《那一晚，我係舞廳見返初戀姐姐》: （46）

「你… 你亂講咩野呀？」她眼睛不敢再看着我，神色帶點慌張的道。

「你唔駛咁驚喎，今日Tiffany同Louis上過黎studio搵我傾過啲野，係佢地話我知，重話係你係背後幫Louis爸爸搞」我不疾不徐的答道。

「咁如果係佢講既，咁點解你重要問我呀？」

「因為佢地今日講既野太不可思議，所以我想搵你求證下」

「有關呢件事既，我唔可以講太多」她有點遲疑的答道。



「明白既，我唔會逼你答… 我想問多一樣野，就係當年Louis爸爸搵你做野既時候，有無同你講過原因呀？」

「有呀，但係我…」

我打斷她的話，道：「係咪有一條家規，要有仔女先可以繼承公司？」

Shirley聽後露出一副驚訝的表情，然後道：「佢連呢件事都同你講埋…」我連忙把手蓋住她的嘴阻止她繼續說，她也驚覺自己說錯了話。

「記住你無同我講過呢件事，係我係佢到聽返黎」我連忙對Shirley道。



她點了點頭道：「睇黎你惹左個好大既麻煩」

「都幾麻煩，所以我先想知多啲」

「我之前係有聽過Louis提過佢地公司既事，近排佢的確係幾煩。我好耐好耐之前係做Louis爸爸既秘書，有好多唔見得光既野都係由我出手代勞。的確係Louis出世左無幾耐之後，我就離開左佢地公司，自己出黎搞生意，咁佢地屋企又的確幫左我好多」

「有你咁講就夠，我就放心好多」

「你係咪要去做啲危險野呀？」她突然抱緊我道。