《那一晚，我係舞廳見返初戀姐姐》: （20）

「吓！？點解呀？我記得你個時做IT做得幾開心㗎」Tiffany露出一個驚訝的表情，又帶有點內疚似的。

「其實係你離開左我之後，我有試過搵你但搵唔到…」

「傻瓜，唔係叫左你唔好搵我既咩」看似她是在責備著我，但知道她心裏是歡喜的。

「唔試下搵你，我唔會心熄嘛… 過左無幾耐之後，我就離開左香港，去左美國發展，係個邊生活左好幾年，我有聽你話好好生活架」

「咁點解你又會返左黎既？」



「我之所以辭左係美國份工返黎香港，係因為我係處理一啲新聞相既時候見到你，知道你應該重係香港，而且似乎會係上流社會既圈子出現。我搵左啲朋友搭路，花左幾年時間學跳舞做老師，睇下可唔可以咁樣去搵到多啲有關你既消息」

「小司，原來你為左我做左咁多野，對唔住」Tiffany眼圈開始有點紅，泛著點淚光。

我掏出了紙巾，遞了一張給Tiffany，接續道：「唔洗對唔住，係我心甘情願咁做，結果皇天不負有心人，雖然我都無諗過會係用呢個形式咁見返你，但係始終俾我搵得返你」說到這裏，鼻子酸酸的，淚水亦在眼眶裏打轉。

突然，Tiffany的電話響起，她接了電話，應了幾句便掛了電話。