《那一晚，我係舞廳見返初戀姐姐》: （21）

「Louis佢地傾完啦，叫我地上返去」說完，但她卻沒有絲毫動身的打算。

我知道這次別過，不知道甚麼時候才能相見，雖然不捨，但也不希望為Tiffany帶來甚麼麻煩。我從西裝的口袋中拿出咭片，遞給Tiffany，道：「呢到有我既電話，你隨時可以打電話俾我，要記住有咩事都可以搵我… 我地要上返去啦，你唔可以因為我而被Louis佢地懷疑㗎」

Tiffany 遲緩了一下，亦收下了我的咭片放在她的名牌包內，我亦隨即站了起來，伸手讓她扶著站起來。我跟在她的後面，再次回到了VIP房。

甫坐下，Louis便發現Tiffany的眼圈有點紅，便問道：「做咩眼紅紅既？喊過黎呀？係咪有咩事呀？」

Shirley唯恐天下不亂的轉身看著我，似乎在質問我發生過甚麼事，Louis亦開始用質疑的眼神望向我。結果，Tiffany搶先的解釋道：「頭先Leo同我講佢同初戀女朋友既事，好感人，我眼淺所以先係咁，我好快就無事㗎啦」



Louis拍了拍Tiffany的肩膀安慰她，然後向我道：「估唔到Leo係性情中人，我都好少見到我老婆因為聽人地既故事而喊」

「你同初戀既愛情故事點解我無聽過既，你做咩暪住我呀？」Shirley帶點懷疑的問道。

「無暪住你呀，你唔問我又點會無端端提起。Louis，你話係唔係呀？」

「係呀係呀，男人都係咁㗎啦… 搞清楚無事發生過就最好啦」

Shirley跟Louis 接著多寒喧幾句，便帶著我離開。