《我強姦咗個女同學》(十七.二)

一直去到嘉欣幫我地搵嘅餐廳,宛兒先鬆開手。就連喺水族館紀念品店睇嘢時都無放開過。佢揀咗幾隻掛飾布公仔做手信,包括有海龜、海豚、八爪魚、水母、熱帶魚同蟹,隻蟹嘅公仔係橙紅色嘅,我叫佢唔好買。
「呢隻幾得意吖,做得幾靚。」宛兒好仔細咁睇駁口啲線有無甩線頭出嚟或者縫得唔好嘅地方。

「熟咗嘅蟹先係紅色㗎嘛,教壞細路。」

「咩啊?都有啲蟹未煮熟時已經係紅色㗎喇。」

「係就係,但一睇到就覺得呢隻係熟嗰啲。」



「我話唔係就唔係啦,係呢,咁你鍾意咩?」

「鍾意你囉,仲使問嘅?」

我真係咁講咗出嚟。

宛兒肯定聽到嘅,佢「吓」咗聲。

跟住我接住講:「雞泡魚,我覺得好得意,如果你養魚可以試下,不過你都唔養寵物。」



「雞泡魚啊?嗯......呢度有無呢?」

宛兒帶住我喺紀念品舖裡面周圍兜圈。

我拍一拍佢隻手:「呢啲嘢呢度唔會有㗎喇。」

「點解咁講。」

「都唔係啲咩熱門嘢。」



「咁你買唔買嘢俾人。」

「要買咩俾人?」

「手信囉,唔使咩?」

「嗰啲,走嗰陣先求其買啲啦。」

「唔好,買啲特别啲嘅嘢俾人吖嘛。」宛兒拉我埋去一個擺零食嘅位度:「揀呢啲啦,個樣好得意。」

宛兒指住啲海洋生物造型嘅餅。

個盒係好得意,但硬係覺得裡面嘅咪又係餅,無咩特别。



「拆開裡面咪又係餅,個樣咁靚,裡面好大機會唔好食,不如買啲真係好食嘅好過啦。」

宛兒望住手上攞住嘅公仔:「咁啲公仔拆開裡面都係一樣嘅棉花。」

見佢一副唔知屬於咩表情嘅樣,我即刻話:「好喇好喇,買喇。」

宛兒即刻笑返:「聽話嘅阿峰真係好。」

……………