《我強姦咗個女同學》: 《我強姦咗個女同學》（十七.一）

《我強姦咗個女同學》（十七.一）



去到水族館，周圍都係一種湖水藍嘅色調，冷氣開到好大，但又唔覺得乾同舒服，剩係覺得好潮濕好凍。

我同宛兒講。

「你件衫同呢度好襯。」



「有咩咁襯？」佢一頭霧水咁。

一直覺得，粉紅色同淺藍色係好夾，拼埋一齊好好睇。但水族館燈光好暗，宛兒件衫睇落變咗一種紫藍色咁。

「係呢，你凍唔凍？」

宛兒擰頭：「唔啊，我都唔怕凍嘅。」

佢企到好近個水族箱，近到塊面幾乎貼住塊玻璃。



「阿峰，你試下咁樣，企到好近好近咁嘅話，睇落去啲魚就會好似喺你隔離游緊咁，好似入咗去裡面。」

「唔.......你咁大膽嘅。」

「有咩咁大膽。」

我唔太識形容嗰種感覺：「類似行啲觀景塔咁，明知無危險，但就唔敢行太近啲玻璃，硬係覺得會跌落去咁。」

「你指畏高？」



「類似，成日會突然幻想如果啲玻璃爆咗會點，我會唔會夠氣游返上去。」

宛兒終於離開塊玻璃：「呢度有幾深？睇落唔太深，不過裡面啲魚一定好開心，成日望到啲人圍住自己行但一個都食唔到，如果爆玻璃梗係第一時間食個人先。」

我打個冷震：「咁恐怖？」

「你凍啊？」宛兒揸住我手臂。佢隻手好暖，令人即刻舒服咗好多。

「少少啦，呢度冷氣好大。」

「呢啲地方係咁㗎。」

「我知......」

「你會唔會想攬住我？」



「吓？你講咩，我想你除件外套俾我多啲。」

宛兒即刻除件衫落嚟：「你啱著咩？」

「唔啱啊，做咩啫你，快啲著返啦，其他人唔知道以為我蝦你。」

宛兒著返件外套，然後翹住我隻手。

我即刻縮開：「唔使啦。」

但佢翹得好緊：「你真係好凍。」

「喂，唔得啊。」



「唔好拒絕我啦，你又蝦我，人地唔知以為你嬲咗我㗎，一係俾我同你出去先啦。」

宛兒夾硬翹住我隻手同我行。

其實我唔會唔想，但成件事好怪。

咁即係點？我又無端端同佢拍返拖喇？
………………