回到過去，破我未婚妻個處: （30）

我一路吊住Kevin尾，跟到佢同Veronica喺尖沙咀食放題。

佢趁女方去廁所嗰陣，偷偷地喺女方手袋摷部電話出嚟睇。

而佢睇完後居然一啲反應都無。

我覺得好奇怪，繼續跟住佢地喺海旁睇燈飾。

捕到Kevin去廁所嘅機會，我跟入去問一問。



「咦？乜咁啱嘅，又見到你。」Kevin企喺我隔籬尿兜屙尿。

「點呀，你條女係咪背住你勾佬？」我問

「無喎，佢部電話得同我嗰啲sms，完全無你所講嘅情慾短訊。」

呢下我先知自己計漏左，睇怕Veronica已經delete曬啲sms，嗰啲證據一早無曬。

Plan b唔奏效，但都唔緊要，我仲有Plan C。



今次Plan C就真係夾硬嚟。

之前我仲以為佢兩個無鬧過交，無上演過嗰啲生生死死嘅橋段，Veronica就唔洗急住獻身，嚟證明自己嘅愛。

原來事實係，無論有鬧交定係無鬧交，佢地兩個睇完燈飾，照樣都係去酒店開房。

我亦照樣跟埋去酒店，上埋去佢地住嗰層。

每一間酒店，天花板都裝有消防灑水系統，只要感受少少熱力，就會自動開始灑水。



我喺雜物房揾左張摺櫈，嚟到走廊，趁無人就拎住準備好嘅打火機爬上去條梯，對住個噴水口點火。

唔洗三秒，面前嘅灑水系統，連同天花板其他噴水口，嘩啦嘩啦咁不停灑水。

同時火警鐘響起，成條走廊就好似落大雨咁濕曬。

我丟低條梯，九秒九衝去行後樓梯走人。

落到大堂後，見到啲職員陸續上去疏散人群。

家下全間酒店走火警，佢兩個想搞嘢都無得搞啦。

Plan C總算成功，唔單止阻到二人上床，仲阻到唔少無知少女失身，都算做左唔少好事。

火警鐘繼續響個不停。



房間內嘅住客出曬嚟大堂，職員紛紛對此表示歉意。

過左一陣，消防員就趕到，我都唔敢再繼續逗留，免得俾人周到。

我出門口截的士返屋企。

由於平安夜多人出街，交通比較擠塞，架的士塞左喺紅隧好耐都唔郁。

車內嘅電台播放緊歡樂嘅聖誕歌。

而我開始盤算接住落嚟嘅計劃，諗諗下突然間覺得好似有啲唔對路…

就喺下一秒，聖誕歌停左落嚟，司機定左格唔郁。



眼前嘅畫面由自己被困的士內，轉換成Kevin同Veronica嘅床上「肉搏」。

兩人除曬衫，光脫脫訓喺床上。

「阿Ling，我愛你，Merry Christmas！」

男方將女方壓在身下，擺腰向前挺進。

女方捉實男方雙手手臂，雙眼緊閉，嘴裡發出嬌喘。

無理由架！明明全間酒店都走火警！佢地無理由上到床…

咪住！張床…張床...唔同左...

床頭放左好多麵包超人公仔……



下！呢度係Veronica屋企？佢地返左屋企扑嘢？

隨即，一道刺眼白光伴隨刺耳嘅「wee-wee」聲，照向我嘅眼球。

當我再睜開眼，自己已不再身處2009年，而又喺返2021年自己張床上。
 
我㩒熄電話嘅鬧鐘，眼尾睄到放喺枕頭底、小曼送嗰度符攝左出嚟。

我順手攝返佢入去，拎起嗰陣留意到喺道符上面，嗰一個七角星圖案中心位置，多左一個大寫中文數目字「叁」。

呢個叁字即係「三」嘅意思。

我記得之前明明得粒七角星，都無呢個三字，係幾時多左個字，同埋呢個三字又係代表咩意思？



算...唔好諗咁多，普普通通一道符，考究嚟都無意思，我淨係知再唔起身返工，就會遲到扣人工。

放返道符落枕頭底後，我就換衫返工。

上個禮拜成個禮拜都約唔到小曼出嚟食lunch，呢日lunch time我再試下打電話約佢。

又無人聽。

條友呢排搞咩成日唔覆機，唔通係拍拖？上次喺apm見到嗰男仔係佢男朋友？

「叮！」電話收到message。

Veronica同我講，佢定左下禮拜影婚紗相，提我要請定假，另外婚宴場地佢都book埋，叫我盡快定男方個賓客名單。

數數手指，得返五個禮拜就要結婚，其實真係唔明點解佢要咁趕結婚，好似驚死我唔娶佢咁。

講真嗰句，講到驚，真正驚死嘅應該係我。

我前後已經穿越左三次，三次都破唔到佢個處，我唔知仲剩幾多次機會，如果再破唔到處，咁一結婚我就係咁先。

定還是聽十六歲嘅我講，直接唔結婚就唔洗煩。

弊在日子都定左，家下連酒店都book埋，好難一句唔結就唔結。

咁又唔係，嗰又唔係，左右為難，唔知點算好。