，繼續做我既網絡打手，為未來鋪路！
三日之後，銀鈴交貨，效果有進無退，自從有人收到現貨之後，我既淘寶評級就開始慢慢提高，網上都漸漸出現唔係由我做媒而發出既正面評語同相片，訂單開始如流水般湧來，而銀鈴的畫技亦不斷提升，畫褲速度更係於緊密式練習之下瘋狂地加快！
哩大半個月，我個荷包就越來越漲，而臉上的笑容，當然都越來越衰格……屌你呀？衰咩呀衰？哩D叫自信！
仲有件題外話，獸聰最終都發現左我放左佢D扑野相上網，佢好嬲！佢嬲九我話我做咩唔一早知會佢，搞到佢毫無準備，仲嬲我影到佢條J看起來好短。
喂大佬呀！你哩個咩九野投訴來架？咁即係欣宜走去屌九個攝影師影到佢好肥咁解姐！你話我可以比咩解釋你……
爭辯左好耐，我最後都終於屈服，就咁比佢屈左我要請佢上去跳多次舞，佢話至多比我影多次，仲要求今次唔好加格，話恐防D少女見識唔到佢幾似Edison，我屌九佢無聊，佢又屌九返我無TASTE，就係咁又互屌左一輪，最終定案係只係條女個樣度打格……
又上去浦多次，今次佢好快就搵到件獵物，正正經經咁開房，本少爺今次好敬業咁純粹只係影相，難得我咁專心認真，點知獸聰個仆街係我一路影既時候一路麻七煩煩咁七情上面不突止，我仲以為佢要準備D咩，原來佢個死ON9走去剃短左D陰毛，等條J視覺上看上來長D……
獸聰呀獸聰！你到底要ON9到咩程度先心息呀？