《那一晚，我係舞廳見返初戀姐姐》: （22）

離開VIP房後，我跟著Shirley來到停車場。待她上了車後，我卻站在車旁敲了敲副駕駛座的玻璃窗，她放下了窗，側一側身說道：「上車啦，我車你走」

我彎了彎腰，隔著車門答她道：「我地場戲都做完，我自己走就得啦」

「你係咪嬲我話你係我男朋友呀？」

「你個時係老細，你話係咩就係咩，我唔需要嬲呀」

「咁點解你呢刻好似要同我劃清界線咁呀？係咪因為Tiffany?」



「其實我地本身就係唔同世界既人，你出錢請我地，我地出賣勞力同技術，從來都唔係對等」

「Ivan應該同你講過㗎，你同佢地係唔同」

想不對昨晚跟Ivan的通話，嘗試多了解她的背景、今日飯局的事情她也知曉，看來她應該給了Ivan不少好處，但也不能怪他，這個時代，一買一賣是最平常的事。

「係，Ivan有同我講過點解佢會突然唔教同你要指名搵我代佢，亦知道你平時唔會叫人跳完舞跟你走，而我拒絕左，咁即係代表左我地既關係只係留係個到。今日同你過黎食飯係例外，只係一份job」

「咁你會唔會嘗試繼續做我男朋友呢份工？」