《那一晚，我係舞廳見返初戀姐姐》: （47）

「都唔算好危險既，只係有一段時間我黎唔到煮飯你食，同埋今日之後，你搵啲藉口避左唔好去舞廳住」

「Louis吩咐既？」

「係，我今日之後都唔會再去住，所以都係要同你講清楚，麻煩晒你幫手搞搞佢」

她搖了搖頭，道：「唔麻煩，但你要記得應承左之後會黎煮飯俾我食，我會等你」

「你唔問我要去做啲咩既？」



「有咩應該問，有咩唔應該問，我好清楚。只係我估唔到你同佢地多左咁多瓜葛，我係到諗緊係咪我一手做成…」她心情有點沈重起來。

「有時有啲野要黎始終都會黎，千祈唔好將呢啲野攬晒上身，同埋秘密係用黎遺忘，而唔係記住」

「你咁細個成日講埋啲懶係深既野，都唔似你呢個年紀會講既野，究竟你收埋左幾多野架？」此時她彷似變回一個小女孩，天真的問道。

「你唔好諗咁多，快啲去訓啦，等完左件事，有機會再同你講」我給她一個晚安吻，催促她快點瞌上眼睛睡去。

兩個星期後，這個暪天過海的計劃終於要開始，同是亦是另一個翻天覆地的開始。